கலங்கிய விழிகள்

Latharani · Latharani Thu May 06, 2010 1:40 am

கலங்கிய விழிகள்

துப்புரவு செய்ய
துடைப்பம் எடுத்தேன்
அண்ணார்ந்து பார்த்தால்
அங்கொரு சிலந்திக்கூடு

கலைத்திட எண்ணி
கை கொண்டு சென்றேன்
நாற்காலி போட்டும்
நெருங்க முடியவில்லை

அடுத்த வீட்டில் அவசரமாய்
இரவல் வாங்கிய ஏணிபோட்டு
எட்டிவிட்டேன்
அதன் இருப்பிடம்

எட்டிவிட்ட இறுமாப்பில்
எகத்தாளமாய் சிரித்து
கட்டிய வலையை
கலைத்திட முனைந்தேன்

கிட்டே-
சென்றபின் ஏனோ
சிறிது தயங்கினேன்
உற்றுப் பார்த்தேன்
உள்ளுக்குள் சிலிர்த்தேன்

எத்தனை முயன்றும்
எனக்கென இல்லையே
சொந்தமாய் சிறு வீடு

நான் வசிக்கும்
வாடகை வீட்டில்
சொந்தமாய் இந்த
சிலந்தியின் வீடு

கலைத்திட மனமின்றி
கட்டிலில் வீழ்ந்தேன்
கலங்கிய விழியோடு

-லதாராணி
("என் தவத்தில் என்ன குறை?" கவிதை நூலிலிருந்து...)

**இளமாறன்** · **இளமாறன்** Thu May 06, 2010 1:49 am

சொந்த வீடு வேண்டும் நல்ல கருத்து சொல்லி இருக்கீங்க

என் தவத்தில் என்ன குறை நீங்கள் எழுதியதா ?
இது உங்கள் கவிதையா ரசித்த கவிதையா .. ரசித்தது என்றால் ரசித்த கவிதைகளில் எழுதியவர் பெயரோடு போடுங்களேன் கலங்கிய விழிகள் 154550

Latharani · Latharani Thu May 06, 2010 1:54 am

இளமாறன் ,

"என் தவத்தில் என்ன குறை?" எனது முதல் கவிதை நூல் - கலங்கிய விழிகள் Icon_smile

**சிவா** · **சிவா** Thu May 06, 2010 1:58 am

நான் வசிக்கும்
வாடகை வீட்டில்
சொந்தமாய் இந்த
சிலந்தியின் வீடு

கலைத்திட மனமின்றி
கட்டிலில் வீழ்ந்தேன்
கலங்கிய விழியோடு!

மிகவும் அருமை லதாராணி!

(கடைசிவரை வீட்டை சுத்தம் செய்யவில்லை போலும்)