சாமுத்திரிகா லட்சணம் - தலை

**சிவா** · **சிவா** Sun May 30, 2010 11:45 pm

ஒருவனுக்கு தலை உயர்ந்து இருக்குமானால், அவன் மிகுந்த செல்வ வளமும், தீர்க்காயுளும் கொண்டவனாய் இருப்பான்.

யானைத் தலையைப் போன்ற தலையைப் பெற்றிருந்தால், அந்த ஆண் மகன் மிகச் சிறந்த சிந்தனையாளனாகவும், பேரறிவாளனாகவும் இருப்பான்.

தலையமைப்பு, குடையைக் கவிழ்த்தால் போல அமைந்து இருக்குமானால் அவனுக்கு அரச போக வாழ்வு அல்லது உயரிய பதவி கிடைத்து வளமுடன் வாழ்வான்.

வட்டமான தலையமைப்பு இருந்தால், கால்நடைகளால் அவனுக்கு செல்வச் செழிப்பும், வளமான வாழ்க்கையும் அமைந்திடும்.

தலையில், நரம்புகள் புடைத்து இருக்குமானால், அந்த ஆண் மகன் பெரும்பாலும் தரித்திரம் பீடித்த வாழ்க்கையே வாழ நேர்ந்திடும். எடுத்த காரியங்கள் யாவும் தோல்வியில் முடிந்து சொல்லொண்ணா தொல்லைகளை உண்டாக்கும்.

தட்டையான தலையமைப்பை ஒருவன் கொண்டிருந்தால், இளம்பிராயத்திலேயே தாய் தந்தையரை இழந்திடும் நிலை ஏற்படும். அடுத்தவர் தயவில் வாழ்ந்திடும் நிலை உண்டாகும்.

இரட்டைத் தலை போன்று இருந்தால், குரூர மனம் கொண்டவனாய் இருப்பான். ஏழ்மையான வாழ்க்கையே அவன் வாழ நேரிடும்.

தலையின் பின்புறம் மட்டும் புடைப்புடன் இருக்குமானால், அந்த ஆணுக்கு நினைவாற்றல் மிகுந்து இருக்கும்.

பின்பகுதி உருண்டும், முன்புறம் தாழ்ந்தும் இருக்குமானால், அவனுக்கு மந்த புத்தியே இருக்கும்.

முன்பகுதி மட்டும் நீண்டு , சற்று வேறுபட்ட தலையமைப்பைக் கொண்டவனாய் இருந்தால், அவன் தீய நடத்தை உடையவனாய் இருப்பான்.

உடலுக்கு தக்க, அளவான தலையமைப்பைக் கொண்டவனாக இருந்தால், மிகுந்த அறிவுடையவனாக இருப்பான். இருபுறமும் புடைத்து, உருண்டை வடிவுடைய தலையமைப்பைக் கொண்டிருந்தால் அவன் வெகு பலசாலியாக திகழ்வான்.

ஆமையைப் போன்ற தலையமைப்பைக் கொண்டிருந்தால் அரசனாகவோ, அரசனுக்கு நிகரான பதவியை உடையவனாகவோ இருப்பான்.

சம்சுதீன் · சம்சுதீன் Mon May 31, 2010 1:11 am

படித்ததும் எனக்கு தலை சுற்றுதே நான் எந்தவகை புரியல சோகம்

**ராஜா** · **ராஜா** Tue Jun 01, 2010 12:14 pm

சம்சுதீன் wrote:படித்ததும் எனக்கு தலை சுற்றுதே நான் எந்தவகை புரியல

அப்படியே ஒரு கண்ணாடி பக்கத்தில் நின்னீங்கண்ண , உங்க தலை சுத்தும் போது நீங்களே பார்துக்கலாம் சம்ஸ்.

ரபீக் · ரபீக் Tue Jun 01, 2010 12:31 pm

Rajana3480 · Rajana3480 Sun Feb 13, 2022 4:58 am

இது உண்மையா என்ற ஆய்வுக்கு செல்லுவதற்கு முன் என்னுடைய தலை எந்த கேட்டகிரியில் வருகிறது என்று எப்படி கண்டுபிடிப்பது?

Sponsored content · Sponsored content

சாமுத்திரிகா லட்சணம் - தலை

சாமுத்திரிகா லட்சணம் - தலை

Re: சாமுத்திரிகா லட்சணம் - தலை

Re: சாமுத்திரிகா லட்சணம் - தலை

Re: சாமுத்திரிகா லட்சணம் - தலை

Re: சாமுத்திரிகா லட்சணம் - தலை

Re: சாமுத்திரிகா லட்சணம் - தலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக