உலகக் கோப்பை கால்பந்து போட்டியில் ஆர்ஜென்டினா-நைஜீரியா அணிகள்

உலகக் கோப்பை கால்பந்து போட்டியில் சனிக்கிழமை நடைபெறும் முதல்சுற்று ஆட்டத்தில் ஆர்ஜென்டினா-நைஜீரியா அணிகள் மோதுகின்றன.

÷இவ்விரு அணிகள் மோதும் ஆட்டம் இந்திய நேரப்படி இரவு 7.30 மணிக்கு ஜோகன்னஸ்பர்க்கில் நடைபெறுகிறது.

÷ஆர்ஜென்டீனா அணியைப் பொறுத்தவரையில் லயோனல் மெஸ்ஸி தற்போது முன்னணி வீரராக வலம் வருகிறார். உலகக் கோப்பை போட்டியின் நட்சத்திர வீரர்களில் அவரும் ஒருவர்.

÷தற்போதைய ஆர்ஜென்டீனா அணியின் பயிற்சியாளராக இருக்கும் மரடோனா, ஆர்ஜென்டீனா அணியின் முன்னாள் கேப்டனும், ஆர்ஜென்டீனாவுக்கு உலகக் கோப்பையை பெற்றுத்தந்தவரும் ஆவார். கோப்பையை வென்ற தனது தலைமையிலான ஆர்ஜென்டீனா அணியை விட, தற்போதைய ஆர்ஜென்டீனா அணியே மிகச்சிறந்த அணி என மரடோனா தெரிவித்துள்ளார்.

÷லியோனல் மெஸ்ஸி, நிக்கோலஸ் ஒட்டமெண்டி, கொன்ஸôலோ ஹிகுயெய்ன், கார்லஸ் டெவஸ், டீகோ மிலிட்டோ, செர்ஜியோ அகுரோ ஆகியோர் சிறப்பாக விளையாடி எதிரணிக்கு கடும் சவாலை அளிப்பார்கள் என்று எதிர்பார்க்கப்படுகிறது.

÷பி பிரிவில் ஆர்ஜென்டீனா, கிரீஸ், தென்கொரியா ஆகிய அணிகள் இடம்பெற்றிருந்தாலும், ஆர்ஜென்டீனா அணி அடுத்தச்சுற்றுக்கு முன்னேறும் என்று எதிர்பார்க்கப்படுகிறது.

÷பெய்ஜிங் ஒலிம்பிக் இறுதிப்போட்டியில் ஆர்ஜென்டீனா அணி 1-0 என்ற கணக்கில் நைஜீரியாவை வென்றுள்ளது. இதனால் நைஜீரியாவை வீழ்த்த முடியும் நம்பிக்கையுடன் ஆர்ஜென்டீனா அணி களமிறங்குகிறது.

÷நைஜீரிய அணியைப் பொறுத்தவரையில் கடந்த பெய்ஜிங் ஒலிம்பிக்கில் இறுதிப்போட்டி வரை முன்னேறியது கூடுதல் பலம். தனது பழைய எதிரியான ஆர்ஜென்டீனாவை இப்போட்டியில் வெல்வதன் மூலம் பலிதீர்க்க முடியும் என்ற எண்ணத்துடன் களமிறங்குகிறது. சில நேரங்களில் மிகவும் சுறுசுறுப்பாக விளையாடி எதிரணிகளை வீழ்த்தி அதிர்ச்சி வைத்தியம் அளிப்பதில் பெயர்பெற்ற அணியாகும்.

÷இந்த உலகக்கோப்பையில் சுறுசுறுப்பான வீரர்களைக் கொண்ட பலம்வாய்ந்த அணியாக களமிறங்குகிறது. தயே தைவோ, ஜான் ஒபி மைக்கேல், விக்டர் ஒபிண்ணா, யாக்குபு எயேக்பின்னி ஆகியோர் நைஜீரியாவின் துடிப்பு மிக்க வீர்ரகளாக சிறப்பாக விளையாடி வருகின்றனர்.

÷ஜோகன்னஸ்பர்க்கில் நடைபெற்ற பயிற்சி ஆட்டத்தில் நைஜீரியா 3-1 என்ற கோல்கள் கணக்கில் வடகொரியாவை வீழ்த்தியது.

இது அந்த அணிக்கு கூடுதல் பலம். இதனால் இரு அணிகளுமே முதல் ஆட்டத்தில் வெற்றிபெற கடுமையாகப் போராடும் என்பதில் சந்தேகமில்லை. போட்டி ஈ.எஸ்.பி.என்.தொலைக்காட்சியில் நேரடி ஒளிபரப்பு செய்யப்படுகிறது.