மோடி - நிதிஷ் மோதல் மக்களை முட்டாளாக்கும் முயற்சி - காங்கிரஸ் தாக்கு

ரபீக் · ரபீக் Tue Jun 15, 2010 10:30 am

குஜராத் விளம்பரம் தொடர்பாக குஜராத் முதலமைச்சர் மோடிக்கும் பீகார் முதலமைச்சர் நிதீஷ் குமாருக்கும உருவாகியுள்ள மோதல் வெறும் நடிப்பாகும் என பீகார் மாநில காங்கிரஸ் தலைவர் முகுல் வாஸ்னிக் தெரிவித்திருக்கிறார்.

நிதிஷ் குமார் நான்கரை ஆண்டுகள் பாரதிய ஜனதா கட்சியுடன் ஒன்றாக இருந்து விட்டு இப்போது மோதல் போக்கை கடைபிடிப்பதை போல் நடந்து கொள்வது மக்களை முட்டாளாக்கும் முயற்சி என அவர் தெரிவித்திருக்கிறார்.

நரேந்திர மோடி தீவிர ஹிந்துத்துவத்தை பின்பற்றுபவர். அவரை ஆதரிப்பதைப் போல் நடந்து கொண்டால் முஸ்லிம்கள் ஏற்றுக் கொள்ள மாட்டார்கள் என்ற அச்சத்தின் காரணமாக மோடியை எதிர்ப்பதை போல் நடிக்கிறார் என முகுல் வாஸ்னிக் கூறுகிறார்.

முகுல் வாஸ்னிக் அகில இந்திய காங்கிரஸ் பொதுச் செயலாளர்களில் ஒருவர் என்பது குறிப்பிடத்தக்கது.