பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

kirupairajah · kirupairajah Wed 8 Jul 2009 - 18:13

ஜம்மு காஷ்மீர் மாநிலம் லிட்டர் ஆற்றுக் கரையோரம் உள்ள 900 ஆண்டு பழைமை வாய்ந்த சிவன் கோவிலை இரு முஸ்லிம்கள் பரிபாலனம் செய்து வருகின்றனர்.
பழைமைமிக்க சிவன் கோவிலைப் பரிபாலிக்கும் இரு முஸ்லிம்கள் 08-temple200

பழைமைமிக்க சிவன் கோவிலைப் பரிபாலிக்கும் இரு முஸ்லிம்கள் 08-temple200

காஷ்மீர் பள்ளத்தாக்குப் பகுதியில் உள்ள ஒரே ஒரு இந்துக் கோவில் இதுதான். லிட்டர் ஆற்றுக் கரையோரம் இந்தக் கோவில் உள்ளது. இக்கோவிலின் வயது 900 ஆண்டுகள் என்று கூறப்படுகிறது.

இந்தக் கோவிலில் தற்போது முகம்மது அப்துல்லா, குலாம் ஹசன் ஆகிய இரு முஸ்லிம்கள்தான் வழிபாடுகளை நடத்தி வருகின்றனர்.

இப்பகுதியை விட்டு காஷ்மீரி இந்து பண்டிதர்கள் இடம் பெயர்ந்து சென்று விட்டதே இதற்குக் காரணம்.

இவர்கள் இருவரும் கோவில் கதவுகளைத் திறந்து வைத்து மணி அடித்து தீபாராதனை செய்கின்றனர்.

இதுகுறித்து குலாம் ஹசன் கூறுகையில்,

"கோவிலைப் பாதுகாப்பதோடு மட்டுமல்லாமல், தினசரி ஆரத்தி எடுத்து பூஜையும் செய்கிறோம்.

அதேபோன்று கோவிலுக்கு வரும் அனைத்துப் பக்தர்களுக்கும் பிரசாதமும் தவறாமல் தருகிறோம். இங்குள்ள 3 அடி உயரமுடைய கருப்பு சிவலிங்கத்தையும் நாங்கள் பாதுகாப்பாக பார்த்துக் கொள்கிறோம்" என்றார்.

முன்பு அமர்நாத் யாத்திரை செல்வோர் தவறாமல் இந்தக் கோவிலுக்கும் வந்து செல்வார்களாம். இப்போது அவர்கள் யாரும் வருவதில்லையாம். எப்போதாவதுதான் பக்தர்கள் வருவார்களாம்.

ராஜா ஜெயசூரியா என்பவரே இந்தக் கோவிலைக் கட்டியுள்ளார்.

இந்துக்கள் இப்பகுதியை விட்டுப் போய் விட்டாலும் கூட அவர்களின் கோவிலை இரு முஸ்லிம்கள் பார்த்துக் கொள்வதோடு மட்டுமல்லாமல், பூசையும் செய்வது மத நல்லிணக்கம் இன்னும் மங்கிப் போய் விடவில்லை என்பதை நிரூபிப்பதாக உள்ளது அல்லவா?

gv.raj · gv.raj Wed 8 Jul 2009 - 18:35

இந்து முஸ்லிம் ஒற்றுமைக்கு இது ஒரு நல்ல உதாரணம் ---நமசிவாய ---- அ அல்லா (இறைவன் ஒருவனே)

நிலாசகி · நிலாசகி Wed 8 Jul 2009 - 18:36

அன்பே சிவம்

**சிவா** · **சிவா** Wed 8 Jul 2009 - 18:41

இந்த உலகின் மதத்தின் பேரில் அலையும் சில அழிவு சக்திகளில் இருந்து மீட்டுவர இவர்களைப் போன்றவர்களால் தான் முடியும்!!!

Guest · Guest Wed 8 Jul 2009 - 18:59

உண்மையிலேயே என் மனதில் ஒரு மகிழ்ச்சி ஏனெனில் இந்து முஸ்லிம்

ஒற்றுமை மனிதர்களுக்குல்தான் பார்த்திருக்கிறேன். ஆனால் ஆலயம் வரை

உள்ளதை இப்பொழுதுதான் கேள்விப்படுகிறேன்.

இந்து முஸ்லிம் ஒற்றுமை ஓங்குக அன்பு மலர்

srinivasan · srinivasan Wed 8 Jul 2009 - 19:12

நன்றி வாழ்த்துக்கள்

சதீஷ்குமார் · சதீஷ்குமார் Wed 8 Jul 2009 - 19:26

ஆகா

மத நல்லிணக்கம் இன்னும் மங்கிப் போய் விடவில்லை

மிக்க மகிழ்ச்சியாக இருக்கிறது.
அன்பு மலர்

Sponsored content · Sponsored content

பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

Re: பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

Re: பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

Re: பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

Re: பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

Re: பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

Re: பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

Re: பழைமைமிக்க சிவன் கோவிலைப் பரிபாலிக்கும் இரு முஸ்லிம்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக