விளையாடும் பிள்ளைக்காக....!!!

sivag · sivag Fri May 21, 2010 5:44 pm

மின்சாரமில்லாத ஒரு முன்மாலை நேரம்
உடலும் மனமும் புழுங்க,
செயற்கைக் காற்றில்லா நிலையில்
இயற்கைக் காற்றுக்கேங்கி...
வந்தமர்ந்தேன் நிழல் மரத்தின் ஓரம்...!!
மலரத்துடிக்கும் அரும்புகள்
மலர்ந்த மலர்களில்
தேனீக்கள் செய்யும் குறும்புகள்
சுற்றித் திரிதல் முடிந்து
சுற்றம் சேர பறக்கும் பறவைகள்
வளர்ப்பவரின் வயிறு நிறைக்க
வளமான மடி சுரக்கும் கறவைகள்...!!

காணக் காண ஊறியது கவிதை வரிகள்
எழுதுகோலும் எண்ணங்களுமாய்
எழுத்தை விதைக்கத் தயாரானேன்....
எங்கிருந்தோ வந்த அணிலொன்று
என் இருப்பை அலட்சியம் செய்து
என்னருகே துள்ளிக் குதித்து விளையாடியது..

ஆழ்ந்த சிந்தனையில் அங்கமசையா நிலை கண்டு,
அச்சமின்றி விளையாடும் அணிலை
அச்சப்படுத்தி விரட்ட மனமின்றி,
அசையாமலிருந்து அதன் ஆட்டத்தை ரசித்தேன்
கவிதைக் குழந்தையின் பிரசவத்தை தள்ளிப்போட்டு,
விளையாடும் குழந்தைக்காக சிலையாகி அமர்ந்தேன்....!!!

**சிவா** · **சிவா** Fri May 21, 2010 5:48 pm

இயற்கை அன்னையின் வரமே கவிதை! கவிதைக்காக ரசிக்காமல், ரசித்ததற்காக எழுதப்பட்ட கவிதை வரிகள் மிகவும் நேர்த்தியானது!

இந்தக் காட்சி நடைபெற்றது தமிழகத்திலா அல்லது நைஜீரியாவிலா?

அப்புகுட்டி · அப்புகுட்டி Fri May 21, 2010 6:14 pm

சம்சுதீன் · சம்சுதீன் Fri May 21, 2010 6:16 pm

இயற்கை அன்னையின் கவிதை படைப்பு அருமை வரிகள் அமைந்தவிதம் அதைவிட அருமை விளையாடும் பிள்ளைக்காக....!!! 677196

sivag · sivag Fri May 21, 2010 6:16 pm

கடந்த மாதம் தமிழகம் வந்திருந்தபோது கண்டக் காட்சி. (நம்ம ஊர் மின் தடைதான் தெரியுமே உங்களுக்கு)முன்பே எழுதிவைத்தது.

செயற்கையாய் எத்தனைக் கிடைத்தாலும்...இயற்கையை ரசிப்பதில் கிடைக்கும் சுகத்துக்கு அளவே இல்லைங்க சிவா. 32 அங்குல எல்.சி.டி திரையில காட்சிகளைப் பார்க்கும்போது..கொஞ்ச நேரத்தில் அலுத்துவிடும்....ஆனால் சாளரவழிக் காணும் காட்சிகள் அலுப்பதே இல்லை.

முதல் பின்னூட்டமிட்டு உற்சாகமூட்டும் உங்களுக்கு மிக்க நன்றிங்க சிவா.

**சிவா** · **சிவா** Fri May 21, 2010 6:27 pm

sivag wrote:கடந்த மாதம் தமிழகம் வந்திருந்தபோது கண்டக் காட்சி. (நம்ம ஊர் மின் தடைதான் தெரியுமே உங்களுக்கு)முன்பே எழுதிவைத்தது.

செயற்கையாய் எத்தனைக் கிடைத்தாலும்...இயற்கையை ரசிப்பதில் கிடைக்கும் சுகத்துக்கு அளவே இல்லைங்க சிவா. 32 அங்குல எல்.சி.டி திரையில காட்சிகளைப் பார்க்கும்போது..கொஞ்ச நேரத்தில் அலுத்துவிடும்....ஆனால் சாளரவழிக் காணும் காட்சிகள் அலுப்பதே இல்லை.

முதல் பின்னூட்டமிட்டு உற்சாகமூட்டும் உங்களுக்கு மிக்க நன்றிங்க சிவா.

எப்பொழுது மனிதன் இயற்கைக் காட்சிகளில் மனதைப் பறிகொடுக்கிறானோ, அவன் மனம் முழுதும் மகிழ்ச்சி குடிகொண்டிருக்கிறது! அதிலும் அந்த இயற்கையை எழுத்தாக, கவிதையாக வடிக்கும் ஆற்றல் அனைவருக்கும் வாய்ப்பதில்லை! சில நிமிடக் காட்சிகளை தத்ரூபமாக என் மனக்கண் முன் நிகழ்ந்த சம்பவம் போல் வரைந்த ஆற்றலைக் கண்டு வியக்கிறேன்!

”செயற்கையாய் எத்தனைக் கிடைத்தாலும்...இயற்கையை
ரசிப்பதில் கிடைக்கும்
சுகத்துக்கு அளவே இல்லை”

அனைவரும் ஏற்றுக்கொள்ளும் கருத்து!

அலட்டல் அம்பலத்தார் · 29/04/2010

அதுசரிதான் ...

சரவணன் · சரவணன் Fri May 21, 2010 6:30 pm

sivag · sivag Fri May 21, 2010 6:32 pm

உங்கக் கைத்தட்டலுக்கு மிக்க நன்றிங்க அப்புக்குட்டி.

nicholas.domnic · nicholas.domnic Fri May 21, 2010 6:49 pm

sivag wrote:மின்சாரமில்லாத ஒரு முன்மாலை நேரம்
உடலும் மனமும் புழுங்க,
செயற்கைக் காற்றில்லா நிலையில்
இயற்கைக் காற்றுக்கேங்கி...
வந்தமர்ந்தேன் நிழல் மரத்தின் ஓரம்...!!
மலரத்துடிக்கும் அரும்புகள்
மலர்ந்த மலர்களில்
தேனீக்கள் செய்யும் குறும்புகள்
சுற்றித் திரிதல் முடிந்து
சுற்றம் சேர பறக்கும் பறவைகள்
வளர்ப்பவரின் வயிறு நிறைக்க
வளமான மடி சுரக்கும் கறவைகள்...!!

காணக் காண ஊறியது கவிதை வரிகள்
எழுதுகோலும் எண்ணங்களுமாய்
எழுத்தை விதைக்கத் தயாரானேன்....
எங்கிருந்தோ வந்த அணிலொன்று
என் இருப்பை அலட்சியம் செய்து
என்னருகே துள்ளிக் குதித்து விளையாடியது..

ஆழ்ந்த சிந்தனையில் அங்கமசையா நிலை கண்டு,
அச்சமின்றி விளையாடும் அணிலை
அச்சப்படுத்தி விரட்ட மனமின்றி,
அசையாமலிருந்து அதன் ஆட்டத்தை ரசித்தேன்
கவிதைக் குழந்தையின் பிரசவத்தை தள்ளிப்போட்டு,
விளையாடும் குழந்தைக்காக சிலையாகி அமர்ந்தேன்....!!!

சூப்பர்! சூப்பர் ! சூப்பெரோ சூப்பர்

விழி அசைக்காமல் படித்து ரசித்தேன்!
"
ஆழ்ந்த சிந்தனையில் அங்கமசையா நிலை கண்டு,
அச்சமின்றி விளையாடும் அணிலை
அச்சப்படுத்தி விரட்ட மனமின்றி,
அசையாமலிருந்து அதன் ஆட்டத்தை ரசித்தேன்"

கூண்டில் அடைத்து விலங்குகளை சித்ரவதை ( ரசிக்க ) செய்ய தெரிந்த மனிதர்களுக்கு
தன் இனம் சேர்ந்து ஆடி பாட விரும்பும் விலங்குகளை விடுதலை செய்து அதை ரசிக்க சொல்லித்தரும் இந்த வரிகள்.

Sponsored content · Sponsored content

விளையாடும் பிள்ளைக்காக....!!!

விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

Re: விளையாடும் பிள்ளைக்காக....!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக