நம்பி தலையை கொடுக்கணும் மன்மதன் அம்பு விழாவில் கமல்!

மன்மதன் அம்பு படத்துவக்க விழா ஏவிஎம் புளோரில் நடந்தது. அறைகொள்ளாத ஏசி யின் குளுமைக்கு நமது நன்றி ஒரு பக்கம் இருக்கட்டும். கமல் பேச்சில் இதற்காகவும் நாலு வார்த்தை தனியாக இருந்தது ஆச்சர்யம்!.



ஒவ்வொருவரையும் பேச அழைக்கும் முன் தொகுப்புரை திலகமாக வார்த்தை ஜாலம் காட்டினார் பிஆர்ஓ நிகில். தயாரிப்பாளர் உதயநிதி, கே.எஸ்.ரவிகுமார், மாதவன், உயிர் சங்கீதா, ஒளிப்பதிவாளர் மனுஷ் நந்தன், த்ரிஷா என்று அத்தனை பேருக்கும் தனித்தனியாக இவர் கொடுத்த முன்னுரை ஒரு 'தமிழினிப்பு' ஸ்டால்! கடைசியாக பேச வந்த கமல் "எல்லாரும் சுருக்கமாக பேசினாங்க, நிகில் தவிர!" என்று குறிப்பிட கலகலத்தது பிரஸ் ஏரியா.

"இங்க பேசிய கே.எஸ்.ரவிகுமார் தயாரிப்பாளர் உதயநிதி பற்றி சொன்னார், அவரு எதிலயும் தலையிட மாட்டாருன்னு! நாங்கள்ளாம் நாவிதர் மாதிரி. நம்பி தலையை கொடுத்திரணும். தலையையும் கொடுத்துவிட்டு ஆட்டிகிட்டே இருந்தா வேலை பார்க்க முடியாது" என்று கமல் கொடுத்த ஒப்புமைக்கு மறுபடியும் கலகலத்தது ஏரியா. "எனக்கு ரொம்ப நாளா ஒரு ஆசை இருந்திச்சு. அது இந்த படத்திலதான் நிறைவேறியிருக்கு. ரொம்ப குறைந்த முதலீட்டில் நடத்தப்படுற டிராமாவுக்கே பல முறை ரிகர்சல் பண்ணுறோம். ஆனால் 40 கோடி 50 கோடி செலவில் எடுக்கிற படத்துக்கு ஏன் ரிகர்சல் பார்க்க மாட்டேங்குறோம். இனி ஒவ்வொரு படத்துக்கும் ரிகர்சல் பார்க்கணும்னு நினைச்சேன். இந்த படத்தில் அதுக்கு ஒத்துழைப்பு கொடுத்திருக்காங்க எல்லாரும். அதுக்காக எல்லாருக்கும் என் தனிப்பட்ட நன்றி" என்றார் கமல்.

கமலின் ஆழ்வார்பேட்டை ஆபிசுக்கு தினமும் வந்து விடுகிறார்களாம் மாதவன், த்ரிஷா, சங்கீதா உள்ளிட்ட நடிகர் நடிகைகள். இங்குதான் கமல் விரும்பிய ரிகர்சல் நடைபெறுகிறது.

"இந்த படத்தில கமல் சாருக்கு கெட்டப் இல்லை. அவரு முழுக்க முழுக்க ரொமான்ட்டிக் ஹீரோவா நடிச்சு பல வருஷம் ஆச்சு. இந்த படத்தில் கமல் ரொமான்ட்டிக் ஹீரோவா நடிக்கிறாரு. முப்பது வயசு பையன் தோற்றத்துக்கு வந்திட்டாரு. அவரு இந்த படத்தில பண்ணுற சேஷ்டைகள் ரசிக்கிற மாதிரி இருக்கும்" என்றார் கே.எஸ்.ரவிக்குமார்.

விசேஷம் என்னவென்றால் இப்படத்திற்காக கதை, திரைக்கதை, வசனம், இவற்றுடன் பாடல்கள் எழுதும் பொறுப்பையும் ஏற்றுக் கொண்டிருக்கிறார் கமல். 90 சதவீத படப்பிடிப்பு வெளிநாட்டில்தான் நடைபெறுகிறதாம். 7 கி.மீ நீளமுள்ள கப்பல் ஒன்றில் 15 நாட்கள் படப்பிடிப்பை வைத்திருக்கிறார்களாம். "கதைக்கு தேவைப்பட்டா முத்தக்காட்சியும் இருக்கும்" என்றார் கே.எஸ்.ரவிகுமார்.

கதையெழுதுற கமல் என்ன நினைச்சிட்டு இருக்காரோ?

முத்தான காட்சிக்கு தான் முதல் மரியாதை,கமல் எழுதும் கதையில்