வாடகை தாய் மூலம் குழந்தை பெற்ற பின்லேடன் மகன்

ரபீக் · ரபீக் Sat Jun 12, 2010 2:24 pm

அல்கொய்தா தீவிரவாத இயக்கத்தின் தலைவர் ஒசாமா பின்லேடனின் முதல் மனைவி நஜ்மாவின் மகன், ஓமர் பின்லேடன் (29). இவரது மனைவி ஜேன் பெலிக்ஸ் பிரவுனி (59) இவர் இங்கிலாந்தை சேர்ந்தவர்.

தற்போது அவர்கள் கத்தார் நாட்டில் தங்கியுள்ளனர். இவர்கள் குழந்தை பெற்றுக்கொள்ள விரும்பினர். அதற்கு பிரவுனியின் உடல் நிலை தகுதியானதாக இல்லை.

எனவே, வாடகை தாய் மூலம் குழந்தை பெற விரும்பினர். அதற்காக இங்கிலாந்தை சேர்நத லூயிஸ் பொல்லார்டு என்ற பெண்ணை வாடகை தாயாக நியமித்தனர்.

பின்லேடனின் மகன் ஓமர் பின்லேடனின் உயிரணுவையும், அவரது மனைவி பிரவுனியின் கரு மூட்டையையும் இணைத்து அவற்றை டாக்டர்கள் கருவாக்கினர். பின்னர் அந்த கருலுயிஸ் பொல்லார் டின் கர்ப்ப பைக்குள் வைத்து குழந்தையாக வளர்த்தனர்.

இந்த நிலையில், கடந்த சில மாதங்களுக்கு முன்பு லூயிஸ் பொல்லார்டு ஒரு அழகான குழந்தை பெற்றார். அந்த குழந்தை ஓமர் பின்லேடன் அவரது இங்கிலாந்து மனைவி பிரவுனி ஆகியோரிடம் ஒப்படைக்கப்பட்டது.

இதன் மூலம் ஒசாமா பின்லேடன் இங்கிலாந்து பேரக் குழந்தைக்கு தாத்தா ஆகி இருக்கிறார். இந்த தகவலை இங்கிலாந்தில் இருந்து வெளிவரும் சன் பத்திரிகை வெளியிட்டுள்ளது.
ஓமர்பின்லேடனும், பிரவுனியும் கடந்த 2007-ம் ஆண்டு மார்ச் மாதம் எகிப்தில் திருமணம் செய்து கொண்டனர். பிரவுனிக்கு ஓமர் பின்லேடன் 6-வது கணவர் ஆவார். இவருக்கு ஏற்கனவே நடந்த திருமணங்கள் மூலம் 3 குழந்தைகள் உள்ளனர். கிறிஸ்தவரான ஜேன் பெலிக்ஸ் பிரவுனி திருமணத்துக்கு பின் முஸ்லிம் மதத்துக்கு மாறினர். தற்போது தனது பெயரை சாய்னா முகமது அபாசா பின்லேடன் என மாற்றியுள்ளார்.

வாடகை தாய் மூலம் குழந்தை பெற்ற பின்லேடன் மகன்

வாடகை தாய் மூலம் குழந்தை பெற்ற பின்லேடன் மகன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக