தமிழுக்கு அமிழ்தென்று பேர்! கவிதைப்போட்டி எண் 092

**சிவா** · **சிவா** Thu Jul 15, 2010 5:14 am

கவிதைப்போட்டி எண் 092

தமிழுக்கு அமிழ்தென்று பேர்

வீரியத் தமிழின் விதை
பூமிப் பந்தில்
விழுந்த நாள் எது?
விழி பிதுங்கி நிற்கும்
ஆராய்ச்சியாளர்களின்
வினாக்களுக்கான விடைகள். . .

தொல்காப்பியத்திற்கு முன்னமே
தொன்மையான தமிழில்
இருந்த
பல்லாயிரம் நூல்கள்…

தமிழிலிருந்து
பல வார்த்தைகள் வாங்கிச்சென்று
வழக்காற்றில் வைத்திருக்கிறது
வடமொழி என்பதற்கான
தமிழ்ச்சான்றுகள். . .

தயிருக்கு தாயார் பால்தான் என்று
வழக்காடி நிரூபிக்கும் கொடுங்கதைபோல்
மொழிக்கெல்லாம் தாய்மொழி
தமிழ்தானென்று
போராட்டம் நடத்தாமலிருக்க
போதுமான ஆதாரங்கள்…

முதற் சங்கம்
இடைச் சங்கம்
இவையெல்லாம். . .
காலம் மூழ்கடித்தபோது
கடலுக்குள் அமிழ்ந்துபோனது.
அமிழ்ந்து. . அமிழ்ந்து. . அமிழ்ந்து. .
என்னே அதிசயம்?
"அமிழ்ந்து. . அமிழ்ந்து. . "என்று
தொடர்ச்சியாய் சொன்னால்
"தமிழ். . .தமிழ்" என்று ஒலிக்கிறதே!
தமிழுக்கு அமிழ்தென்று பேரோ!!

ram ராம் · ram ராம் Tue Jan 03, 2012 8:29 pm

மதிப்பிற்குரிய அய்யா,

உங்கள் கவிதைகள் அருமை.

எனது பின்வரும் சந்தேகத்தை தீர்க்குமாறு வேண்டுகிறேன் .
( முதலில் சந்தேகத்தை இங்கு கேட்டதற்கு மன்னிக்கவும் )

நான் கவிதை போட்டி 5 க்காக எனது கவிதையை தரப்பட்ட மின் அஞ்சல் முகவரிக்கு அனுப்பினேனேன்.
அனால் அக்கவிதைக்கு கவிதை போட்டி எண் எதுவும் வழங்கப்படவில்லை.
நடுவர்கள் எப்படி கவிதைகள் பெறப்பட்டதை உறுதி செய்வார்கள் ?
கவிதை போட்டி எண் பெறுவது எப்படி ?

தயவு செய்து எனக்கு(ramராம்) பதில் அனுப்பவும்.

நன்றி