வானத்து வண்ண வில்

**V.Annasamy** · **V.Annasamy** Thu May 27, 2010 5:06 pm

வானத்து வண்ண வில்

தூரத்து வானம்; தொடரும் முகில்கள்..
கருத்தன சிலநொடியில்; உருவான சூல்கள்;

கண்ணைப் பறிக்கும் ''பாதரச' மின்னல்கள்;
எண்ணைக் குடம்போல்.. உறுமித் தாளமிட;

விண்ணையும் மண்ணையும் இணைக்கும் கம்பிகள்..
தண்ணீராய், தடையிலா கொடையாய், 'கோடை'யகற்றிட;

குடை பிடித்துக் குடிபுகுந்தனர் மனிதர்கள்.
வாடைக் காற்றில் நடனமாடின மரங்கள்.

அல்ப சந்தோஷத்தில் திளைத்தன குமிழ்கள்.
பல்லற்ற குழவிமுதல் பாட்டிவரை மகிழ்ந்தனர்..

வாசனை மண்ணுக்கும் உண்டென்பது உறுதியே.
அசராத தவளைகள் தவ்வித் திரிந்தன.

நனைந்த பறவைகள் பலவாறு சிலிர்த்திட;
உறவுகளொடு ஒன்றாய் ஒளிந்து ஒடிங்கிட..

நீரோடை எங்கும் மண்ணின் வண்ணமுற;
பாரினில் பாகுபாடில்லை பாரென பகல...

சற்று நேரத்தில் அடங்கியது 'நாடகம்'.
சற்றே எட்டிப் பார்த்தான் பகலவன்.

முற்றிலும் மாறான கோலத்தில் வானம்.
கற்றுத் தெளிந்தார்போல் கவின்மிகு காட்சி.

உற்றுப் பார்க்க வைக்கும் ஓவியம்.
'கீற்றுகளாய் வானவில்' மனதைக் கவ்வியதே.