ஒசாமாவுக்கு பிரிட்டன் குடியுரிமையுடன் பிறக்க போவது பேரனா, பேத்தியா?

அல் குவைதா தலைவர் ஒசாமா பின் லாடனுக்கு, பிரிட்டன் குடியுரிமையில் ஒரு பேரனோ, பேத்தியோ பிறக்க போகிறது.ஒசாமாவுக்கு, 29 வயதில் ஓமர் பின் லாடன் என்ற மகன் உள்ளார்.
இவருடைய, 54 வயது மனைவி ஜேன் பெலிக்ஸ் பிரவுன், பிரிட்டன் நாட்டை சேர்ந்தவர். ஜேனுக்கு, “மல்டிபிள் ஸ்க்லெரோசிஸ்’ நோய் தாக்கியுள்ளதால், குழந்தை பெற்று கொள்ள இயலவில்லை. எனவே, ஒரு வெப்சைட் மூலம், பிரிட்டனில் வாடகைத்தாயை கண்டுபிடித்து, அவர் மூலம் குழந்தை பெற்று கொள்ள, இருவரும் முடிவு செய்துள்ளனர்.இரும்பு கழிவு வியாபாரியான ஓமருக்கு, ஏற்கனவே திருமணமாகி, ஆறு வயதில் ஒரு மகன் உள்ளார். 2007ல், எகிப்து பிரமிட் அருகே, குதிரையில் சவாரி செய்த போது, ஜேனை பார்த்து, காதல் கொண்டார்.ஒரே மாதத்தில் இருவரும், எகிப்து மற்றும் சவுதி அரேபியாவில், இஸ்லாம் மத முறைப்படி திருமணம் செய்து கொண்டனர். ஜேனுக்கு ஓமர், ஆறாவது கணவர். இவர்கள் இருவரும் பிரிட்டனில் வசிக்க, அந்நாட்டு அரசு அனுமதி தராததால், இரண்டு ஆண்டுகளாக கத்தாரில் வசித்தனர்.முந்தைய திருமணங்களின் மூலம், ஜேனுக்கு பிறந்த மூன்று மகன்களும், தற்போது வாலிப வயதை எட்டி விட்டனர்.

சமீப காலமாக, 'மல்டிபிள் ஸ்க்லெரோசிஸ்’ என்ற நரம்பு தளர்ச்சி நோயால், ஜேன் கடுமையாக பாதிக்கப்பட்டுள்ளதால், மகப்பேறு அடைய இயலவில்லை. குழந்தை வேண்டுமென்று ஆசைப்பட்ட இவர்கள், வாடகைத்தாய் மூலம் குழந்தை பெற்றுக் கொள்ள முடிவு செய்துள்ளனர். லூயிஸ் போலார்டு என்ற பெண், வாடகைத் தாயாக பணியாற்ற சம்மதம் தெரிவித்துள்ளார். ஆகவே வாடகைத்தாய் மூலம் குழந்தை பிறப்பதற்கான முயற்சிகளை டாக்டர்கள் மேற்கொண்டுள்ளனர்.இந்த முயற்சி வெற்றி அடைந்தால், உலகின் மிக அதிக அளவில் தேடப்படும் பயங்கரவாதியான ஒசாமாவுக்கு, பிரிட்டன் குடியுரிமையுடன் பேரனோ, பேத்தியோ பிறக்கும்.