வயதாவதை இயற்கை வழியிலேயே தள்ளிப் போடலாம்

**சிவா** · **சிவா** Fri Jun 04, 2010 2:57 pm

இயற்கைக்கு எதிராக மனிதனால் அணை போட முடியாது. `வயது' விஷயத்திலும் அப்படித்தான். வயதை மறைப்பதற்காக 'பிளாஸ்டிக் சர்ஜரி', "போட்டாக்ஸ்" போன்ற தொடர் தொல்லை தரும் சிகிச்சைகளை மேற்கொள்வது புத்திசாலித்தனம் கிடையாது.

'அப்படியானால், வயதாவதை ஏற்றுக்கொள்ள மனதைத் தயார்ப் படுத்திக்கொள்ள வேண்டுமா? இல்லை' வயதாவதை `இயற்கை வழியிலேயே' தள்ளிப் போடலாம்.

இளமைக்கான ஆலோசனை நிபுணர் தீபக் சதுர்வேதியும், உடல் தகுதி ஆலோசகர் திலீப்பும், வயதாவதை தள்ளிப் போட சில யோசனைகளைக் கூறுகிறார்கள்...

ஆரோக்கியமான உணவு

வயதாவதை எதிர்த்துப் போராட, நீங்கள் ஆரோக்கியமான உணவுகளை உண்ண வேண்டும். அதற்கு முதலில், எது ஆரோக்கியமான உணவு என்று நீங்கள் அறிந்து கொள்ள வேண்டும். 'முழுத் தானிய' உணவுகள் எப்போதும் உங்களுக்கு நன்மை பயக்கும். ஆரோக்கியமற்ற நடைமுறைகள் உங்களின் உடல்நலத்தை வெகுவாகப் பாதித்து, விரைவாக வயதான தோற்றத்தைத் தரும். எந்த ஒரு முதலீட்டையும் போல, ஆரோக்கியத்தில் செலுத்தப்படும் கவனமும் உரிய பலன் தரும்.

உணவுக் கட்டுப்பாடு

உடம்பைக் கச்சிதமாக வைத்திருப்பதற்கு உணவுக் கட்டுப்பாடு அவசியம். ஆனால் உடம்புக்குத் தேவையான கலோரி அளவை மட்டும் கணக்கிட்டு உண்ணுவது பெரும் தவறாகி விடும். சுற்றுப்புறச் சூழலையும் நíங்கள் கவனத்தில் கொள்ளுங்கள். நீங்கள் கோடை காலத்தில் சாப்பிடும் உணவும், மற்ற பருவங்களில் சாப்பிடும் உணவும் வித்தியாசமாக இருக்க வேண்டும். உங்களின் வாழ்க்கை முறையும், செய்யும் வேலையும் உடல்நலத்தில் குறிப்பிடத்தக்க தாக்கத்தை ஏற்படுத்தும்.

உடற்பயிற்சி முக்கியம்

வாரம் மூன்று முறையாவது திறந்த வெளியிடங்களில் உடற்பயிற்சி செய்யுங்கள். `ஜிம்'முக்கு சென்று உடற்பயிற்சி செய்வது என்றால், வாரத்துக்கு நான்கு நாளாவது பயிற்சி செய்வதை கட்டாயமாக்கிக் கொள்ளுங்கள். ஒவ்வொரு நாளும் உடம்பின் வெவ்வேறு பகுதிகளுக்கு உடற்பயிற்சி செய்வதற்குப் போதுமான நேரம் ஒதுக்குங்கள். வயதான தோற்றத்திற்கு ஒரு முக்கியக் காரணம் மனஅழுத்தம். உடற்பயிற்சியானது உங்கள் உடம்பைக் கச்சிதமாக வைப்பதோடு மட்டுமின்றி, மனஅழுத்தத்தையும் தகர்க்கும்.

ஊட்டச்சத்துகள்

இயற்கை உணவுகளில் காணப்படும் அளவற்ற ஊட்டச்சத்துகள், இளமையை நீட்டிக்க உதவும். ஆனால் உணவுப்பொருட்களிலேயே அதிகமான வேதிப்பொருட்களும், பூச்சிக்கொல்லிகளும் பயன்படுத்தப்படும் காலம் இது. எனவே நமக்குத் தேவையான வைட்டமின்கள், குறிப்பாக வைட்டமின் சி, ஈ ஆகியவற்றை நாம் வேறு உணவு மூலம் ஈடுசெய்ய வேண்டும். அதற்கு மீனும், எலுமிச்சை வகைப் பழங்களும் ஏற்றவை. முழுத் தானியங்களையும் மறந்துவிடாதீர்கள்.

நள்ளிரவு பார்ட்டி கூடாது

பார்ட்டி கலாசாரம் தற்போது பரவி வருகிறது. பெரும்பாலும் பார்ட்டிகள் நள்ளிரவு தாண்டியும் நீள்கின்றன. நாம் இரவு நேரப் பிராணிகள் இல்லை, இரவில் பார்க்கும் ஆற்றலையும் இயற்கை நமக்குக் கொடுக்கவில்லை. இயற்கையின் ஒவ்வொரு படைப்புக்கும் ஒரு காரணம் இருக்கிறது. அதற்கு எதிராகப் போக வேண்டாம். சூரிய வெளிச்சத்துடன் இயைந்து போகும் வகையில்தான் நமது `உடல் கடிகாரம்' அமைந்துள்ளது. இரவு நேரம் கடந்த பார்ட்டி பழக்கம் அல்லது இரவில் நெடுநேரம் விழித்திருப்பது நமது உடம்புக்கு நாமே தீங்கிழைத்துக் கொள்வதாகும். நமது உடல் சுரப்பிகள், சூரியோதயத்துக்குப் பின் ஓய்வெடுப்பதே இயற்கை. இரவில் கண் விழித்திருப்பதன் மூலம், சுரப்பிகளை `ஓவர் டைம்' பணிபுரிய நாம் நிர்ப்பந்திக்கிறோம். அது, வயதாவதைத் துரிதப்படுகிறது. எனவே இரவில் நல்லபிள்ளையாய் சீக்கிரமாகத் தூங்கி விடுங்கள்!

அலட்டல் அம்பலத்தார் · 29/04/2010

நன்றி ராசா ..இனிமேல் எங்கட விதானையோட ராவில ஓசிக் குடிக்கு போகக் கூடாது கண்டியலே ,, ஜாலி

சரவணன் · சரவணன் Fri Jun 04, 2010 4:07 pm

உடற்பயிற்சியை விட யோகா செய்வதே இளைமையாக ஆக்கும்!
பயனுள்ள பதிவிற்கு நன்றி சிவா!

அலட்டல் அம்பலத்தார் · 29/04/2010

பிச்ச wrote:உடற்பயிற்சியை விட யோகா செய்வதே இளைமையாக ஆக்கும்!
பயனுள்ள பதிவிற்கு நன்றி சிவா!

ராசா உங்களை பாத்தா ஆரோக்கிய தாசன் மாதிரி இருக்கு கண்டியலே சிப்பு வருது

அப்புகுட்டி · அப்புகுட்டி Fri Jun 04, 2010 4:56 pm

அலட்டல் அம்பலத்தார் wrote:நன்றி ராசா ..இனிமேல் எங்கட விதானையோட ராவில ஓசிக் குடிக்கு போகக் கூடாது கண்டியலே ,,

லைட்டா என்னையும் இழுப்பது போண்று உள்ளதே தாத்தா கூடாது

அலட்டல் அம்பலத்தார் · 29/04/2010

அப்புகுட்டி wrote:
அலட்டல் அம்பலத்தார் wrote:நன்றி ராசா ..இனிமேல் எங்கட விதானையோட ராவில ஓசிக் குடிக்கு போகக் கூடாது கண்டியலே ,,

லைட்டா என்னையும் இழுப்பது போண்று உள்ளதே தாத்தா

ராசா உன்னை பத்தி சொல்ல மாட்டேன் ராசா முத்தம்

அப்புகுட்டி · அப்புகுட்டி Fri Jun 04, 2010 5:19 pm

அலட்டல் அம்பலத்தார் wrote:
அப்புகுட்டி wrote:
அலட்டல் அம்பலத்தார் wrote:நன்றி ராசா ..இனிமேல் எங்கட விதானையோட ராவில ஓசிக் குடிக்கு போகக் கூடாது கண்டியலே ,,

லைட்டா என்னையும் இழுப்பது போண்று உள்ளதே தாத்தா

ராசா உன்னை பத்தி சொல்ல மாட்டேன் ராசா

அதானே பார்த்தேன் ஜாலி