நாம் பேசும் போது என்ன நடக்கிறது?

ஒருவருக்கொருவர் தொடர்பு கொள்ள, தகவல் பரிமாற்றம் செய்துக் கொள்ள மிக அவசியமானது செல் போன். நாம் பேசுவதற்கும் குரல் எழுப்புவதற்கும் மிக முக்கியமானது குரல்வளை என்ற பகுதி. தொண்டைக்குள் குரல்வளை அமைந்திருக்கிறது. குரல்வளையை பார்ப்பதற்கு டாக்டர்கள் தனியாக ஒரு கண்ணாடி வைத்திருக்கின்றனர். நாக்கை வெளியே இழுத்து பிடித்தபடி இந்த கண்ணாடியை வாயினுள் தொண்டை அருகே வைத்துப் பார்த்தால் கண்ணாடி வழியாக குரல் வளையை பார்க்க முடியும்.



நமது மூச்சுக் குரலில் சுவாசப் பாதையும் உணவுப் பாதையும் சேரும் இடத்தில்தான் இந்த குரல்வளை இருக்கிறது. குரல் வளையில் இருக்கும் முக்கியமான பகுதி குரல்நாண். இதனுடைய அசைவினால்தான் ஒலி உண்டாகிறது. குரல் வருகிறது. நமது குரல் வளையில் இரண்டு குரல் நாண்கள் இருக்கின்றன. இது இரண்டும் சேர்ந்திருக்கும் போது காற்றோ வேறு எந்த உணவுப் பொருளோ உள்ளேயோ வெளியேயோ போக முடியாது. இது பிரிந்து வழி விட்டால்தான் நம்மால் பேச முடியும். குரல்வளை வெறும் சப்தத்தை உண்டாக்குகின்ற வேலையை மட்டும் செய்யவில்லை.
சுவாசக்குழாயில் காற்றை உள்ளே அனுப்புவது, சாப்பிடும் போது உணவுக்குழாயில் போகிற பொருட்கள் சுவாசப்பாதைக்குள் வராமல் தடுப்பது போன்ற மிக மிக முக்கியமானவைகளையும் கவனித்து கொள்கிறது. அது மட்டுமல்லாமல், “தம்’பிடித்து கனமான பொருட்களை தூக்கும்போது நுரையீரலில் உள்ள காற்றை வெளியேறாமல் பிடித்து வைப்பதும் குரல் வளையில் உள்ள இந்த குரல் நாண்கள்தான். நாம் பேசும்போது, என்ன நடக்கிறது என்றால் முதலில் வயிற்றுப்பகுதி அழுத்தி நுரையீரலில் உள்ள காற்று வெளியேறுகிறது.



இது முதல் கட்டம். குரல்வளையில் உள்ள நாண்கள் எழுப்ப வேண்டிய குரலுக்கு ஏற்றபடி விலகி வழி விட்டு ஒலியை உண்டாக்குகிறது. இது இரண்டாவது கட்டம். குரல் வளையில் இருந்து வெளியாகிற ஒலி அளவு மிகக் குறைவாக, கேட்க முடியாத சத்தத்தில் இருக்கும். இதைவிட கூடுதலாக குரலை உயர்த்தி குரலை மென்மையாக்கி ஒரு ஆம்ப்ளிபயர் போல் வேலை செய்யப்படுவதுதான் மூன்றாவது கட்டம். வாய், கன்னம், தொண்டை, டான்சில், மூக்கு, சைனஸ் அறைகள் ஆகிய பகுதிகள்தான் ஆம்ப்ளிபயராக வேலை செய்கிறது. ஏற்ற இறக்கமாக பேசுவது, கோபமாக கத்துவது, ரகசியம் பேசுவது, பாடுவது, மற்றவர்களைப் போல், “மிமிக்ரி’ செய்து பேசுவது ஆகிய எல்லாமே குரல் வளையில் இருக்கும் குரல் நாண்கள் மற்றும் ஆம்ப்ளிபயரின் கூட்டு முயற்சிதான்.

குரல் வளையில் ஒரு சின்ன பிரச்னை ஏற்பட்டாலும் உடனே தெரிந்துவிடும். தொண்டைக் கட்டிக் கொள்வது, குரல் மாற்றம், பேசும்போது தொண்டைவலி, விழுங்கும்போது வலி என்று ஏற்படும் எல்லாமே குரல் வளையின் பாதிப்பில் ஏற்படும் கோளாறுதான்

அருமையான பகிர்வுக்கு அன்பு நன்றிகள்....

அறியவேண்டிய தகவல்கள் .. நன்றி நண்பரே...

கட்டுரைக்கேற்ற அழகிய பட விளக்கம் இட்டமைக்கு அன்பு நன்றிகள் கலை....