பொன்னாங்கண்ணி - 'கீரைகளின் ராஜா'

by **krishnaamma** Tue Jun 15, 2010 7:52 pm

First topic message reminder :

சாதாரணமாக காம்புகளைக் கிள்ளி நட்டுவைத்தாலும், எந்த மாதிரியான சூழலிலும் வளரக்கூடிய கீரை இது.

இந்தக் கீரையில் ஊட்டச் சத்து, நீர்ச் சத்து, கொழுப்புச் சத்து, மினரல் சத்துக்கள், கார்போஹைட்ரேட், கால்ஷியம், பாஸ்பரஸ், புரதம் ஆகிய சத்துக்கள் அடங்கியிருக்கின்றன.

கால்ஷியம் அதிக அளவில் கலந்திருப்பதால் எலும்புகளின் உறுதிக்கும், பற்களின் ஆரோக்கியத்துக்கும் இந்தக் கீரை ரொம்பவே உதவும்.

'பொன்னாங்கண்ணிக் கீரையை தொடர்ந்து 27 நாட்கள் சாப்பிட்டு வந்தால், பகலிலும் நட்சத்திரத்தைப் பார்க்க லாம்' என்பார்கள்.

இதில் வைட்டமின் 'ஏ' மிகுந்து இருப்பதால், அந்த அளவுக்குக் கண் பார்வையைக் கூர்மையாக்கும்;என்பதால் வந்த சொல்வடை இது.
அந்த அளவு வல்லமையைக் கொண்ட கீரை இது.

இதை வெவ்வேறு விதமாக உட்கொள்வதன் மூலம், நமது உடம்பின் எடையைக் குறைக்கவோ, அதிகரிக்கவோ முடியும்.

ஆம். இந்தக் கீரையுடன் மிளகும், உப்பும் சேர்த்துச் சமைத்து, சாதத்துடன் தொடர்ந்து சாப்பிட்டு வந்தால் எடை குறையும்.

மாறாக, துவரம் பருப்பும் நெய்யும் கலந்து சமைத்துச் சாப்பிட்டு வந்தால் எடை கூடும்.

இதன் சாற்றுடன் சம அளவு கீழாநெல்லிச் சாற்றைக் கலந்து நல்லெண்ணெய் இட்டுக் காய்ச்சி, தலைக்குத் தேய்த்துக் குளித்தால், கண் சம்பந்தமான நோய்கள் விலகும்.

உடல் உஷ்ணம் குறையும்.

ரத்தம் விருத்தியாகும்.

இதன் பெயருக்கேற்றாற் போல, நமது தோலின் மினுமினுப்புத் தன்மையை அதிகரிக்கக் கூடிய சக்தியும் இந்தக் கீரைக்கு உண்டு.

இவ்வளவு மகத்துவங்கள் அடங்கிய இந்தக் கீரையை, 'கீரைகளின் ராஜா' என்று தயங்காமல் சொல்லலாம்.

Code:: இந்த கீரை இந்த பெருமை ஒன்று உண்டு ஐயா, உங்களுக்குத்தெரியுமா என்று எனக்கு தெரியவில்லை.... இந்த கீரையை, பயத்தம் பருப்பு தேங்காய் அரைத்து பொரித்த கூட்டு போல் செய்தால் உடல் பலம் பெறும், வெயிட் ஏறும்.....

அம்மா உடம்பு எடை கூட அருமையான
பதார்த்தம் சொல்லியுள்ளீர்கள்.
நான் தற்போது வெறும் 57 கிலோவே உள்ளேன்.
என் உயரத்திற்கு 63 கிலோ இருக்க வேண்டும்.
இதை உடன் செய்து பார்க்கலாம் என்று நினைக்கிறேன்.
நன்றி அம்மா

by **krishnaamma** Mon Nov 26, 2018 10:25 pm

பழ.முத்துராமலிங்கம் wrote:
Code:
இந்த கீரை இந்த பெருமை ஒன்று உண்டு ஐயா, உங்களுக்குத்தெரியுமா என்று எனக்கு தெரியவில்லை.... இந்த கீரையை, பயத்தம் பருப்பு தேங்காய் அரைத்து பொரித்த கூட்டு போல் செய்தால் உடல் பலம் பெறும், வெயிட் ஏறும்.....
அம்மா உடம்பு எடை கூட அருமையான
பதார்த்தம் சொல்லியுள்ளீர்கள்.
நான் தற்போது வெறும் 57 கிலோவே உள்ளேன்.
என் உயரத்திற்கு 63 கிலோ இருக்க வேண்டும்.
இதை உடன் செய்து பார்க்கலாம் என்று நினைக்கிறேன்.
நன்றி அம்மா

மேற்கோள் செய்த பதிவு: 1287178

ஆஹா... உங்களுக்கு எடை கூட வேண்டுமா....கைவசம் நிறைய குறிப்புகள் உள்ளன ஐயா...ஆனால் நான் எடை குறைக்கவேண்டும் ...வெகு வருடங்களாக முயல்கிறேன்...ஹுஹும்....முடியவில்லை புன்னகை

by Sponsored content

பொன்னாங்கண்ணி - 'கீரைகளின் ராஜா'

பொன்னாங்கண்ணி - 'கீரைகளின் ராஜா'

Re: பொன்னாங்கண்ணி - 'கீரைகளின் ராஜா'

Re: பொன்னாங்கண்ணி - 'கீரைகளின் ராஜா'

Re: பொன்னாங்கண்ணி - 'கீரைகளின் ராஜா'