தொழில் அதிபரின் செக்ஸ் லீலைகளை உளவு பார்த்த கார் டிரைவர் எரித்துக்கொலை

டெல்லியைச் சேர்ந்த பிரபல தொழில் அதிபர் அனில்நந்தா. இவரிடம் ஜானேஷ்வர் சர்மா என்ற முன்னாள் ராணுவ வீரர் கார் டிரைவராக வேலை பார்த்து வந்தார். கடந்த 9-ந்தேதி ஜானேஷ்வர் சர்மா உடல் முழுவதும் எரிந்த நிலையில் உயிருக்கு போராடிக்கொண்டு இருந்தார். அவரை மீட்டு டெல்லி ஆஸ்பத்திரியில் சிகிச்சைக்காக சேர்த்தனர். அங்கு ஒரு வாரம் சிகிச்சை பெற்றும் பலன் இல்லாமல் பரிதாபமாக இறந்தார்.

7 நாட்கள் அவர் ஆஸ்பத்திரியில் இருந்தும் அவரிடம் இருந்து போலீசார் வாக்குமூலம் எதுவும் பெறவில்லை. ஒரு தனியார் தொலைக்காட்சி நிறுவனம் அவரிடம் வாக்குமூலம் பெற்றுள்ளது.

நந்தாவிடம் இவர் 6 வருடங்களாக கார் டிரைவராக வேலை பார்த்து வந்தார். அவரை மர்ம மனிதர்கள் சிலர் பெட்ரோல் ஊற்றி எரித்து நந்தா வீட்டில் போட்டுச் சென்றுவிட்டனர். முன் விரோதத்தில் அவர் கொலை செய்யப்பட்டு இருக்கலாம் அல்லது செக்ஸ் விவகாரத்தில் கொலையுண்டாரா? என்ற கோணத்தில் விசாரணை நடந்து வருகிறது.

நந்தாவின் தொழில் பார்ட்னர் விஜய்சின்காவின் செக்ஸ் லீலைகளை கார் டிரைவர் உளவு பார்த்ததாக ஆரம்ப கட்ட விசாரணையில் தெரியவந்தது. எனவே செக்ஸ் தகராறில் அவர் கொலை செய்யப்பட்டு இருக்கலாம் என்று போலீசார் நம்புகிறார்கள்.

இதில் உண்மையான கொலையாளிகளை மறைக்க போலீசார் முயற்சி மேற்கொள்வதாக குற்றம் சாட்டப்பட்டுள்ளது. எனவே தான் அவரிடம் வாக்கு மூலம் பெற போலீசார் எந்த நடவடிக்கையும் எடுக்க வில்லை. அவர் வாக்குமூலம் கொடுக்கும் அளவுக்கு நல்ல நிலையில் இருந்தார் என்று டாக்டர்கள் தெரிவித்தனர். ஆனால் மாஜிஸ்திரேட்டை வரவழைத்து வாக்குமூலம் பெற முயற்சிக்கவில்லை என்று கூறப்படுகிறது.

இதற்கிடையே கொலையுண்ட கார் டிரைவர் குடும்பத்தினர் தேசிய மனித உரிமை ஆணையத்திடம் புகார் அளித்துள்ளனர். அதில் 3 கொலையாளிகள் பெயரை குறிப்பிட்டுள்ளனர். அதில் தொழில் அதிபர் பெயர் இடம்பெறவில்லை.

ஜிதேந்தர் பாண்டே, அனில் நந்தா, தீரஜ் பவானி ஆகியோர் பெயர்கள் இடம் பெற்றுள்ளது. இவர்கள் தான் கார் டிரைவரை கொலை செய்து இருக்கலாம் என்று சந்தேகப்படுவதாக கூறியுள்ளனர்.