ஆசியாவில் நம்பர் 1 கோடீஸ்வர அன்னையரில் சாவித்திரிக்கு 4வது இடம்

**சிவா** · **சிவா** Sun May 09, 2010 10:26 am

ஹூஸ்டன்: ஜிண்டால் ஸ்டீல் குழுமத்தின் தலைவரான சாவித்ரி ஜிண்டால், உலக அளவில் முதல் 5 கோடீஸ்வர அன்னையர் பட்டியலில் இடம்பிடித்துள்ளார். இதை போர்ப்ஸ் பட்டியல் தெரிவிக்கிறது.

உலகம் முழுவதும் முதல் 70 பெண் கோடீஸ்வரர்கள் பற்றிய விவரங்களை சர்வதேச பொருளாதார பத்திரிகையான போர்ப்ஸ் வெளியிட்டுள்ளது. சர்வதேச அன்னையர் தினத்தை முன்னிட்டு வெளியான அதில், டாப் 5 கோடீஸ்வர அன்னையரை அது வரிசைப்படுத்தி உள்ளது.

அதன்படி, சூப்பர் மார்க்கெட் செயின் நிறுவனமான வால்மார்ட் தலைவர் கிறிஸ்டி வால்டன் முதலிடம் பெற்றார். சாம் வாட்சன் என்பவர் தொடங்கிய வால்மார்ட், சாம் இறந்ததும் அவரது ஒரே மகனான ஜான் வாட்சனிடம் வந்தது. அவர் மறைந்ததும் ஜானின் மனைவி கிறிஸ்டி அதை நிர்வகிக்கிறார்.

கிறிஸ்டியின் சொத்து மதிப்பு ரூ.1.01 லட்சம் கோடி. பிரான்ஸ் நாட்டைச் சேர்ந்த அழகு சாதன தயாரிப்பு நிறுவனமான லோரியல் தலைவர் லிலியன் பெட்டன்கோர்ட் 2வது இடத்தில் உள்ளார். சுவீடனை சேர்ந்த டெட்ரா லாவல் நிறுவன தலைவர் பீர்கித் ரவுசிங் 3வது இடம் பிடித்தார். 4வது இடத்தில் ஜிண்டால் குழுமத் தலைவர் சாவித்ரி உள்ளார். அவரது சொத்து மதிப்பு ரூ.54,900 கோடி. அவருக்கு 9 குழந்தைகள்.

உலக பெண் கோடீஸ்வரர்கள் பட்டியலில் 44வது இடம் வகிக்கும் சாவித்ரி ஜிண்டால், ஆசிய பணக்காரப் பெண்களில் முதலிடம் வகிக்கிறார். அவரது ஸ்டீல் குழுமம், ஸ்டீல் உற்பத்தி, கச்சா இரும்பு கொள்முதல், இரும்பு சுரங்க வர்த்தகம் ஆகியவற்றில் ஈடுபட்டுள்ளது. 20 உற்பத்தி நிறுவனங்கள் உள்ளன.

சமீபத்தில் ஜிண்டால் குழுமம், பொலிவியா, சிலி நாடுகளில் இரும்பு சுரங்கங்களை வாங்கியது. 60 வயதான சாவித்ரி ஜிண்டால் தலைமையில் உள்ள நிறுவனங்களை அவரது 4 மகன்கள் நிர்வகித்து வருகின்றனர்.

ஆசியாவில் நம்பர் 1 கோடீஸ்வர அன்னையரில் சாவித்திரிக்கு 4வது இடம்

ஆசியாவில் நம்பர் 1 கோடீஸ்வர அன்னையரில் சாவித்திரிக்கு 4வது இடம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக