பிரெஞ்ச் ஓபன்:​ முன்னணி வீரர்கள் ஆதிக்கம்

பிரெஞ்ச் ஓபன் கிராண்ட் ஸ்லாம் டென்னிஸ் போட்டியின் 2-வது சுற்றுக்கு ஸ்விட்சர்லாந்தின் ரோஜர் பெடரர்,​​ செர்பியாவின் நோவக் டியோகோவிக்,​​ அமெரிக்காவின் செரீனா வில்லியம்ஸ்,​​ டென்மார்க்கின் கரோலின் வோஸ்னியாக்கி ரஷியாவின் எலினா டிமென்டீவா உள்ளிட்டோர் தகுதி பெற்றனர்.

திங்கள்கிழமை நடைபெற்ற பிரெஞ்ச் ஓபன் கிராண்ட் ஸ்லாம் போட்டியின் ஆடவர் முதல் சுற்றில்,​​ தரவரிசையில் முதலிடத்தில் உள்ள ஸ்விட்சர்லாந்தின் ரோஜர் பெடரர் 6-4,​ 6-1,​ 6-2 என்ற செட் கணக்கில் ஆஸ்திரேலியாவின் பீட்டர் லுக்ஸôக்கை வென்றார்.

செர்பியாவின் நோவக் டியோகோவிக் 6-3,​ 3-6,​ 6-1,​ 6-3 என்ற செட் கணக்கில் கஜகஸ்தானின் ஈவ்ஜெனி கோரோலீவை தோற்கடித்தார்.​ ஆஸ்திரேலியாவின் ஜான் இஸ்னர் 6-4,​ 6-3,​ 6-2 என்ற செட் கணக்கில் கஜகஸ்தானின் ஆண்ட்ரே கொலுபெவை வென்றார்.

மகளிர் முதல் சுற்றில்,​​ தரவரிசையில் முதலிடத்தில் உள்ள அமெரிக்காவின் செரீனா வில்லியம்ஸ் 7-3,​ 6-2 என்ற செட் கணக்கில் ஸ்விட்சர்லாந்தின் ஸ்டீபேனி ஊஜெலியை தோற்கடித்தார்.

டென்மார்க்கின் கரோலின் வோஸ்னியாக்கி 6-0,​ 6-3 என்ற கணக்கில் ரஷியாவின் குட்ரியாவ்ட்சேவாவை வென்றார்.​ ரஷியாவின் எலினா டிமென்டீவா 6-1,​ 6-1 என்ற செட் கணக்கில் குரேஷியாவின் பெட்ரா மார்டிக்கை தோற்கடித்தார்.

ஆடவர் பிரிவில் பெல்ஜியத்தின் ஆலிவர் ரோச்சஸ்,​​ ஸ்விட்சர்லாந்தின் ஸ்டானிஷ்லஸ் வேவ்ரிங்கா,​​ அமெரிக்காவின் டெய்லர் டென்ட்,​​ ஆஸ்திரேலியாவின் கார்ஸ்டென் பால்,​​ மகளிர் பிரிவில் சீனாவின் நா லீ,​​ இத்தாலியின் ராபெர்ட்டா வின்சி,​​ போலந்தின் அக்னீஸ்கா ரத்வன்ஸ்கா,​​ ஜெர்மனியின் ஜூலியா ஜார்ஜ் உள்ளிட்டோர் இரண்டாவது சுற்றுக்கு தகுதி பெற்றனர்.

இந்த தடவையும் சாம்பியன் ரோஜர் பிடரர்தான்