இளமையோடு ஒரு பழைய காதல்

ஜாவிட் ரயிஸ் · ஜாவிட் ரயிஸ் Wed May 12, 2010 2:10 pm

இன்றோ நாளையோ
இறக்கவிருக்கும் மரங்களில்
இளமையோடு துளிர்க்கும்
மலர் சிசுக்களாய்...
புதுப்புது எதிர்பார்ப்புகளோடும்
விடை தெரியா கேள்விகளோடும்
என் கிழட்டுக் காதல்;
◙

தள்ளாடித் தள்ளாடித்
தேடுகின்றேன்
தொலைந்து போன
பழைய நினைவுகளை...
◙

அந்த மரத்தில் தானே
செதுக்கினோம்
உன் பெயரை நானும்...
என் பெயரை நீயும்...?

எம்மைப் போலவே- காலம்
மரத்தையும் விட்டுவைதில்லை
நரைத்த தலையுடன்
நின்றிருக்கிறது.
◙

புதுப்புது காதல் தடங்களை
தாங்கியிருக்கிறது
படுத்துறங்கிய புல்வெளி!
◙

இந்த இடத்தில் தானே
கைக்கோர்த்து நடைபயின்றோம் ?
ஆமாம்!
இதே இடம் தான்!

இருமருங்கிலும் எழுந்து நின்று
நிழல் பாய் விரித்து
காதலர்களை வரவேற்கும்
பெயர் தெரியா இம்மரங்கள்
"அவள் எங்கே?"
உன்னை தான் விசாரிக்கின்றன
◙

இந்த மரங்களுக்கு
நினைவிருக்கும் நம் காதல்
உனக்கு நினைவிருக்குமோ?
◙

நீ பற்றியிருந்த என் கரங்களில்
தொற்றியிருக்கும்
என் பேரனின் குரல்
இழுத்தெடுக்கிறது என்னை
மீண்டும் நிகழ்காலத்துக்கு
"தாத்தா நேரமாகிவிட்டது
பாட்டி தேடுவாங்க"
◙

என் கேள்விக்கு இல்லாவிட்டாலும்
அந்த மரங்களின் கேள்விக்காவது
விடை சொல்
"நீ எங்கே இருக்கிறாய்?"

.

அன்பு தளபதி · அன்பு தளபதி Wed May 12, 2010 2:29 pm

அருமை ஜாவித் அழகான கவிதை

இந்த பதிவைத் துவங்கியவர் நன்றி கூறியுள்ளார் அன்பு தளபதி

ஹாசிம் · ஹாசிம் Wed May 12, 2010 3:19 pm

அருமையான வரிகள் நண்பா அசத்தல் ஆரம்பம் இளமையோடு ஒரு பழைய காதல் 677196

கீர்த்தனா · கீர்த்தனா Wed May 12, 2010 3:32 pm

அட்டகாசம் நண்பரே , புகைப்படம் பேராதனைப் பூங்கா தானே ?

உதயசுதா · உதயசுதா Wed May 12, 2010 3:40 pm

அருமையான வரிகள் ஜாவிட்.vaalththukal

அப்புகுட்டி · அப்புகுட்டி Wed May 12, 2010 4:28 pm

இன்னும் தொடருங்கள் அருமை சிறப்பாக உள்ளது

மஞ்சுபாஷிணி · மஞ்சுபாஷிணி Wed May 12, 2010 4:35 pm

நினைவுகள் என்றுமே நம்மை உயிர்ப்பிப்பவை...

அதுவும் காதல் நினைவுகள் என்றால் முடிவில்லாதபடி பயணித்துக்கொண்டே இருப்போம் நினைவலையில்...

முதுமையில் கூட காதல் மறைந்துபோவதில்லை... அசாதாரண அன்பு மட்டுமே அதில் ஆழ்ந்து இருக்கும்....

மிக அழகிய வரிகள் ஜாவித்....

அன்பு பாராட்டுக்கள்..

**ரிபாஸ்** · **ரிபாஸ்** Wed May 12, 2010 4:38 pm

சூப்பர் நண்பா அருமையான வரிகள் அனைத்தும்

ஜாவிட் ரயிஸ் · ஜாவிட் ரயிஸ் Wed May 12, 2010 4:56 pm

தனித்தனியாக நன்று சொல்ல நேரம் இடம் கொடுக்காது.... பின்னூட்டம் அளித்த
எல்லா சொந்தங்களுக்கும் அன்பான நன்றிகள்!

ஜாவிட் ரயிஸ் · ஜாவிட் ரயிஸ் Wed May 12, 2010 4:59 pm

தமிழ்ப் ப்ரியா wrote:அட்டகாசம் நண்பரே , புகைப்படம் பேராதனைப் பூங்கா தானே ?

(இப்பிடி மாட்டி விடற கேள்வி கேட்பீர்கள் என்று எதிர்பார்கவே இல்லை...
தமிழ்ப்ரியா.... )
ஆம்... பேராதனை பூங்கா தான்

Sponsored content · Sponsored content

இளமையோடு ஒரு பழைய காதல்

இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

Re: இளமையோடு ஒரு பழைய காதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக