முத்தம்

kirupairajah · kirupairajah Thu Jul 09, 2009 12:21 pm

முத்தம், உங்கள் தாம்பத்தியத்தை திருப்திகரமாகக் கொண்டு செல்வதற்கு மட்டும் பயன்படுவதில்லை... ஆச்சர்யப்படுத்தும் பல விஷயங்களையும் செய்கிறது.

முதலில் கணவன் _ மனைவிக்கான மன நெருக்கத்தை அதிகப்படுத்துகிறது. ரொமான்டிக்காக தரப்படும் முத்தம், பிரியங்களை அதிகப்படுத்துவதில் சம்பந்தப்பட்ட ஆக்ஸிடோஸின் கெமிக்கலை நிறைய சுரக்கத் தூண்டுகிறது.

ஆசையுடனும் ஆர்வத்துடனும் முத்தமிடுபவர்கள் நீண்டநாள் வாழ்கிறார்கள் என்று பல ஆய்வுகளுக்குப் பின் கண்டு பிடித்திருக்கிறார்கள் விஞ்ஞானிகள்.

பல்வேறு காரணங்களால் நம் தினசரி வாழ்க்கையில் ஏற்படும் கவலை, மன அழுத்தம், டென்ஷன் என்று பல பிரச்னைகள் தீர மெடிக்கல் ஸ்டோர் போகாமலே நீங்கள் வாங்க முடியும் ஒரே மருந்து முத்தம்தான்! அதனால் நோயற்ற ஹெல்தியான வாழ்க்கை வாழ முடிகிறது!

சோர்ந்த உடலுக்கும் மனசுக்கும் ஒரு மெகா பூஸ்ட் சாப்பிட்ட புத்துணர்ச்சி முத்தத்தால் கிடைக்கிறது. அதாவது இயல்பாக, ஒரு பெண்ணின் சராசரி இதயத் துடிப்பு நிமிடத்துக்கு 84 ஆகவும், ஆண்களுக்கு 72 ஆகவும் இருக்கிறது. முத்தமிடும் சமயத்தில் பெண்களின் துடிப்பில் 24_ம் ஆண்களின் துடிப்பில் 38_ம் அதிகரித்து, அதன் காரணமாக ரத்தம் வேகமாக பாய்ந்து தன்னை சுத்தப்படுத்திக் கொள்கிறது. ரத்தம் சுத்தமாவதால் புத்துணர்ச்சி கிடைக்கிறது!

குறிப்பாக அடிக்கடி முத்தமிடுபவர்களின் முகம் இளமை குறையாமல் இருக்கிறது. ஒரு முறை முத்தம் தர சாதாரணமாக 12 முதல் 30 தசைகள் வரை இயங்க வேண்டியுள்ளது. அவற்றின் இயக்கம் முகத்தின் இளமையைக் காப்பாற்றித் தருகிறது. தவிர ஜப்பான் டாக்டர் டோமா என்பவர், தம்பதிகளின் வாயில் சுரக்கும் உமிழ்நீரை ஆராய்ந்துப் பார்த்துவிட்டு, முத்தமிடும்போது சுரக்கிற உமிழ்நீரில் ஏராளமான ஹார்மோன்கள் வெளிப்பட்டு அது மற்றவருடைய ரத்த ஓட்டத்தில் கலந்து, மனிதர்களுக்கு முதிர்ச்சி ஏற்படுவதைத் தடுக்கிறது என்று கண்டு பிடித்திருக்கிறார்.

வேகமான ரத்த ஓட்டம் உடல் திசுக்களுக்கு அதிக ஆக்ஸிஜனை அளிப்பதால், திசுக்கள் இளமையாகவும் உற்சாகத்துடன் இருக்கின்றன என்கிறார் மற்றொரு இத்தாலி நாட்டு நிபுணர்.

‘அடிக்கடி முத்தமிடுங்கள். உங்கள் வாய் நாற்றமில்லாமல் புத்துணர்ச்சியுடன் இருக்கும்’ என்கிறார்கள் பல் மருத்துவர்கள்.

வயதாக ஆக எச்சில் சுரப்பது குறைவதால்தான், பல்லிலும் வாயிலும் உற்பத்தியாகும் பாக்டீரியாக்கள் சுத்தப்படுத்தப்படாமல் அங்கேயே தங்கி வாயை நாற்றம் ஏற்படுத்துகின்றன. ஆனால் முத்தமிடும்போது அதிக அளவில் எச்சில் சுரப்பதால், பாக்டீரியாக்கள் அவ்வப்போது சுத்தப்படுத்தப்பட்டு வாய் புத்துணர்ச்சியுடன் இருக்கிறது.

முத்தத்தால் உடல்ரீதியில் ஒரு கிளர்வான மகிழ்ச்சியும் கிடைக்கிறது. நாம் ஏற்கெனவே பேசிய டோப்பாமைன், எண்டார்பின் போன்ற விஷயங்களை முத்தம் தூண்டுவதால் இந்த கிளர்வும், திருப்தியும் ஒரு த்ரில்லான மகிழ்வும் கிடைக்கிறது.

தியானம் செய்தது போன்ற பலனையும் முத்தம் கொடுக்கிறது. மன அமைதியும், புத்துணர்ச்சியும் தந்து அடுத்தடுத்து செய்யும் வேலைகளில் ஆழ்ந்த ஈடுபாடு கொள்ள வைக்கிறது. எனவே முத்தமிடுங்கள்!

நன்றி - குமுதம்

பிரகாசம் · பிரகாசம் Thu Jul 09, 2009 12:29 pm

ramesh.vait · ramesh.vait Thu Jul 09, 2009 12:56 pm

Good Posting

செரின் · செரின் Thu Jul 09, 2009 1:32 pm

என்ன கிருபா முத்தத்தை பற்றி ஒரு ஆராய்சியே நடத்தி இருக்கீங்க போல... வாழ்த்துக்கள்

kirupairajah · kirupairajah Thu Jul 09, 2009 1:36 pm

நானில்லை

நன்றி - குமுதம்

**Manik** · **Manik** Thu Jul 09, 2009 3:25 pm

இந்த முத்தத்தைப் பற்றி ஏற்கனவே ஈகரையில் வெளியிட்டுருக்கார்கள்......... ஆதலால் முடிந்தவரை நீங்கள் புதிதாக போடப்படும் பதிவை ஏற்கனவே பதிந்துள்ளாரார்களா என்று பார்த்துவிட்டு பதியவும்.............

kirupairajah · kirupairajah Thu Jul 09, 2009 4:02 pm

ஏற்கனவே பதிந்துள்ளாரார்களா என்று பார்ப்பதிற்கு ஏதும் இலகுவான வழி உள்ளதா?

**சிவா** · **சிவா** Thu Jul 09, 2009 4:26 pm

கூகிளில் இதுபோன்று தேடினால் ஈகரையில் பதிவுகள் உள்ளதா இல்லையா என்பது தெரியும்.

முத்தம் site:eegarai.darkbb.com

**சிவா** · **சிவா** Thu Jul 09, 2009 4:27 pm

அல்லது http://www.google.com/coop/cse?cx=015287299149919217439:qqk5bw0gjvu இங்கும் நீங்கள் தேடிப் பார்க்கலாம்

Guest · Guest Thu Jul 09, 2009 5:51 pm

படிக்கும்போதே முத்தம் கொடுக்கணும் போல் இருக்கு

ஆனா ஆள்தான் கெடைக்கல

Sponsored content · Sponsored content

முத்தம்

முத்தம்

Re: முத்தம்

Re: முத்தம்

Re: முத்தம்

Re: முத்தம்

Re: முத்தம்

Re: முத்தம்

Re: முத்தம்

Re: முத்தம்

Re: முத்தம்

Re: முத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக