ஈகரை தமிழ் களஞ்சிய விதிமுறைகள்

**சிவா** · **சிவா** Fri Jul 10, 2009 12:31 am

First topic message reminder :

தளத்தின் விதிமுறைகளை அனைவரும் பின்பற்றுவது மிகவும் அவசியமானது

1. பயனர்பெயர் ஆபாசமாக இருக்கக்கூடாது; இனம், மதம்,சாதி சார்ந்தவையாக இருக்கக் கூடாது. பதிவுகள் தமிழில் இருக்க வேண்டும்.

2. ஈகரை தமிழ் களஞ்சியம் வியாபார நோக்கமற்ற, உறவுகளின் ஆக்கங்களுக்கு மட்டும் முக்கியத்துவம் அளித்து, அவர்களின் திறமைகளை வெளிக்கொண்டு வருவதற்காகவே இயங்கும் ஒரு தன்னலமற்ற தமிழ்க் களஞ்சியமாகும்! இங்கு விளம்பர அல்லது வியாபார நோக்கில் உங்களின் பதிவுகளைப் பதியக்கூடாது! மீறினால் பதிவு நீக்கப்படும் மேலும் உறுப்பினரும் தடை செய்யப்படுவார்.

3. அநாகரீகமான வார்த்தைகள் மற்றும் விவாதங்கள் தவிர்க்கப்பட வேண்டும்

4. இங்கு பதிவிடும் அனைவரும் சம உரிமை உள்ளவர்கள். அனால் அதே சமயம் கண்டிப்பாக தலைமைக்குக் கட்டுப்பட்டு நடக்க வேண்டிய கடப்பாடு உடையவர்கள்.

5. பதிவுகளுக்குத் தொடர்புடைய பின்னூட்டங்கள் மட்டுமே இடம்பெற வேண்டும்! பதிவுகளுக்குத் தொடர்பில்லாத பின்னூட்டங்கள் நீக்கப்படும்! பல நாட்கள் சிந்தித்து எழுதப்பட்ட ஆக்கங்களை பாராட்ட மனமில்லாவிட்டாலும், பதிவுகளை தரக் குறைவாக விமர்சிக்க வேண்டாம்!

6. மற்றவர்களின் படைப்புக்களையோ அல்லது பிற தளங்களில் இருந்தோ எடுத்து இங்கு பதியும் பொழுது அதை எழுதியவருக்கோ அல்லது, எடுத்த இணைய தளத்திற்கோ கண்டிப்பாக நன்றி சொல்ல வேண்டும். நன்றி தெரிவிக்கும் போது கொடுக்கப்படும் இணையதள முகவரி, உறுப்பினர்களை மற்ற இணைய தளங்களுக்கு கொண்டு செல்லாமல் இருக்குமாறு பதிய வேண்டும். சொந்தமாக வலைப்பூ (Blog) வைத்திருப்பவர்கள், இணைப்புடன் கூடிய தங்கள் வலைபக்கத்தின் இணைய முகவரியை தங்கள் கையெழுத்து பகுதியில் மட்டும் வைத்திருக்க அனுமதி உண்டு. மற்ற நண்பர்களின் வலைப்பூவாக (Friends Blog) இருந்தால் இணைப்பு சுட்டி இருக்கக்கூடாது.

7. தம் மதங்களைப்பேண முழு உரிமை இருக்கும் அதே நேரம் பிற மதங்களை இழிவு படுத்தும் நோக்கில் பதிவுகள் இருத்தல் கூடாது..!

8. அரட்டை பகுதியில் எந்த தலைப்பிலும் அரட்டை அடிக்கலாம்! ஆனால் தரமான தமிழ் வார்த்தைகள் மட்டுமே பயன்படுத்தப்பட வேண்டும்! பேச்சு மொழியில் எழுதுவதைத் தவிர்க்க முயற்சி செய்வோம்!

9. ஈகரையின் முக்கிய உறுப்பினர்கள் பலர் சேர்ந்து ஒரு உறுப்பினரை நீக்கக் கோரினால் நிபந்தனையின்றி நீக்கப்படுவார்கள்.

10. பெண் நண்பர்களுக்கு அவர்களது அனுமதி, விருப்பு இல்லாமல் தனிமடலிடக் கூடாது.

11. திரிகள் தொடங்கும் முன்னர் அந்த பதிவு ஏற்கனவே பதியப்படவில்லை என்பதை உறுதிப்படுத்திக் கொள்ளுங்கள். சரியான தலைப்பின் கீழ் பதிவிடுங்கள்.

12. மற்ற உறுப்பினர்களின் பெயர்களில் நகைச்சுவைகள், விமர்சனங்களைத் தவிர்க்கவும்! உங்களின் அரட்டை மற்ற உறுப்பினர்களை எந்த வகையிலும் மனம் புண்படும்படி செய்யக்கூடாது! நேரிடையாகவோ மறைமுகமாகவோ பிறரைத் தாக்கிப் பதிவு இடுவது கூடாது.

13. உங்கள் சொந்ததளத்தின் வளர்ச்சிக்காக ஈகரை உறுப்பினர்களை தனிமடல் மூலம் அழைக்கக்கூடாது. மீறுபவர்கள் முன் அறிவிப்பின்றி நீக்கப்படுவார்கள்.

14. குறுங்கவிதைகள் அதாவது இரண்டு மூன்று வரிகளில் எழுதும் கவிதைகளுக்கென தனித்திரி துவங்க வேண்டாம். 5-க்கும் குறையாத கவிதைகளை இணைத்து ஒரே திரியில் வெளியிடுங்கள்.

15. நிர்வாகக் குழுவினரை எதிர்த்து வாதங்கள் வேண்டாம். எச்சரிக்கைப் புள்ளிகள் வழங்கப்படும். மற்றவர்களுக்கு அறிவுரைகள் கூற விரும்புபவர்கள் தனிமடலில் மட்டுமே கூறவேண்டும்! நேரடிப் பதிவுகள் மூலம் அறிவுரைகள் சொல்ல வேண்டாம்!

16. நிர்வாகத்தைப் பற்றியோ, விதிகளைப் பற்றியோ பதிவர்களுக்கு சந்தேகமோ, கேள்வியோ இருப்பின் விளக்கத்துக்கு நடத்துனரை தனிமடல் மூலமாக மட்டும் தான் தொடர்பு கொள்ளவேண்டும். மாறாக பொதுவில் கேட்பின் எச்சரிக்கைப் புள்ளி தரப்படும். இது தொடர்ந்தால் பதிவர் தடை செய்யப் படுவார்.

17. தலைமை நடத்துனர்களின் முடிவுக்கு அனைவரும் கட்டுப்பட வேண்டும்.

குறிப்பு: இந்த விதிகள் எப்போது வேண்டுமானாலும் மாற்றியமைக்கப்படும் / புதுப்பிக்கப்படும்/

விதிமுறைகள் குறித்த சந்தேகங்கள் இருந்தால் ஈகரை நிர்வாகக் குழுவினரிடம் தனிமடல் மூலம் விளக்கம் பெறலாம்.

இவண்,
நிர்வாகக் குழுவினர் ஈகரை

மஞ்சுபாஷிணி · மஞ்சுபாஷிணி Thu Apr 21, 2011 10:51 am

உண்மையே முரளி.....

நான் அதிகம் அரட்டை அடித்திருக்கிறேன் இங்க நிறைய திரிகளில்.... எனக்கே தெரியாமல் நடந்த தவறுக்கு நான் நிர்வாகத்திடமும் நடத்துனர்களிடமும் தாழ்மையுடன் மன்னிப்பு கேட்டுக்கொள்கிறேன்....

இனி எங்கும் என் அரட்டை இருக்காது அவசியமற்ற என் பதிவுகள் யார் கண்ணில் பட்டாலும் தயவு செய்து நடத்துனர்கள் நீக்கிடுங்க.....

முரளிராஜா · முரளிராஜா Thu Apr 21, 2011 10:57 am

அக்கா நான் புதிதாக வரும் பல உறுப்பினர்கள்
சரியான பகுதியில் பதிவிடுவதில்லை அதைதான்
நான் அப்படி சொன்னேன்
என்னை தவறாக நினைக்க வேண்டாம்

balakarthik · balakarthik Thu Apr 21, 2011 11:06 am

முரளிராஜா wrote:அக்கா நான் புதிதாக வரும் பல உறுப்பினர்கள்
சரியான பகுதியில் பதிவிடுவதில்லை அதைதான்
நான் அப்படி சொன்னேன்
என்னை தவறாக நினைக்க வேண்டாம்

அண்ணே நீங்க சொல்வது சரிதான் ஆனா புதிய பதிவர்கள் அதுபோல பதிவதற்க்கு காரணம் அவர்களுக்கு எவ்வாறு பதிவது என்பது தெரிவதில்லை பலர் தங்களின் முந்தய பதிவில் போயி புதிய பதிவை இடுகிறார்கள் என்று நினைக்கிறேன்

மகா பிரபு · மகா பிரபு Thu Apr 21, 2011 11:07 am

இதை படித்த பின்னர் தான் தெரிகிறது, நானும் சில தவறுகளை செய்துள்ளேன். அதனால் நான் அனைவரிடமும் மன்னிப்பு கேட்டு கொள்கிறேன். இனிமேல் விதிகளுக்கு கட்டுப்பாட்டு நடப்பேன்.

sweetusvaiz · sweetusvaiz Thu Apr 21, 2011 11:21 am

இதை படித்த பின்னர் தான் தெரிகிறது, நானும் சில தவறுகளை செய்துள்ளேன். அதனால் நான் அனைவரிடமும் மன்னிப்பு கேட்டு கொள்கிறேன். இனிமேல் விதிகளுக்கு கட்டுப்பாட்டு நடப்பேன்.

நான் சென்ட் ரெகுஏஸ்ட் அனுப்பி இருக்க ... என்னை தவறாக நினைக்க வேண்டாம் ...
அணைவரிடமும் மன்னிப்பு கேட்டு கொள்கிறேன் ...

**ந.கார்த்தி** · **ந.கார்த்தி** Fri May 06, 2011 6:06 pm

Aathira wrote:
சிவா wrote:புதியவர்கள் இணையும்பொழுது அவர்களுக்கு அனுப்பும் வரவேற்பு மடலில் இந்த விதிமுறைகளும் இணைக்கப்பட்டுள்ளது!

Search Query

Display results as : Posts Topics
Advanced Search

இந்த இடத்திலோ அல்லது இவற்றிற்குக் கீழோ இதற்கும் ஒரு காலம் ஒதுக்க முடியாதா சிவா?