விமான நிலையங்களுக்கு பாதுகாப்பு எச்சரிக்கை

தீவிரவாத தாக்குதல் அபாய எச்சரிக்கையைத் தொடர்ந்து நாட்டில் உள்ள அனைத்து விமான நிலையங்களிலும் தீவிர பாதுகாப்பு மேற்கொள்ள சிவில் விமான பாதுகாப்பு அமைப்பு உத்தரவிட்டுள்ளது.
÷இந்தியாவில் மும்பை, தில்லி, சென்னை உள்ளிட்ட பெரிய விமான நிலையங்கள் மீது தீவிரவாதிகள் தாக்குதல் நடத்த திட்டமிட்டுள்ளதாக வந்த தகவலையடுத்து கடந்த 14-ம் தேதி அனைத்து விமான நிலையங்களுக்கும் பாதுகாப்பு எச்சரிக்கை விடப்பட்டது. இதைத் தொடர்ந்து மும்பை உள்ளிட்ட விமான நிலையங்களில் பாதுகாப்பு பலப்படுத்தப்பட்டது.
÷இதைத் தொடர்ந்து அரசு மற்றும் தனியார் விமானங்களில் தீவிர சோதனை மேற்கொள்ள அறிவுறுத்தப்பட்டதைத் தொடர்ந்து அனைத்து விமான நிலையங்களிலும் பயணிகள் மற்றும் பார்வையாளர்களிடம் கடும் சோதனை மேற்கொள்ளப்பட்டது.
÷பயணிகளிடம் கடும் சோதனை: தீவிரவாதிகளின் அச்சுறுத்தல் காரணமாக ஏற்கெனவே அனைத்து விமான நிலையங்களிலும் கடும் சோதனை மேற்கொள்ளப்பட்டு வருகிறது. பயணிகளின் உடைமைகளும், போக்குவரத்து விமானங்கள் மூலம் அனுப்பப்படும் பொருள்களும் கடும் சோதனைக்குப் பிறகே அனுமதிக்கப்படுகின்றன. இந்நிலையில் புதிதாக தீவிரவாத தாக்குதல் எச்சரிக்கை விடப்பட்டுள்ளதால் விமான நிலையங்களில் பாதுகாப்பு மேலும் பலப்படுத்தப்பட்டுள்ளது.
÷பல அடுக்கு பாதுகாப்பு: தீவிரவாத எச்சரிக்கையைத் தொடர்ந்து விமான நிலையங்களில் பல அடுக்கு பாதுகாப்பு போடப்பட்டுள்ளது. விமான நிலையங்களின் பாதுகாப்பு மத்திய தொழிற் பாதுகாப்பு படை வசம் ஒப்படைக்கப்பட்டுள்ளது. அவர்கள் பல அடுக்கு சோதனை முறைகளை மேற்கொண்டு வருகின்றனர். அவர்களைத் தவிர விமானப் போக்குவரத்து பாதுகாப்புப் படை என்ற அமைப்பும் பாதுகாப்பு பணிகளில் ஈடுபட்டு வருகின்றன.
÷தீவிரவாதிகள் விமானத்தைக் கடத்தி அமெரிக்காவில் உலக வர்த்தக மையக் கட்டடத்தின் மீது நடத்திய தாக்குதலைப் போன்று இந்தியாவிலும் நடத்த திட்டமிட்டிருப்பதாக தகவல்கள் தெரிவிக்கின்றன. இதனால் அனைத்து விமான நிலையங்களிலும் கூடுதல் பாதுகாப்பு போடப்பட்டுள்ளது.
÷தயார் நிலையில் கமாண்டோக்கள்: தீவிரவாதிகள் தாக்குதல் நடத்தக்கூடும் என்ற அச்சத்தால் கமாண்டோ போலீஸôர் தயார் நிலையில் வைக்கப்பட்டுள்ளனர்.
÷கடந்த 2008ம் ஆண்டு மும்பையில் பல முக்கிய இடங்கள் மீது பாகிஸ்தான் தீவிரவாதிகள் திடீர் தாக்குதல் நடத்தினர். அப்போது தாக்குதலை முறியடிக்க கமாண்டோ படையினர் தில்லியிலிருந்து வரவழைக்கப்பட்டனர். அவ்வாறு இல்லாமல் நாட்டின் முக்கிய நகரங்களில் கமாண்டோ போலீஸôரின் மையங்கள் அமைக்கப்பட்டு தயார் நிலையில் வைக்கப்பட்டுள்ளனர்.
÷கண்காணிப்பு கேமராக்கள்: விமான நிலையங்களின் அனைத்து மூலை முடுக்குகளிலும் கண்காணிப்பு கேமராக்கள் பொருத்தப்பட்டு பாதுகாப்பு தீவிரப்படுத்தப்பட்டு வருகிறது. முக்கிய தலைவர்கள் பயணம் செய்யும் விமானங்களைக் கடத்தவும் தீவிரவாதிகள் திட்டம் தீட்டியிருக்கலாம் என்ற சந்தேகம் எழுந்துள்ளது.
÷கடந்த ஜனவரி 22-ம் தேதி தெற்காசிய நாடுகளிலிருந்து இயக்கப்படும் விமானங்கள் மூலம் தீவிரவாதிகள் ஊடுருவுவதற்கான வாய்ப்பு இருப்பதாக வந்த தகவலையடுத்து கடும் பாதுகாப்பு போடப்பட்டது. மேலும் குடியரசுத் தின கொண்டாட்டதை சீர்குலைக்கும் வகையில் தாக்குதலை நடத்தவும் தீவிரவாதிகள் திட்டமிருந்தது வெளியானது. அதைத்தொடர்ந்து நாடு முழுவதும் அனைத்து விமான நிலையங்களிலும் கடும் பாதுகாப்பு மேற்கொள்ளப்பட்டது.