135% அதிக கைதிகளால் நிரம்பி வழியும் சிறைகள்

**சிவா** · **சிவா** Thu 9 Jul 2009 - 0:51

புதுடெல்லி : நாடு முழுவதும் சிறைகளில் கைதிகளின் எண்ணிக்கை 135% அதிகமாக உள்ளதாக மக்களவையில் உள்துறை இணை அமைச்சர் அஜய் மேகன் கூறியுள்ளார்.மக்களவையில் நேற்று கேள்வி நேரத்தின்போது கேள்வி ஒன்றுக்கு பதில் அளித்த அமைச்சர் அஜய் மேகன் கூறியதாவது:நாடு முழுவதும் சிறைகளில் அனுமதிக்கப்பட்ட அளவை விட 135.7% அதிகமாக கைதிகளின் எண்ணிக்கை உள்ளது.

இதனால், சிறைகள் நிரம்பி வழிகின்றன. சிறைகளில் இடநெருக்கடியைக் குறைக்க 2002&03ம் ஆண்டில் கூடுதல் சிறைகளையும் சிறை ஊழியர்கள் தங்கும் குடியிருப்புகளையும் கட்டும் திட்டத்தை மத்திய அரசு தொடங்கியது. இத்திட்டத்தின் கீழ் சிறைகளை புதுப்பிக்கவும், வசதிகளை மேம்படுத்தவும் திட்டமிடப்பட்டது. இந்த திட்டத்துக்கான மொத்த ஒதுக்கீடு ரூ.1,800 கோடியாக நிர்ணயிக்கப்பட்டது.

இத்தொகையை மத்திய அரசு 75% மும் மாநில அரசுகள் 25% மும் பகிர்ந்து கொள்வது என முடிவு செய்யப்பட்டது. இந்த திட்டம் கடந்த மார்ச் 31ம் தேதியுடன் முடிந்து விட்டது.தேசிய குற்ற ஆவண காப்பகத்தின் தகவல்படி கடந்த 2007ம் ஆண்டு இறுதியில் நாடு முழுவதும் மொத்தம் 1,276 சிறைகள் உள்ளன. இவற்றில் 2 லட்சத்து 77 ஆயிரத்து 304 கைதிகளைதான் சிறை வைக்கலாம். ஆனால், இந்த சிறைகளில் விசாரணை கைதிகளே 2 லட்சத்து 50 ஆயிரத்து 727 பேர் உள்ளனர். இது மொத்த கைதிகளின் எண்ணிக்கையில் 66.6% ஆகும்.இவ்வாறு அமைச்சர் அஜய் மேகன் கூறினார்.

செரின் · செரின் Thu 9 Jul 2009 - 1:01

அது சரி ஒழுங்கா அவனுகளிட சிறைகைதிகளின் பிரச்சனையே அவங்களுக்கு தீர்க தெரிய இல்ல இதில எங்க திறந்த வெளிச் சிறைச்சாலைகளில் அடைபட்டு கிடக்கும் எங்களின் வேதனை புரியும்...

135% அதிக கைதிகளால் நிரம்பி வழியும் சிறைகள்

135% அதிக கைதிகளால் நிரம்பி வழியும் சிறைகள்

Re: 135% அதிக கைதிகளால் நிரம்பி வழியும் சிறைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக