கூர்கா லீக் கட்சி தலைவர் கொலை. மேற்குவங்கத்தில் பயங்கரம்

கோல்கட்டா: மேற்குவங்கத்தில் கூர்கா லீக் தலைவர் பொதுக்கூட்ட ஏற்பாட்டை மேற்பார்வையிட்டு கொண்டிருந்தபோது மர்ம நபர்களால் அடித்து கொலை செய்யப்பட்டார். வன்முறைக்காரர்களை கலைக்க போலீசார் துப்பாக்கிச்சூடு நடத்தினர். ஆந்திராவில் தனி மாநிலம் கோரி நடந்த போராட்டத்தை அடுத்து மேற்குவங்கம் பகுதியில் டார்ஜீலிங்கை மையமாக வைத்து கூர்கா இன மக்களுக்காக தனி மாநிலம் அமைக்க வேண்டும் என தூசி தட்டி போராட்டம் துவங்கப்பட்டது.

இந்த போராட்டம் எதிர்பார்த்த இலக்கை எட்ட முடியவில்லை. ஆந்திரா கிடப்பில் போடப்பட்டதும் , மேற்குவங்கத்திலும் போராட்டம் அமுங்கியது. ஆல் இந்திய கூர்கா லீக்கும் பல போராட்ட திட்டங்களை வகுத்தது. இந்நிலையில் இந்த அமைப்பின் தலைவர் மதன்தமாங் அடித்து கொல்லப்பப்டுள்ள சம்பவம் பெரும் பரபரப்பை ஏற்படுத்தியுள்ளன. பாதுகாப்பு பணியில் இருந்த போலீசாரால் வன்முறைக்காரர்கள் யாரையும் பிடிக்க முடியவில்லை.

டார்ஜீலிங் டவுணில் தனி மாநில பிரிப்பு தொடர்பாக ஒரு பொதுக்கூட்ட நிகழ்ச்சி மேடை அமைக்கும் பணியை பார்வையிட்டு கொண்டிருந்தார். இந்நேரத்தில் 10 க்கும் மேற்பட்ட ஒரு கும்பல் அங்கிருந்தவர்களிடம் தகராறு செய்தது. பின்னர் அங்கிருந்தவர்களை தாக்கியது. இதனையடுத்து போலீசார் துப்பாக்கிச்சூடு நடத்தினர். ஆனாலும் வன்முறைக்கும்பல் தலைவர் தமாங்கை குறி வைத்து தாக்கினர். கூர்மையான ஆயுதங்கள் வைத்தும் கொடுங்காயப்படுத்தினர். இதில் உயிருக்கு போராடிய நிலையில் போலீசார் மருத்துவமனைக்கு கொண்டு சென்றனர். ஆனால் அவரது உயிர் பிரிந்தது.

தனி மாநிலம் அமைப்பதில் இங்குள்ள கூர்கா ஜனமுக்திமோர்ச்சா அமைப்பினருடன் கருத்து வேறுபாடு இருந்து வந்தது.இதனால் இந்த கட்சியின் தொண்டர்கள் தமாங்கை கொலை செய்திருக்கலாம் என கூறப்படுகிறது. இவரது கொலையை அடுத்து இப்பகுதியில் கடைகள் அடைக்கப்பட்டன. தொடர்ந்து பதட்டம் நிலவுகிறது.