தமிழக மேல்- சபை: எந்த கட்சிக்கு எத்தனை உறுப்பினர்கள்? அனைவருக்கும் 6 ஆண்டு பதவி இல்லை

தமிழக மேல்- சபை அமைப்பதற்கான உத்தரவில் ஜனாதிபதி கையெழுத்து போட்டதையடுத்து, அதற்கான பணிகள் தீவிரமடைந்துள்ளன. மேல்- சபைக்கான 78 உறுப்பினர்களை தேர்வு செய்வதற்கான முதல் கட்ட தேர்தல் பணிகளும் தொடங்கி விட்டன.

சட்டசபையில் உள்ள எம்.எல்.ஏ.க்கள் மூலம் 26 பேர் மேல்- சபை உறுப்பினர்கள் ஆகலாம். 9 எம்.எல்.ஏ.க்கள் ஓட்டு போட்டு மேல்-சபை எம்.எல்.சி. ஒருவரை தேர்ந்து எடுக்க முடியும்.

அதன்படி தி.மு.க.வுக்கு 11 எம்.எல்.சி.க்கள் கிடைப்பார்கள். அ.தி.மு.க. 6 பேரை தேர்வு செய்யலாம். காங்கிரஸ் கட்சி மூலம் 4 பேரும், பா.ம.க. மூலம் 2 பேரும் தேர்ந்து எடுக்கப்படுவார்கள். மார்க்சிஸ்டு கட்சியில் ஒருவர் எம்.எல்.சி. ஆக முடியும். 6 எம்.எல்.ஏ.க்களை கொண்ட இந்திய கம்யூனிஸ்டு, 3 எம்.எல்.ஏ.க்களை கொண்ட ம.தி.மு.க. மற்றவர்களின் ஆதரவை பெற்று எம்.எல்.சி.க்களை தேர்வு செய்யலாம்.

மேல்- சபை உறுப்பினர்களின் பதவி காலம் 6 ஆண்டுகள். இவர்களில் 3-ல் ஒருபங்கு உறுப்பினர்கள் 2 வருடங்களுக்கு ஒரு முறை சுழற்சி முறையில் தேர்ந்து எடுக்கப்படுவார்கள்.

தமிழ்நாட்டில் புதிதாக மேல்- சபை அமைக்கப்படுவதால் 78 பேர் எம்.எல்.சி. ஆகி றார்கள். என்றாலும் அனை வரும் 6 ஆண்டு காலம் முழுமையாக பதவி வகிக்க முடியாது.

இவர்களில் மூன்றில் ஒரு பங்கு எம்.எல்.சி.க்கள் அதாவது 26 பேர் 2 ஆண்டுகளும், 26 பேர் 4 ஆண்டுகளும் பதவி வகிப் பார்கள். 26 எம்.எல்.சி.க்கள் 6 ஆண்டு காலம் பதவி வகிப்பார்கள். யார்-யார்? 6 ஆண்டுகள் பதவி வகிப்பார்கள். யார்-யார்? 4 மற்றும் 2 ஆண்டுகள் பதவி வகிப்பார்கள் என்பது குலுக்கல் மூலம் முடிவு செய்யப்படும் என்று தேர்தல் ஆணைய அதிகாரிகள் தெரிவித்துள்ளனர்.

பட்டதாரிகள், ஆசிரியர்களுக்கு தேர்வு செய்யப்படும் உறுப்பினர்களுக்கு யார் வாக்களிக்கலாம் என்பது பற்றிய புள்ளி விவரங்கள் தேர்தல் ஆணையம் சேகரித்து வருகிறது.