குறுந்தொகை

**சிவா** · **சிவா** Mon 6 Oct 2008 - 2:33

First topic message reminder :

கடவுள் வாழ்த்து

தாமரை புரையுங் காமர் சேவடிப்
பவழத் தன்ன மேனித் திகழொளிக்
குன்றி யேய்க்கும் உடுக்கைக் குன்றின்
நெஞ்சுபக எறிந்த அஞ்சுடர் நெடுவேற்
சேவலங் கொடியோன் காப்ப
ஏம வைகல் எய்தின்றால் உலகே.

-பாரதம் பாடிய பெருந்தேவனார்.

**சிவா** · **சிவா** Mon 6 Oct 2008 - 2:59

126. முல்லை - தலைவி கூற்று

இளமை பாரார் வளநசைஇச் சென்றோர்
இவணும் வாரார் எவண ரோவெனப்
பெயல்புறந் தந்த பூங்கொடி முல்லைத்
தொகுமுகை இலங்கெயி றாக
நகுமே தோழி நறுந்தண் காரே.

-ஒக்கூர் மாசாத்தியார்.

**சிவா** · **சிவா** Mon 6 Oct 2008 - 2:59

131. பாலை - தலைவன் கூற்று

ஆடமை புரையும் வனப்பிற் பணைத்தோள்
பேரமர்க் கண்ணி யிருந்த ஊரே
நெடுஞ்சேண் ஆரிடை யதுவே நெஞ்சே
ஈரம் பட்ட செவ்விப் பைம்புனத்து
ஓரேர் உழவன் போலப்
பெருவிதுப் புற்றன்றால் நோகோ யானே.

-ஒரேருழவனார்.

**சிவா** · **சிவா** Mon 6 Oct 2008 - 3:00

132. குறிஞ்சி - தலைவன் கூற்று

கவவுக் கடுங்குரையள் காமர் வனப்பினள்
குவவுமென் முலையள் கொடிக்கூந் தலளே
யாங்குமறந் தமைகோ யானே ஞாங்கர்க்
கடுஞ்சுரை நல்லா னடுங்குதலைக் குழவி
தாய்காண் விருப்பி னன்ன
சாஅய்நோக் கினளே மாஅ யோளே.

-சிறைக்குடியாந்தையார்.

**சிவா** · **சிவா** Mon 6 Oct 2008 - 3:00

133. குறிஞ்சி - தலைவி கூற்று

புனவன் துடவைப் பொன்போற் சிறுதினை
கிளிகுறைத் துண்ட கூழை யிருவி
பெரும்பெய லுண்மையி னிலையொலித் தாங்கென்
உரஞ் செத்தும் உளெனே தோழியென்
நலம்புதி துண்ட புலம்பி னானே.

-உறையூர் முதுகண்ணன் சாத்தனார்.

**சிவா** · **சிவா** Mon 6 Oct 2008 - 3:00

134. குறிஞ்சி - தலைவி கூற்று

அம்ம வாழி தோழி நம்மொடு
பிரிவின் றாயின் நன்றுமற் றில்ல
குறும்பொறைத் தடைஇய நெடுந்தாள் வேங்கைப்
பூவுடை அலங்குசினை புலம்பத் தாக்கிக்
கல்பொரு திரங்கும் கதழ்வீழ் அருவி
நிலங்கொள் பாம்பின் இழிதரும்
விலங்குமலை நாடனொடு கலந்த நட்பே.

-கோவேங்கைப் பெருங்கதவனார்.

**சிவா** · **சிவா** Mon 6 Oct 2008 - 3:00

135. பாலை - தோழி கூற்று

வினையே ஆடவர்க் குயிரே வாணுதல்
மனையுறை மகளிர்க் காடவர் உயிரென
நமக்குரைத் தோருந் தாமே
அழாஅல் தோழி அழுங்குவர் செலவே.

-பாலைபாடிய பெருங் கடுங்கோ.

**சிவா** · **சிவா** Mon 6 Oct 2008 - 3:00

136. குறிஞ்சி - தலைவன் கூற்று

காமங் காமம் என்ப காமம்
அணங்கும் பிணியும் அன்றே நுணங்கிக்
கடுத்தலுந் தணிதலும் இன்றே யானை
குளகுமென் றாள்மதம் போலப்
பாணியும் உடைத்தது காணுநர்ப் பெறினே.

-மிளைப்பெருங் கந்தனார்.

**சிவா** · **சிவா** Mon 6 Oct 2008 - 3:01

137. பாலை - தலைவன் கூற்று

மெல்லியல் அரிவைநின் னல்லகம் புலம்ப
நிற்றுறந் தமைகுவெ னாயின் எற்றுறந்
திரவலர் வாரா வைகல்
பலவா குகயான் செலவுறு தகவே.

-பாலை பாடிய பெருங் கடுங்கோ.

**சிவா** · **சிவா** Mon 6 Oct 2008 - 3:01

138. மருதம் - தோழி கூற்று

கொன்னூர் துஞ்சினும் யாந்துஞ் சலமே
எம்மி லயல தேழி லும்பர்
மயிலடி யிலைய மாக்குர னொச்சி
அணிமிகு மென்கொம் பூழ்த்த
மணிமருள் பூவின் பாடுநனி கேட்டே.

-கொல்லன் அழிசி.

**சிவா** · **சிவா** Mon 6 Oct 2008 - 3:01

139. மருதம் - தோழி கூற்று

மனையுறை கோழிக் குறுங்காற் பேடை
வேலி வெருகின மாலை யுற்றெனப்
புகுமிட னறியாது தொகுபுடன் குழீஇய
பைதற் பிள்ளைக் கிளைபயிர்ந் தாஅங்
கின்னா திசைக்கும் அம்பலொடு
வாரல் வாழிய ரையவெந் தெருவே.

-ஒக்கூர் மாசாத்தியார்.

Sponsored content · Sponsored content

குறுந்தொகை

குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

Re: குறுந்தொகை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக