நீ வந்தால்...............

பாரதிப்பிரியன் · 08/04/2010

நீ வந்தால்
என்னிடத்தில் ஒரு நடுக்கம்,
உன்னைத்தவிர வேறு எவரையும் நினைக்கக்கூட
முடிவதில்லை,
என் உள்ளத்து ஆசைகளைக் கூடக் கொல்கிறாய்,
மாந்தர்களுடன் சினம் கொள்ளச் செய்கிறாய்,
மானமுள்ள மனிதனா நான் என்று
என்னைக் கேட்க வைக்கின்றாய்,
என்னுடன் நானே போராடும் சம்பவம்
உன்னால்தானே அரங்கேறியது,

நீ வந்தால்
என் வயிற்றினில் ஏதோ ஒரு குழப்பம்,
கண்களில் ஏதோ மயக்கம்,
வீதியில் நடமாட என்னை நீ விடுவதில்லை,
தள்ளாடும் என் நிலையை உருவாக்கியது நீதானே,
உன்னால் தானே ஊரவர் பலர்
சண்டையிட்டு மடிந்தனர்,
உனக்காகத் தானே உலகமே உருள்கிறது,

நீ வந்தால்
என் நாவிற்கொரு ஏக்கம்,
என் உயிருக்கும் கூட வாட்டம்,
பத்து நாள் கூடி இருந்தால்
உயிரையே போக்கும் நீ
முதலாளித்துவ வர்க்கத்துடன்
ஏன் சேர்வதில்லை?
ஏழைகள்மீது அளவற்ற பாசமா?

நீ வந்தால்
பத்தும் பறந்திடச் செய்திடுவாய்,
எங்கிருந்தோ உண்டி வாசம் வந்திடின்,
தண்டித்து மேலும் எம்மை வாட்டுவாய்,
நல் சுவை உணவு உண்டால்
தறிகெட்டு என்னை விட்டு ஓடிடுவாய்...
பசி என்னும் அரக்கனே...

**இளமாறன்** · **இளமாறன்** Wed May 05, 2010 1:29 am

அருமை அருமை நீ வந்தால்............... 677196

பசியில் மதி மயங்காத மனிதர்கள் இல்லையே

அப்புகுட்டி · அப்புகுட்டி Wed May 05, 2010 1:52 am

அருமை அருமை தொடருங்கள் பிரியன்.

பாரதிப்பிரியன் · 08/04/2010

இளமாறன் wrote:அருமை அருமை

பசியில் மதி மயங்காத மனிதர்கள் இல்லையே

நன்றி நண்பரே...

பாரதிப்பிரியன் · 08/04/2010

அப்புகுட்டி wrote:அருமை அருமை தொடருங்கள் பிரியன்.

நன்றி தோழா...

கலைவேந்தன் · கலைவேந்தன் Thu May 06, 2010 11:11 pm

மிக மிக மிக உன்னதமான கவிதை பாரதிப்பிரியன்..

நீளம் சற்றே குறைந்தால் இன்னும் சிறப்பாக இருக்கும் என்று நினைக்கிறேன்...

பாராட்டுக்கள் தம்பி...! நீ வந்தால்............... 678642

ரமீஸ் · ரமீஸ் Thu May 06, 2010 11:15 pm

இளமாறன் wrote:அருமை அருமை

பசியில் மதி மயங்காத மனிதர்கள் இல்லையே

இந்த பதிவைத் துவங்கியவர் நன்றி கூறியுள்ளார் ரமீஸ்

பாரதிப்பிரியன் · 08/04/2010

கலை wrote:மிக மிக மிக உன்னதமான கவிதை பாரதிப்பிரியன்..

நீளம் சற்றே குறைந்தால் இன்னும் சிறப்பாக இருக்கும் என்று நினைக்கிறேன்...

பாராட்டுக்கள் தம்பி...!

நன்றி அண்ணா, நான் கவிதை எழுதுவதில் ஒரு கைக்குழந்தை - எனவே தங்கள் போன்றவர்களின் விமர்சனங்களால் மேன்மேலும் குழந்தை தவழும் என நினைக்கிறேன்...நன்றி...இந்தக் குறைபாட்டை இயன்றவரையில் தவிர்கின்றேன்...

பாரதிப்பிரியன் · 08/04/2010

mhmramees wrote:
இளமாறன் wrote:அருமை அருமை

பசியில் மதி மயங்காத மனிதர்கள் இல்லையே

Malaimagal · Malaimagal Sat May 08, 2010 3:57 am

அப்பப்பா…மிகவும் அழகான கவிதை…பசியின் கொடுமையை
அழகாகவே வடித்துள்ளீர்கள்….ஆரம்பத்தில் புரியாதபடி ஆரம்பித்து
இறுதியில் முடித்தவிதம் சிறப்பு…கவியின் நகர்வு எனக்கு மிகவும்
பிடிச்சுள்ளது…நன்றியுடன் பாராட்டுக்களும்…

Sponsored content · Sponsored content

நீ வந்தால்...............

நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

Re: நீ வந்தால்...............

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக