விதவை...

ஹாசிம் · ஹாசிம் Wed May 26, 2010 12:54 pm

மறுமணம் மறுத்து
திருமணம் நடந்ததில்
கணவனை இழந்ததால்
சமூகம் இட்டபெயர்

இறைவனின் ஏற்பாட்டில்
நடந்த இன்நிகழ்வை
ஏற்க மறுக்கும் மனிதம்
நையப் புடைக்கும் வார்த்தையிது

பெண் என்ற பூவையரின்
எதிர்பாரா விபத்தில்
வடுவாய் மாறும்
அழியாக் கீறலிது

இளமை தனக்கிருந்தும்
விதவையானவளை
எள்ளி நகையாடாது
இனியவாழ்வளித்தல்
இளமையரின் பொறுப்பன்றோ..

உணர்வுக்கு மதிப்பளித்து
உயரிய வாழ்கையினை
உயிராய் மதித்து நீயும்
விதவை என்ற பெயரை
வேரோடு அழித்துடு தோழா..

அன்பு மலர்

ரபீக் · ரபீக் Wed May 26, 2010 1:04 pm

மிகவும் அற்புதமான வரிகள், கணவனை இழந்தவளின் வேதனைகளை நச்சென்று சொல்லிவிட்டீர்

சபீர் · சபீர் Wed May 26, 2010 1:21 pm

மனதில் பதியக்கூடிய வைரவரிகள் நண்பா உங்கள் கவிதையில் சொல்லப்பட்ட கருத்தை நானும் ஆமோதிக்கிறேன் எனதருமை நண்பனே...இன்னும் தொடரட்டும் உனது அழகிய கவிவரிகள் நன்றி வாழ்த்துக்கள்