வரதட்சணை கொடுமை இளம்பெண் கருகி பலி

ரபீக் · ரபீக் Tue Jun 08, 2010 10:06 am

திருமணமான 4 மாதத்தில், வரதட்சணை கொடுமையால் புதுப்பெண் தீயில் கருகி இறந்துள்ளார். கணவனை காவல்துறையினர் கைது செய்தனர்.
திருவொற்றியூர் கலைஞர்நகர் 8வது தெருவை சேர்ந்தவர் யுவராஜ் (27). தனியார் நிறுவன ஊழியர். இவரது மனைவி சியாமளாதேவி (25). இவர்களுக்கு கடந்த ஜனவரி 27ம் தேதி திருமணம் நடந்தது. திருமணத்தின் போது, 25 பவுன் நகை, பைக், வீட்டு உபயோக பொருட்களை சியாமளாவின் பெற்றோர் சீதனமாக கொடுத்தனர்.

இந்நிலையில், ரூ.2 லட்சமும், பிரிட்ஜ், வாஷிங் மெஷின் ஆகியவற்றை பெற்றோரிடமிருந்து வாங்கி வருமாறு சியாமளவை கணவர் யுவராஜூம், அவரது குடும்பத்தினரும் கொடுமைபடுத்தியதாக கூறப்படுகிறது. கடந்த மாதம் பெற்றோர் வீட்டுக்கு வந்த சியாமளா, தந்தை செல்வராஜிடம் இதுபற்றி கூறி அழுதுள்ளார். ‘தற்போது பணம் இல்லை. இன்னும் ஓரிரு மாதத்தில் ஏற்பாடு செய்கிறேன்’ என்று மகளை சமாதானப்படுத்தி அனுப்பி வைத்துள்ளார் செல்வராஜ்.

கணவன் வீட்டுக்கு சென்ற சியாமளா, கடந்த 3ம் தேதி உடல் கருகிய நிலையில் பிணமாக கிடந்தார். அவர் தற்கொலை செய்து கொண்டதாக, யுவராஜ் போலீசாரிடம் கூறினார். இது குறித்து, சியாமளாவின் தந்தை செல்வராஜ் சாத்தாங்காடு போலீசில் கொடுத்த புகாரில், “என் மகளை அவரது கணவர் யுவராஜ், மாமனார் மாரியப்பன், மாமியார் சுசிலா ஆகியோர் வரதட்சணை கேட்டு கொடுமைப்படுத்தினார்கள். என் மகள் சாவில் மர்மம் உள்ளது” என்று கூறியுள்ளார். போலீசார் வழக்கு பதிந்து, யுவராஜை கைது செய்தனர். அவரது பெற்றோரை தேடுகின்றனர்.

மீனா · மீனா Tue Jun 08, 2010 10:14 am

வரதட்சணை என்ற கொடிய நோய், உலகத்தில் இருக்கும் வரை,
இதுபோன்ற கொடுமை நடந்து கொண்டுதான் இருக்கும்!!!!!!!!

ரமீஸ் · ரமீஸ் Tue Jun 08, 2010 10:26 am

nmeena wrote:வரதட்சணை என்ற கொடிய நோய், உலகத்தில் இருக்கும் வரை,
இதுபோன்ற கொடுமை நடந்து கொண்டுதான் இருக்கும்!!!!!!!!

ரபீக் · ரபீக் Tue Jun 08, 2010 10:30 am

ரமீஸ் wrote:
nmeena wrote:வரதட்சணை என்ற கொடிய நோய், உலகத்தில் இருக்கும் வரை,
இதுபோன்ற கொடுமை நடந்து கொண்டுதான் இருக்கும்!!!!!!!!

நிச்சயமாக இது போன்ற கொடுமைகள் களைய படவேண்டும்

Sponsored content · Sponsored content

வரதட்சணை கொடுமை இளம்பெண் கருகி பலி

வரதட்சணை கொடுமை இளம்பெண் கருகி பலி

Re: வரதட்சணை கொடுமை இளம்பெண் கருகி பலி

Re: வரதட்சணை கொடுமை இளம்பெண் கருகி பலி

Re: வரதட்சணை கொடுமை இளம்பெண் கருகி பலி

Re: வரதட்சணை கொடுமை இளம்பெண் கருகி பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக