நகைச்சுவை நடிகர்கள் சிங்கமுத்து ஜெயமணி மோதல்

எனக்கும் வடிவேலுவுக்கும் ஆத்மார்ந்தமான நட்பு இருந்தது. எங்களை சிங்கமுத்து சதி செய்து பிரித்து விட்டார். என்னைப் பற்றி அவரிடமும் அவரைப்பற்றி என்னிடமும் தப்பு தப்பாக பேசி விரிசல் ஏற்படுத்தினார். பிறகு எங்களுக்குள் பிரிவை உண்டாக்கினார். இப்போது அவரின் உண்மையான முகத்தை இருவரும் புரிந்து கொண்டோம். மீண்டும் நட்பாகி விட்டோம் என்று நடிகர் ஜெயமணி தெரிவித்துள்ளார்.
காமெடி நடிகர்கள் வடிவேலுவும் ஜெயமணியும் ஆரம்பத்தில் நெருக்கமாக இருந்தனர். பிறகு இருவருக்கும் மோதல் ஏற்பட்டு பிரிந்தனர். நீண்ட இடை வெளிக்கு பின் இப்போது மீண்டும் கருத்து வேறு பாடுகளை மறந்து ஒன்று சேர்ந்துள்ளனர்.

ஜெயமணி காமெடி நடிகராக அறிமுகமான படம் சாது, முதல்வன், உன்னை நினைத்து, ஈரம், திண்டுக்கல் சாரதி, உள்பட 70 படங்களில் நடித்துள்ளார். சமீபத்தில் ரிலீசான சிங்கம் படத்தில் இவர் செய்த காமெடிக்கு பாராட்டுக்கள் குவிகிறது. ஆனந்த தொல்லை, தம்பிக்கோட்டை இளைஞன் போன்ற பல படங்களில் தற்போது நடித்து வருகிறார். வடிவேலுவுடன் இணைந்தது குறித்து ஜெயமணி கூறியதாவது:-

உலகின் தலை சிறந்த காமெடி நடிகர் வடிவேலு, அவர் மலை. பிறகாமெடியர்கள் மடு. ஆரம்ப காலத்தில் எனக்கும் வடிவேலுவுக்கும் ஆத்மார்ந்தமான நட்பு இருந்தது. எங்களை சிங்கமுத்து சதி செய்து பிரித்து விட்டார். என்னைப் பற்றி அவரிடமும் அவரைப்பற்றி என்னிடமும் தப்பு தப்பாக பேசி விரிசல் ஏற்படுத்தினார். பிறகு எங்களுக்குள் பிரிவை உண்டாக்கினார். இப்போது அவரின் உண்மையான முகத்தை இருவரும் புரிந்து கொண்டோம். மீண்டும் நட்பாகி விட்டோம்.

சிங்கமுத்துக்கு வடிவேலு எவ்வளவோ உதவிகள் செய்துள்ளார். அவருக்கு துரோகம் செய்து விட்டார். நல்ல மனிதரான வடிவேலுவை சிங்கமுத்து ஏமாற்றியது உண்மை.

நான் அரசு வேலையை உதறி விட்டு சினிமாவுக்கு வந்தேன். வளைந்து நெளிந்து போகத் தெரியாததால் சரியான அங்கீகாரம் கிடைக்காமல் இருந்தது. இப்போது சிங்கம் படம் மூலம் எனக்கு நல்ல பெயர் கிடைத்துள்ளது. நிறைய பேர் பாராட்டினார்கள். வடிவேலுவும் அவரது படங்களில் நடிக்க வைப்பதாக கூறியுள்ளார். மகிழ்ச்சியாக உள்ளது. தலைநகரம் 2-ம் பாகம் படத்தில் அவருடன் சேர்ந்து நடிக்கிறேன்.

இவ்வாறு ஜெயமணி கூறினார்.