9ம் வகுப்பு பெயிலாகிய போலி டாக்டர் கைது

First topic message reminder :

திருச்சி : திருச்சியில், ஒன்பதாம் வகுப்பு பெயிலாகி, 'கிளினிக்' நடத்தி வந்த போலி டாக்டரை போலீசார் கைது செய்தனர்.

திருச்சி ஜீவாநகர் அண்ணா தெருவைச் சேர்ந்தவர் ஜாகீர் உசேன்(28). இவர், நான்கு மாதங்களுக்கு முன், அண்ணாதெருவில் உள்ள தன் வீட்டுக்கு பக்கத்தில், 'பாரத் கிளினிக்' என்ற மருத்துவமனையை ஆரம்பித்தார். எம்.பி.பி.எஸ்., எம்.டி., எப்.ஆர்.சி.எச்., ஆகிய படிப்புகள் படித்துள்ளதாக, தன் கிளினிக் முன் பெயர்ப்பலகை வைத்திருந்தார். இவரிடம், தினமும் 50க்கும் மேற்பட்டோர் சிகிச்சைக்காக வந்து சென்றனர். ஜாகீர் உசேன் உண்மையான டாக்டர்தானா என்பது குறித்து சிலருக்கு சந்தேகம் எழுந்தது. இதுகுறித்து, மகளிர் சுயஉதவிக்குழுக்கள் சார்பில் புகார் செய்யப்பட்டது. தனிப்படை அமைத்து மாநகர போலீசார் ஜாகீர் உசேனை கண்காணித்தனர். அதில், அவர் போலி சான்றிதழ் மூலம் டாக்டராகியுள்ளது தெரிந்தது.

நேற்று முன்தினம் இரவு 10 மணியளவில், ஜாகீர் உசேன் கிளினிக்கிற்கு சென்ற போலீசார், அங்கு சிகிச்சை அளித்துக் கொண்டிருந்த ஜாகீர் உசேனிடம் விசாரணை நடத்தினர். விசாரணையில், அவர் போலி டாக்டர் என்பது உறுதி செய்யப்பட்டதால் கைது செய்தனர். அவரிடம் நடத்திய விசாரணையில் தெரியவந்ததாவது: பாலக்கரையில் உள்ள சையத் முர்துசா பள்ளியில் ஒன்பதாம் வகுப்பு வரை படித்து பெயிலாகியுள்ளார். பின், திருச்சியிலிருந்து மேற்கு வங்கம் சென்று, ஒரு டாக்டரிடம் தொழில் கற்றுக் கொண்டு, அங்குள்ள இந்திய மாற்று மருந்து ஆராய்ச்சி மையம் பெயரில் போலியாக தயாரிக்கப் பட்ட டாக்டர் படிப்புக்கான சான்றிதழ் வாங்கியுள்ளார். ஓராண்டுக்கு முன் திருச்சி திரும்பிய அவர், தான் டாக்டருக்கு படித்துள்ளதாக அனைவரிடமும் கூறி, நத்தர்ஷா பள்ளி வாசல் அருகே பாரத் கிளினிக்கை துவக்கியுள்ளார். ஏழு மாதங்களுக்கு முன் பெரம்பலூர் மாவட்டத்தைச் சேர்ந்த அபு என்ற பெண்ணை திருமணம் செய்தார். அதன்பின், நத்தர்ஷா பள்ளிவாசலில் இருந்த கிளினிக்கை, நான்கு மாதங்களுக்கு முன், வீட்டுக்கு பக்கத்திலேயே மாற்றினார். இவ்வாறு விசாரணையில் தெரிந்தது.

maniajith007 wrote:முதலில் படித்த மருத்துவருக்கும் போலி மருத்துவருக்கும் உள்ள வேற்பாடு என்ன எல்ல மருத்துவரும் சான்றிதழை காட்டுவதில்லை