திருவான்மியூரில் பிரபல ரவுடி வெட்டிக்கொலை

தாயை பிளேடால் கிழித்ததால் பழிக்குப்பழியாக திருவான்மியூரில் ரவுடி வெட்டிக்கொலை செய்யப்பட்டுள்ளார்.
சென்னை திருவான்மியூர் ரங்கநாதபுரத்தை சேர்ந்தவர் சின்னையன் (எ) ஏழுமலை (42). பிரபல ரவுடி. இவரது மனைவி லட்சுமி (36). இவர்களுக்கு மணிகண்டன் (18), சதிஷ்குமார் (14), சந்தோஷ்குமார் (14) என்ற மகன்களும், பவானி (10) என்ற மகளும் உள்ளனர்.
நேற்று இரவு வீட்டு வாசலில் கணவனும், மனைவியும் பேசிக் கொண்டிருந்தனர். அப்போது 7 பேர் கொண்ட கும்பல் கிரிக்கெட்பேட், அரிவாள் போன்ற ஆயுதங்களுடன் திபுதிபுவென வந்தது. வாசலில் இருந்த சின்னையனை சரமாரியாக அரிவாளால் இந்த கும்பல் வெட்டியது. சின்னையன் ரத்தவெள்ளத்தில் துடித்தார். தடுக்க வந்த லட்சுமியை பிடித்து தள்ளிவிட்டு கும்பல் தப்பி ஓடியது.
தகவல் அறிந்து அடையாறு துணை கமிஷனர் நரசிம்மவர்மன், திருவான்மியூர் இன்ஸ்பெக்டர் வெங்கட்குமார் மற்றும் போலீசார் சம்பவ இடத்துக்கு விரைந்தனர். ரத்த வெள்ளத்தில் உயிருக்கு போராடிக் கொண்டிருந்த சின்னையனை ராயப்பேட்டை அரசு மருத்துவமனையில் சேர்த்தனர். அங்கு சின்னையன் பரிதாபமாக இறந்தார்.
போலீசார் வழக்கு பதிந்து தீவிர விசாரணை நடத்தினர். இதில் தெரியவந்த பரபரப்பு தகவல்கள் வருமாறு:

சென்னை பிராட்வே ரிச்சி தெருவில் வசித்து வந்த சின்னையன், அதே பகுதியில் ரவுடியாக வலம் வந்துள்ளார். அவர் மீது கொலை, கொள்ளை, வழிப்பறி உள்ளிட்ட 15 வழக்குகள் உள்ளன. அதே பகுதியில் வசித்து வந்த லட்சுமியம்மாளுடன் ஏற்பட்ட தகராறில் அவரது முகத்தை பிளேடால் கிழித்துள்ளார். இதை பார்த்து அவரது மகன்கள் ஆத்திரம் அடைந்துள்ளனர். இந்த சம்பவம் 2003&ம் ஆண்டு நடந்துள்ளது.

இந்நிலையில், கடந்த 6 மாதத்துக்கு முன்பு திருவான்மியூர் அவ்வைநகரில் உள்ள ஒரு வாடகை வீட்டில் மகன்களுடன் லட்சுமியம்மாள் குடியேறினார். தாயை வெட்டிய ஆத்திரத்தில் சின்னையனை பழிவாங்க வேண்டும் என்று லட்சுமியம்மாளின் மகன்கள் துடித்துக் கொண்டிருந்தனர். திருவான்மியூருக்கு வந்த சில நாட்களில், சின்னையனை வெட்ட முயன்றுள்ளனர். அதில் அவர் அதிர்ஷ்டவசமாக தப்பித்தார். இந்நிலையில் நேற்று 5 பேருடன் லட்சுமியம்மாளின் மகன்கள் இருவரும் சின்னையன் வீட்டுக்கு சென்றுள்ளனர். அங்கு சின்னையனை சரமாரியாக வெட்டிவிட்டு தப்பி சென்றுள்ளனர்.

இவ்வாறு விசாரணையில் தெரியவந்துள்ளதாக போலீசார் கூறினர்.

இச்சம்பவம் பற்றி சின்னையனின் மனைவி லட்சுமி கூறும்போது, ‘‘எனது கணவர் திருந்தி வாழ வேண்டும் என்பதற்காக பிராட்வேயில் இருந்து வீட்டை காலி செய்து விட்டு திருவான்மியூருக்கு வந்தோம். இந்நிலையில் முன்பகையை மனதில் வைத்துக் கொண்டு லட்சுமியம்மாளின் மகன்கள் இருவரும் நாங்கள் வசித்த பகுதிக்கு அடிக்கடி வந்து சென்றனர். அக்கம்பக்கத்தில் உள்ளவர்கள்தான் அவர்களுக்கு தகவல் கொடுத்துள்ளனர். தகுந்த நேரம் பார்த்து என் கணவரை வெட்டிவிட்டனர். தடுக்க வந்த என்னை தள்ளிவிட்டு என் நகைகளையும் பறித்து சென்றுவிட்டனர்’’ என்றார்.

போலீசார் வழக்கு பதிந்து 3 பேரை பிடித்துள்ளனர். மற்றவர்களை தேடி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தி உள்ளது.

ரபீக் wrote:சென்னை திருவான்மியூர் ரங்கநாதபுரத்தை சேர்ந்தவர் சின்னையன் (எ) ஏழுமலை (42). பிரபல ரவுடி. இவரது மனைவி லட்சுமி (36). இவர்களுக்கு மணிகண்டன் (18), சதிஷ்குமார் (14), சந்தோஷ்குமார் (14) என்ற மகன்களும், பவானி (10) என்ற மகளும் உள்ளனர்.

ரவுடி என்பதை இவணுங்க ஒரு தொழிலாவே செய்யுராணுங்க போல ,