ஆன்மிக கட்டுரைகள்»இஸ்லாம்

அன்பு தளபதி · அன்பு தளபதி Wed 23 Jun 2010 - 15:52

அறிவிப்பாளர்:அபூ மூஸா அல் அஷ்அரீ(ரலி)
அண்ணல் நபி(ஸல்) அவர்கள் கூறினார்கள்: ஓர்
அடியானின் குழந்தை ஒன்று இறக்கும்போது, அல்லாஹ் தன் வானவர்களை நோக்கி, ""நீங்கள் என் அடியானுடைய குழந்தையின் உயிரைக் கைப்பற்றிக் கொண்டீர்களா?'' என்று வினவுகின்றான். அவர்கள் அதற்கு ""ஆமாம்'' என்று கூறுகின்றனர். மீண்டும் அவர்களிடம் ""நீங்கள் அவனுடைய நெஞ்சத் துண்டின் உயிரையா கைப்பற்றிக் கொண்டீர்கள்?'' என்று வினவுகின்றான். அவர்கள் அதற்கு ""ஆம்'' என்று கூறுகின்றனர். பிறகு அவர்களிடம் ""என் அடியான் என்ன கூறினான்?'' என்று இறைவன் வினவுகின்றான். அவர்கள், ""இந்த சோதனைக்காக அவன் உன்னைப் புகழ்ந்து "இன்னா லில்லாஹி வஇன்னா இலைஹி ராஜி ஊன்' (நாம் அல்லாஹ்வுக்கே
உரியவர்கள்; அவன் பக்கமே திரும்பிச் செல்ல வேண்டியவர்கள்) என்று கூறினான்'' என்று பதிலளித்தார்கள். அப்போது அல்லாஹ், ""என்னுடைய இந்த அடியானுக்காக சுவனத்தில் ஒரு வீட்டைக் கட்டுங்கள்; அதற்கு பைத்துல்ஹம்த் (நன்றி இல்லம்) என்று பெயர் சூட்டுங்கள்'' என்று கூறுவான்.
விளக்கம்: அந்த இறைநம்பிக்கையுடைய அடியான் இறைவனைப் புகழ்ந்தான்; அதாவது ""இறைவனே! உனக்கு நான் நன்றி செலுத்துகின்றேன். என் குழந்தை பறிபோய் விட்டதற்கு உன்னைப் பற்றி நான் தவறான எண்ணம் கொள்ளவில்லை. நீ செய்வது எதுவும் அநீதியாக இருப்பதில்லை. உனக்கு உரிமையான பொருளை நீ எடுத்துக் கொண்டால் அதற்காக நான் ஏன் அதிருப்தியடைய வேண்டும்?''
""இன்னாலில்லாஹி வ இன்னா இலைஹி ராஜிஊன்''
பொருள்: நாம் அல்லாஹ்வுக்கே உரியவர்கள்; அவன் பக்கமே திரும்பிச் செல்ல வேண்டியவர்கள். இது
பொறுமையைக் குறிக்கும் சொற்றொடராகும். இது மனிதனுக்கு பொறுமையைப் போதிக்கின்றது. ஏனெனில், இதன் பொருள் இது தான்: ""நாம் அல்லாஹ்வின் அடிமைகள் ஆவோம். அவனது விருப்பத்திற்கேற்ப உலகில் வாழ்க்கை நடத்துவதே நமது கடமையாகும். மேலும், நாம் அவனிடமே திரும்பிச் செல்வோம். நாம் சோதனைகளைச் சகித்துக் கொண்டு பொறுமையுடன் இருந்தால் நற்கூலி கிடைக்கும். இல்லையென்றால் தீய விளைவை அடைவோம். இவ்வுலகின் ஒவ்வொரு பொருளும் அழியக்கூடியதே. இவ்வாறு சிந்திப்பது சோதனைகளை, துன்பங்களை எளிதாக்கி விடுகின்றது.