உன்னவனாய்...

மஞ்சுபாஷிணி · மஞ்சுபாஷிணி Sat Jun 19, 2010 12:22 am

First topic message reminder :

உன்ன‌வ‌னாய்.....

இமையின் ஈரத்தில்
உன் உருவம் ஒன்றை
பதிக்க முயன்று
தோற்றேன்
கண்ணீரில் கரைந்த‌
உன்னுருவம்
கலைந்து போனது
சொல்லாமலே

கனவில் உன்னை பிடிக்க‌
முயன்றேன் முடியவில்லை
என்னை அறியாததாய்
ஒரு பாவம் உன் முகத்தில்
காற்றாய் கலைந்து போனது
கனவும் என்னிடம் சொல்லாமலே

நினைவுகளின் தேக்கத்தில்
தேடி முயன்று தோற்றேன்
எந்தன் மனக்கண்ணில்
உன் இன்முக‌ம்
வந்து போய்விட்ட‌து
சொல்லாம‌லே

எனைத் தேடி க‌ளைத்த‌
என்னுயிரே

ச‌ற்றே க‌வ‌னித்துப்பார்
துடிக்கும் உன் இத‌ய‌மாய்
உன்னுள் வாச‌ம் செய்யும்
என்னை நீ தேடுவ‌தேன்?

க‌ண்ணீராய் க‌ன‌வாய்
நினைவாய் உன்னுட‌ன்
நானாய் என்றும்
துடிக்கும் துடிப்பாய்
உன் இத‌ய‌மாய்
உன் அக‌த்தே
உன்ன‌வ‌னாய்.....