கமகமக்கும் 'குண்டா சோறு'கந்தூரி விழாவில் வழங்கல்

thiru99 · thiru99 Fri 30 Apr 2010 - 15:51

நாகப்பட்டினம்:நாகை அடுத்த நாகூர் கந்தூரி விழாவை முன்னிட்டு, நேர்த்திக்கடனாக ஏழைகளுக்கு அன்ன தானத்திற்காக, 'குண்டா சோறு' எனப்படும் மட்டன் பிரியாணி வழங்கப்படுவதால், நாகை சுற்று வட்டாரப் பகுதிகளில் பிரியாணிவாடை கமகமக்கிறது. நாகை அடுத்த நாகூரில், ஷாஹூல் ஹமீது பாதுஷா நாயகம் தர்கா உள்ளது. 450 ஆண்டு பழமை வாய்ந்த இந்த தர்காவில், ஆண்டுதோறும் கந்தூரி விழா கொண்டாடப்படுகிறது.

கந்தூரி விழா காலங்களில், தர்காவிற்கு வரும் பக்தர்களுக்கு, 'குண்டா சோறு' எனப்படும் மட்டன் பிரியாணி, மண் சட்டியில் வழங்கப் படும்.நேர்த்திக் கடனாகவும் பலர், தர்காவில் குண்டா சோறு வழங்கி வருகின்றனர். எல்லாராலும் தர்காவில் குண்டா சோறு வழங்குவதில் சிரமம் இருப்பதால், அப்பகுதியைச் சேர்ந்த மக்கள், அவரவர் வீடுகளிலேயே, நேர்த்திக் கடனுக் காக ஆயிரக்கணக்கான நபர்களுக்கு குண்டா சோறு விருந்து படைக்கின்றனர்.

தொன்மையான பழக்கம் மாறக்கூடாது என்பதற்காக, குண்டா சோறு எனப்படும் பிரசாதம் மண் சட்டியில் வழங்கப்படுகிறது. வசதி படைத்தவர்களாக இருந்தாலும் கூட மண் சட்டியிலேயே வழங்குகின்றனர்.வசதி படைத்தவர்களில் சிலர் வேண்டுதல் நிறை வேறினால், ஏழைகளோடு குண்டா சோறு வாங்கி சாப்பிடுவதாக வேண்டிக் கொள்கின்றனர்.

கூட்டத்தில் நின்று குண்டா சோறு வாங்கி சாப்பிடுவதற்கு பதிலாக, 500 ரூபாய் கொடுத்து வாங்கி, வீட்டிற்கு எடுத்துச் சென்று சாப்பிடுகின்றனர். இதை சாதகமாக பயன்படுத்திக் கொண்டு சிலர், குண்டா சோறு வாங்கி, விற்று, சீசன் சமயத்தில் நல்ல வருவாய் பார்ப்பதை தொழிலாகச் செய்து வருகின்றனர்.

**சிவா** · **சிவா** Fri 30 Apr 2010 - 16:11

திரு, தாங்கள் வழங்கும் செய்திகள், கட்டுரைகள் அனைத்தும் சிறப்பு! தங்களை இன்னும் அறிமுகப்படுத்திக் கொள்ளவில்லையே நண்பா!

கமகமக்கும் 'குண்டா சோறு'கந்தூரி விழாவில் வழங்கல்

கமகமக்கும் 'குண்டா சோறு'கந்தூரி விழாவில் வழங்கல்

Re: கமகமக்கும் 'குண்டா சோறு'கந்தூரி விழாவில் வழங்கல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக