நடுவரின் முடிவுக்கு எதிர்ப்பு: ரோகித் சர்மாவுக்கு அபராதம்

ரபீக் · ரபீக் Wed May 12, 2010 3:49 pm

வெஸ்ட்இண்டீசுக்கு எதிரான ஆட்டத்தில் இந்தியா 14 ரன்னில் தோற்றது. இந்த ஆட்டத்தில் நடுவரின் முடிவுக்கு ரோகித் சர்மா ஆட்சேபம் தெரிவித்தார்.

ரோகித் சர்மா பந்தை எதிர்கொண்டபோது கையூறையில் பட்டு கேட்ச் பிடிக்கப்பட்டது. நியூசிலாந்து நடுவர், பில்லி பவுடன் இதற்கு அவுட் கொடுத்தார்.

ஆனால் ரோகித்சர்மா நடுவரின் முடிவை ஏற்க மறுத்தார். பந்து கையில் பட்டு சென்றதாகவும், 3-வது நடுவரிடம் (டெலிவிஷன் அம்பயர்) கேட்டு முடிவை தெரிவிக்குமாறும் அவர் சைகையால் கேட்டுக் கொண்டார்.

இதை நடுவர் பில்லி பவுடன் கேட்கவில்லை. நடுவரின் முடிவுக்கு எதிர்ப்பு தெரிவித்து 3-வது நடுவரிடம் அப்பீல் கேட்கும் முறை இந்தப் போட்டிக்கு கிடையாது. இது தெரியாமல் ரோகித்சர்மா அப்படி நடந்து கொண்டது ஆச்சரியமானது.

ரோகித் சர்மாவின் இந்த செயல் வீரர்களின் நடத்தை விதிமுறைகளை மீறிய செயலாகும். இதற்காக அவருக்கு போட்டி நடுவர் ஜெய்குரோவ் அபராதம் விதித்தார். போட்டியில் இருந்து பெற்ற பணத்தில் 15 சதவீதம் அபராதமாக விதிக்கப்பட்டது.