நீ வந்தால்...............

பாரதிப்பிரியன் · 08/04/2010

First topic message reminder :

நீ வந்தால்
என்னிடத்தில் ஒரு நடுக்கம்,
உன்னைத்தவிர வேறு எவரையும் நினைக்கக்கூட
முடிவதில்லை,
என் உள்ளத்து ஆசைகளைக் கூடக் கொல்கிறாய்,
மாந்தர்களுடன் சினம் கொள்ளச் செய்கிறாய்,
மானமுள்ள மனிதனா நான் என்று
என்னைக் கேட்க வைக்கின்றாய்,
என்னுடன் நானே போராடும் சம்பவம்
உன்னால்தானே அரங்கேறியது,

நீ வந்தால்
என் வயிற்றினில் ஏதோ ஒரு குழப்பம்,
கண்களில் ஏதோ மயக்கம்,
வீதியில் நடமாட என்னை நீ விடுவதில்லை,
தள்ளாடும் என் நிலையை உருவாக்கியது நீதானே,
உன்னால் தானே ஊரவர் பலர்
சண்டையிட்டு மடிந்தனர்,
உனக்காகத் தானே உலகமே உருள்கிறது,

நீ வந்தால்
என் நாவிற்கொரு ஏக்கம்,
என் உயிருக்கும் கூட வாட்டம்,
பத்து நாள் கூடி இருந்தால்
உயிரையே போக்கும் நீ
முதலாளித்துவ வர்க்கத்துடன்
ஏன் சேர்வதில்லை?
ஏழைகள்மீது அளவற்ற பாசமா?

நீ வந்தால்
பத்தும் பறந்திடச் செய்திடுவாய்,
எங்கிருந்தோ உண்டி வாசம் வந்திடின்,
தண்டித்து மேலும் எம்மை வாட்டுவாய்,
நல் சுவை உணவு உண்டால்
தறிகெட்டு என்னை விட்டு ஓடிடுவாய்...
பசி என்னும் அரக்கனே...

மஞ்சுபாஷிணி · மஞ்சுபாஷிணி Sat 8 May 2010 - 12:03

பசியின் வேதனைகளை கவியில் வடித்தது போல் அத்தனையும் உண்மையே....

இந்த ஒரு சாண் வயிற்றுக்காக தான் இத்தனை கொடுமைகள்....

பசி வரும்போது நாம் காத்து வைக்கும் வைராக்கியமும் தகர்ந்துவிடுவது கண்டிருக்கிறேன்...

கோவத்தை பசி மிஞ்சி விடுவதுமுண்டு...

அருமையான வரிகளில் பசியை அழகா கவிதையா எழுதி இருக்கீங்க பாரதி...

அன்பு பாராட்டுக்கள்....

srinihasan · srinihasan Sat 8 May 2010 - 12:38

பசி வந்த மயக்கத்தில் உணவினை கண்டு உண்டால் பசி ருசியறியாது என்பார்கள்...

காலை சிற்றுண்டி உண்ணாது பசியான இந்த தருணத்திலும் உங்கள் கவியை ரசித்தேன்...

பசி ருசி அறியாமல் போனாலும்.. ரசிக்காமல் விடவில்லை...

பசித்தவனுக்கு புசி என்று கொடுத்து மகிழ்ந்தவனாய் நான்... உங்களின் வரியினை படிக்கும் சமயம்...

நீ வந்தால்............... - Page 2 677196

நீ வந்தால்............... - Page 2 677196

நீ வந்தால்............... - Page 2 678642

நீ வந்தால்............... - Page 2 154550

ஹனி · ஹனி Sat 8 May 2010 - 14:09

Malaimagal wrote:அப்பப்பா…மிகவும் அழகான கவிதை…பசியின் கொடுமையை
அழகாகவே வடித்துள்ளீர்கள்….ஆரம்பத்தில் புரியாதபடி ஆரம்பித்து
இறுதியில் முடித்தவிதம் சிறப்பு…கவியின் நகர்வு எனக்கு மிகவும்
பிடிச்சுள்ளது…நன்றியுடன் பாராட்டுக்களும்…