சென்னையில் நில அதிர்வு!

ரபீக் · ரபீக் Sun Jun 13, 2010 11:32 am

சென்னையின் பல பாகங்களிலும் நள்ளிரவில் ஏற்பட்ட நில அதிர்வைத் தொடர்ந்து மக்கள் பீதியுடன் தங்கள் வீடுகளை விட்டு வெளியேறி சாலைகளில் குவிந்ததால் பரபரப்பு ஏற்பட்டது.

நள்ளிரவு 1.10 மணி அளவில் இந்த நில அதிர்வு ஏற்பட்டது. ஆழ்ந்த உறக்கத்தில் இருந்தவர்கள் திடுக்கிட்டு எழுந்து, தங்கள் குழந்தைகளுடன் சாலைகளுக்கு ஓடி வந்தனர். வீடுகளில் அடுக்கி வைக்கப்பட்டிருந்த பொருட்கள் சரிந்து விழுந்தன. மேஜை, நாற்காலிகள் அதிர்ந்தன.

தேனாம்பேட்டை, எழும்பூர், வேப்பேரி, மைலாப்பூர், தியாகராய நகர், திருவான்மியூர், கோபாலபுரம், மதுரவாயல், தங்கசாலை, ராயப்பேட்டை, சாந்தோம், பல்லாவரம், கொடுங்கையூர், கே.கே. நகர் மற்றும் கொராட்டூர் ஆகிய இடங்களில் நில நடுக்கம் உணரப்பட்டது.

நிகோபர் தீவில் இருந்து 164 கிலோ மீட்டர் தூரத்தில் நில நடுக்கம் ஏற்பட்டது. இது ரிக்டர் அளவுகோலில் 7.7 ஆக பதிவானது. இதன் எதிரொளியாகவே சென்னையில் நில அதிர்வு உணரப்பட்டதாக சென்னை வானிலை ஆராய்ச்சி மைய அதிகாரி ஒருவர் கூறினார்.

நிக்கோபரில் ஏற்பட்ட நிலநடுக்கத்தைத் தொடர்ந்து இந்தியா, இந்தோனேசியா, இலங்கை, மியான்மர், தாய்லாந்து மற்றும் மலேசியா ஆகிய நாடுகளுக்கு சுனாமி எச்சரிக்கை விடுக்கப்பட்டது. பின்னர் இது விலக்கிக் கொள்ளப்பட்டது

மஞ்சுபாஷிணி · மஞ்சுபாஷிணி Sun Jun 13, 2010 1:44 pm

ஐயோ பயமா இருக்கே.... சோகம்

kilaisyed · kilaisyed Sun Jun 13, 2010 1:51 pm

சென்னை: அந்தமான் நிக்கோபார் தீவுகளில், நிக்கோபார் பகுதியில் நேற்று நள்ளிரவு சக்தி வாய்ந்த பூகம்பம் ஏற்பட்டது. இதன் காரணமாக ஏற்பட்ட அதிர்ச்சி சென்னையிலும் பல இடங்களில் உணரப்பட்டது.

நிக்கோபார் தீவுகளில் நேற்று நள்ளிரவு 12.56 மணியளவில் 7.5 ரிக்டர் அளவிலான சக்தி வாய்ந்த பூகம்பம் ஏற்பட்டது. இதையடுத்து சுனாமி எச்சரிக்கை விடப்பட்டது. இருப்பினும் பின்னர் இது வாபஸ் பெறப்பட்டது.

இந்த கடும் நிலநடுக்கம் காரணமாக உயிரிழப்போ, பொருள் இழப்போ ஏற்பட்டதாக இதுவரை செய்திகள் இல்லை.

பூகம்பம் காரணமாக தலைநகர் போர்ட்பிளேரில் மின்சாரம் தடைபட்டது. மக்கள் பீதியடைந்து வீடுகளை விட்டுவெளியே வந்தனர். இருப்பினும் சில மணி நேரங்களில் நிலமை சகஜமடைந்தது.

சென்னையில் நில அதிர்ச்சி

அந்தமான் பூகம்பத்தின் எதிரொலி சென்னையிலும் உணரப்பட்டது. சென்னை நகரின் பல பகுதிகளில் நில அதிர்வுகள் உணரப்பட்டுள்ளன. சில விநாடிகள்
இவை நீடித்தன. இருப்பினும் இதனால் எந்த பாதிப்பும் ஏற்படவில்லை.

கோபாலபுரம், கோடம்பாக்கம், திருவான்மியூர், போரூர், அண்ணாநகர் மற்றும் பல்வேறு புறநகர்ப் பகுதிகளில் நில அதிர்வை மக்கள் உணர்ந்தனர்.

நவீன் · நவீன் Sun Jun 13, 2010 1:57 pm

கலைவேந்தன் · கலைவேந்தன் Sun Jun 13, 2010 2:07 pm

அடடா... அப்பப்ப வந்து பயமுறுத்துதே இயற்கை...! சென்னையில் நில அதிர்வு! 440806

**Aathira** · **Aathira** Sun Jun 13, 2010 2:08 pm

ஈகரையில் நுழைய மண்டையை உடைத்துக் கொண்டிருந்த போது நான் நில நடுக்கத்தை உணர்ந்தேன். இது இரண்டாவது முறை உணர்ந்த நிலநடுக்கம்...(மறக்க முடியாத மனதை இன்னும் வாட்டிக்கொண்டு இருக்கும் சம்பவம் என் மாணவன் ஒருவன் சென்ற நிலநடுக்கத்தில் உயிரிழந்தான். சென்னையில் நில அதிர்வு! 67637