பெற்றோர்களின் பொறுப்புக்கள்

எஸ்.அஸ்லி · எஸ்.அஸ்லி Sun 4 Apr 2010 - 21:57

தாய்மார்கள் தங்கள் குழந்தைகளுக்கு நிரப்பமான இரண்டு ஆண்டுகள் பாலூட்டுதல் வேண்டும்; பாலூட்டும் தாய்மாகளுக்கு (ஷரீஅத்தின்) முறைப்படி உணவும், உடையும் கொடுத்து வருவது குழந்தையுடைய தகப்பன் மீது கடமையாகும்; எந்த ஓர் ஆத்மாவும் அதன் சக்திக்கு மேல் (எதுவும் செய்ய) நிர்ப்பந்திக்கப்பட மாட்டாது; தாயை அவளுடைய குழந்தையின் காரணமாகவோ. (அல்லது) தந்தையை அவன் குழந்தையின் காரணமாகவோ துன்புறுத்தப்படமாட்டாது; (குழந்தையின் தந்தை இறந்து விட்டால்) அதைப் பரிபாலிப்பது வாரிசகள் கடமையாகும்; இன்னும், (தாய் தந்தையர்) இருவரும் பரஸ்பரம் இணங்கி, ஆலோசித்துப் பாலூட்டலை நிறுத்த விரும்பினால், அது அவர்கள் இருவர் மீதும் குற்றமாகாது; தவிர ஒரு செவிலித்தாயைக் கொண்டு உங்கள் குழந்தைகளுக்குப் பாலூட்ட விரும்பினால் அதில் உங்களுக்கு ஒரு குற்றமுமில்லை; ஆனால், (அக்குழந்தையின் தாய்க்கு உங்களிடமிருந்து) சேரவேண்டியதை முறைப்படி செலுத்திவிட வேண்டும்; அல்லாஹ்வுக்கு அஞ்சுp நடந்து கொள்ளுங்கள் - நிச்சயமாக அல்லாஹ் நீங்கள் செய்வதை பார்ப்பவனாக இருக்கிறான் என்பதை அறிந்து கொள்ளுங்கள். (2:233)

எஸ்.அஸ்லி · எஸ்.அஸ்லி Sun 4 Apr 2010 - 21:58

மேலே உள்ள வசனத்தின் மூலம் குழந்தைகளை வளர்ப்பது குறித்து, பெற்றோர்கள் மீதுள்ள பொறுப்புக்களையும் இன்னும் கடமைகளையும் குறித்த விதிமுறைகளை இறைவன் வகுத்தளித்துள்ளான் :

எஸ்.அஸ்லி · எஸ்.அஸ்லி Sun 4 Apr 2010 - 21:58

தாய்மார்கள் தங்களது குழந்தைகளுக்கு பாலூட்ட வேண்டும் என்ற அவசியத்தை இங்கு மேலே உள்ள வசனம் வலியுறுத்திக் கூறுகின்றது. பாலூட்டதல் என்பது ஒரு தாயினுடைய கர்ப்பக் காலங்கள் முடிந்து, தன் வயிற்றிலிருக்கும் அந்த சிசுவைப் பெற்ற நாள் முதல், அந்த சிசுவுக்காகவே இறைவன் படைத்திருக்கும் அற்புதமான உணவாக இருக்கின்றது. குழந்தை பெறுவதற்கு முன்னால் அந்தத் தாயிடம் பால் ஊற்றெடுப்பதில்லை. எனவே, குழந்தையைப் பெற்ற தாயானவள், இறைவன் வழங்கி இருக்கும் அந்த அருட்கொடையை, தன்னுடைய குழந்தைக்குப் பாலூட்டுவதன் மூலம், அந்தக் குழந்தையின் முதன்மை பாதுகாப்பு அதிகாரியாக இறைவன் அந்தத் தாயை நியமித்திருக்கின்றான் என்பதையும், அந்தத் தாய் தனக்குச் சாத்தியப்படும் பொழுதெல்லாம் தனக்குக் கொடுக்கப்பட்ட அந்தப் பொறுப்பை இறைக்கட்டளையை ஏற்று நடப்பவளாக, அந்தக் குழந்தையின் முதன்மைப் பாதுகாப்பாளராக பாலூட்டுவதன் மூலம் நடந்து கொள்ள வேண்டும்.

எஸ்.அஸ்லி · எஸ்.அஸ்லி Sun 4 Apr 2010 - 22:00

மேலும், தன்னுடைய குழந்தைக்குத் தேவையானவற்றைப் பெற்றுக் கொடுப்பது ஒரு தகப்பனுடைய கடமையாக இருந்து கொண்டிருக்கின்றது என்பதையும் இந்த வசனம் நமக்குச் சுட்டிக் காட்டுகின்றது. குடும்பத் தலைவனாக இருக்கக் கூடியவன் முதலில் தன்னுடைய குடும்பத்தில் உள்ள அத்தனை உறுப்பினர்களின் நலனுக்காகவும், இன்னும் அவர்களுக்குத் தேவையான உணவு, உடை, இருப்பிடம் இன்ன பிற தேவைகளையும் அறிந்து அவற்றை நிறைவேற்றிக் கொடுக்க வேண்டிய பொறுப்பில் உள்ளான் என்பதை இந்த வசனம் மேலும் நமக்குச் சுட்டிக் காட்டுகின்றது. தாயானவள் தன்னுடைய குடும்ப நிர்வாகத்திற்குப் பொறுப்பேற்பது போலவே., தந்தையானவன், அந்தக் குடும்பத்திற்குத் தேவையான வாழ்வாதாரங்களைப் பெற்றுக் கொடுக்கக் கூடிய பொறுப்பில் இருக்கின்றான்.

எஸ்.அஸ்லி · எஸ்.அஸ்லி Sun 4 Apr 2010 - 22:00

இறைவன் தன்னுடைய திருமறையிலே குறிப்பிடுவது போல பெண்ணைக் காட்டிலும், ஆணை நாம் பெண்ணை விட நாம் ஒருபடி மேலே உயர்வாக்கி வைத்திருக்கின்றோம் என்று (ஆண்களுக்கு அவர்கள்மீது ஒருபடி உயர்வுண்டு (2:228)) இறைவன் தன்னுடைய திருமறையிலே குறிப்பிட்டுக் கூறுவது எதற்காகவெனில்,அவனுக்குள்ள பொறுப்புக்கள், கடமைகள் மற்றும் அந்தக் குடும்பத்தின் மேல் அதிகாரத்தை முன்னிட்டுத் தான் என்பதாகும்.

எஸ்.அஸ்லி · எஸ்.அஸ்லி Sun 4 Apr 2010 - 22:01

இந்த உலகத்தில் அந்தக் குழந்தை பிறப்பதற்கான காரணியாக மட்டும் அவன் கருதப்படுவதில்லை, மாறாக, தந்தையானவன் தன்னுடைய குழந்தை பிறந்த ஜனித்த நாள் முதலே அதன் வாழ்வில், அதன் வளர்ப்பில் பங்கெடுக்கக் கூடிய மிகப் பெரிய பொறுப்பைச் சுமந்தவனாகின்றான்.

எஸ்.அஸ்லி · எஸ்.அஸ்லி Sun 4 Apr 2010 - 22:02

அந்தக் குழந்தையினுடைய முக்கியமான விசயங்களில் தாய் மற்றும் தந்தை ஆகிய இருவரும் ஒருவருக்கொருவர் மனம் விட்டு கலந்தாலோசனை செய்து, அந்தக் குழந்தையின் எதிர்காலம் பற்றி முடிவு செய்ய வேண்டும்.

குழந்தைகளை தொழுகைக்கு எவ்வாறு பக்குவப்படுத்தலாம

எஸ்.அஸ்லி · எஸ்.அஸ்லி Sun 4 Apr 2010 - 22:02

அல்லாஹ் தஆலாவினால் அடியார்களுக்கு விதிக்கப்பட்ட கடமைகளில் முதன்மைப்படுத்தப்பட்ட கடமைகளில் முதன்மைப்படுத்தப்பட்டதாகவும், முக்கியமானதாகவும் தொழுகை விளங்குகிறது. முஃமின்களின் மிஃராஜ் என்றும் இஸ்லாத்தின் பிரதான அரண் என்றும் வர்ணிக்கப்படும் தொழுகை தக்லீப் எனும் பொறுப்பை அடைந்த ஒவ்வொரு முஸ்லிமும் செய்ய வேண்டிய கடமையாகவும் திகழ்கிறது.

எஸ்.அஸ்லி · எஸ்.அஸ்லி Sun 4 Apr 2010 - 22:03

இந்த வகையில் நாம் எமது சமூகத்தைப் பார்க்கும் பொழுது இது விஷயத்தில் அதிகமானவர்கள் அசிரத்தையாக இருப்பதைக் காணலாம். இதற்கு அடிப்படைக் காரணங்களில் ஒன்று, ஒவ்வொரு மனிதனுடைய இளமைப்பருவம், குழந்தைப் பருவமும் இதற்கு ஏற்றாற் போல் பண்படுத்தப்படமையேயாகும். ஏனெனில் குழந்தைப் பருவமென்பது ஓர் வெண்ணிற ஆடை போன்றது. அதில் நேரான, எதிர்மறையான அனைத்து விசயங்களும் பசுமையாகப் பதிந்து விடக் கூடியன. ரஸ{ல் (ஸல்) அவர்கள் குறிப்பிட்டார்கள் :

எஸ்.அஸ்லி · எஸ்.அஸ்லி Sun 4 Apr 2010 - 22:03

ஏழு வயதினில் உங்கள் குழந்தைகளுக்கு தொழுகையைக் கடைபிடிக்குமாறு ஏவுங்கள். பத்து வயதை அடைந்து விட்டால் அவர்களை அடித்தாவது தொழ வையுங்கள். (அபூதாவூத், அஹ்மத்)

குழந்தைகளை தொழுகையின்பால் அழைப்பதற்கு, ஆர்வமூட்டுவதற்கு சில அடிப்படை ஆலோசனைகளை இங்கு பரிமாறிக் கொள்வோம். பண்படுத்தலுக்கு உள்ளாக்கப்படும் இந்த குழந்தைப் பருவத்தைப் பொறுத்தமட்டில் இரண்டு பகுதியாகப் பிரித்து நோக்கலாம்.

Sponsored content · Sponsored content

பெற்றோர்களின் பொறுப்புக்கள்

பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

Re: பெற்றோர்களின் பொறுப்புக்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக