டி20: இங்கிலாந்துக்கு கோப்பை

ரபீக் · ரபீக் Mon May 17, 2010 11:42 am

First topic message reminder :

டி20: இங்கிலாந்துக்கு கோப்பை - Page 2 17spt5

பார்படாஸ், மே 16: இருபது ஓவர் உலகக் கோப்பை கிரிக்கெட் போட்டியில் இங்கிலாந்து 7 விக்கெட் வித்தியாசத்தில் வெற்றிபெற்று, முதல்முறையாக கோப்பையை தட்டிச்சென்றது.
மேற்கிந்தியத் தீவுகள், பார்படாஸில் ஞாயிற்றுக்கிழமை இறுதிப் போட்டி நடைபெற்றது. இதில் இங்கிலாந்தும், ஆஸ்திரேலியாவும் மோதின. முதலில் ஆடிய ஆஸ்திரேலியா 20 ஓவர்களில் 6 விக்கெட் இழப்புக்கு 147 ரன்கள் எடுத்தது. பின்னர் ஆடிய இங்கிலாந்து 17 ஓவர்களில் 3 விக்கெட் இழப்புக்கு 148 ரன்கள் எடுத்து வெற்றிபெற்றது.
டாஸ் வென்ற இங்கிலாந்து, ஆஸ்திரேலியாவை பேட் செய்ய அழைத்தது. முதல் ஓவரே ஆஸ்திரேலியாவுக்கு அதிர்ச்சியாக அமைந்தது. அந்த அணியின் வாட்சன் 2 ரன்கள் எடுத்திருந்தபோது சைட்பாட்டம் பந்தில் அவுட்டானார். அதற்கு அடுத்த ஓவரில் வார்னர் 2 ரன்களுக்கு அவுட்டானார். 3வது ஓவரில் ஹாடின் ஒரு ரன்கள் எடுத்திருந்தபோது சைட்பாட்டம் பந்தில் கேட்ச் கொடுத்து அவுட்டானார். ஆஸ்திரேலியா 9.2 ஓவர்களில் 45 ரன்கள் எடுத்திருந்தபோது கிளார்க் 27 ரன்களில் அவுட்டானார். வொய்ட் 30 ரன்களுக்கு அவுட்டானார். பின்னர் ஹஸியுடன் அவரது சகோதரர் மைக்கேல் ஹஸி ஜோடி சேர்ந்து இங்கிலாந்து பந்துவீச்சை விளாசினர். டேவிட் ஹஸி 59 ரன்களுக்கு அவுட்டானார்.
பின்னர் ஆட்டத்தைத் தொடங்கிய இங்கிலாந்தின் லம்ப் 2 ரன்களில் அவுட்டானார். அதன் பிறகு கீஸ்வெட்டரும், பீட்டர்சனும் ஜோடி சேர்ந்து புயல் வேகத்தில் ரன்களைக் குவித்து அணிக்கு எளிதான வெற்றியைப் பெற்றுத் தந்தனர். கீஸ்வெட்டர் 49 பந்துகளில் 63 ரன்களும், பீட்டர்சன் 31 பந்துகளில் 47 ரன்களும் எடுத்து அவுட்டாயினர். ஆட்டமுடிவில் காலிங்வுட் 12 ரன்களுடனும், மோர்கன் 15 ரன்களுடனும் களத்தில் இருந்தபோது இங்கிலாந்து வெற்றிபெற்று கோப்பையைத் தட்டிச் சென்றது. இங்கிலாந்து வீரர் கீஸ்வெட்டர் ஆட்டநாயகனாக அறிவிக்கப்பட்டார். போட்டித் தொடரில் ஒட்டுமொத்தமாக 248 ரன்கள் எடுத்த இங்கிலாந்து வீரர் பீட்டர்சன் தொடர் நாயகனாக அறிவிக்கப்பட்டார்.
÷சுருக்கமான ஸ்கோர்: ஆஸ்திரேலியா 147-6 (டேவிட் ஹஸி 59, வொய்ட் 30, சைட்பாட்டம் 2-26); இங்கிலாந்து 148-3 (கீஸ்வெட்டர் 63, பீட்டர்சன் 47, ஸ்மித் 1-21).

சரவணன் · சரவணன் Mon May 17, 2010 3:31 pm

இந்த முறையாவது வாங்கினாங்களே!
வாழ்த்துகள் இங்கிலாந்து டீமுக்கு.

ரமீஸ் · ரமீஸ் Mon May 17, 2010 3:35 pm

சிவா wrote:வெற்றி வீரர்களுக்கு வாழ்த்துகள்!

அப்புகுட்டி · அப்புகுட்டி Mon May 17, 2010 4:09 pm

ஹனி wrote:
இங்கிலாந்துதான் கப் தூக்க வேண்டும் என்று நாங்கள் இறைவனை வேண்டினோம்.

Sponsored content · Sponsored content

டி20: இங்கிலாந்துக்கு கோப்பை