கவலை எல்லோருக்கும் பொது.

ஹனி · ஹனி Thu Apr 29, 2010 8:20 pm

கொக்கரக்கோ என்று பயங்கரமாகக் கூவும் இந்த சேவலின் கத்தல் எனக்கு அச்சத்தைத் தருகிறதே.
என்னால் தூங்க முடியவில்லையே. எல்லா விலங்குகளும் நடுங்கும் வலிமை எனக்கு இருந்து என்ன பயன்? கூர்மையான நகங்களும் வலிமையான பற்க்களும் இருந்தும் நான் நடுங்கிக் கொண்டே வாழ்கிறேனே. இப்படி ஒரு வாழ்க்கை தேவைதானா? இதைவிட இறந்து விடுவதே நல்லதாயிற்றே என்று தனக்குள் முணுமுணுத்துக் கொண்டிருந்தது சிங்கம்.

அப்பொழுது அங்கே பெரிய யானை ஒன்று வந்தது. தன் முறம் போன்ற காதுகளை முன்னும் பின்னும் ஆட்டிக் கொண்டே இருந்தது அது.

இதைப் பார்த்த சிங்கம் யானையாரே உன் பெரிய வடிவத்தைப் பார்த்தாலே எல்லா விலங்குகளும் அஞ்சி ஓடுவார்களே பெருமிதத்துடன் நடக்க வேண்டிய நீர் அச்சத்துடன் காதுகளை ஆட்டிய படியே கவலையுடன் நடக்கிறீரே உமக்கு என்ன கவலை? என்று கேட்டது.

சிங்கமே எவ்வளவு வலிமை இருந்தாலும் என்னிலை பரிதாபமாகத்தான் உள்ளது. என் காதருகே பறந்து கொண்டிருக்கும் சின்னஞ் சிறு குழவி என் காதுக்குள் சென்று கொட்டி விட்டால் போதும். வேதனையால் துடித்து என் உயிரே பொய் விடும். குழவிகளுக்கு அஞ்சிதான் காதுகளை எப்பொழுதும் ஆட்டிக் கொண்டே இருக்கிறேன் என்று வருத்தத்துடன் சொன்னது.

இதைக் கேட்ட சிங்கம் சிந்தனையில் ஆழ்ந்தது. கவலை எல்லா உயிர்களுக்கும் உள்ளது. நம் வலிமையான நிலைமையை நினைத்து மகிழ்ச்சி அடைய வேண்டுமே தவிர கவலை கொள்ள கூடாது. என்று நினைத்தது.

பெருமிதத்துடன் எழுந்த அது காடே நடுங்கும் படி கர்ச்சனை செய்தது.

சபீர் · சபீர் Thu Apr 29, 2010 9:08 pm

கவலைக்கு ரொம்ப ஒரு எடுத்துகாட்டு நன்றி சகோதரி

கலைப்பிரியன் · 28/07/2009

சரியான நேரத்தில் தங்கள் பதிவு!

உண்மையை உணர உதவியது

நன்றிகள் பல!.......

ஹனி · ஹனி Sat May 01, 2010 12:57 am

நன்றி சபிர் அண்ணா & கலைப்பிரியன்

அப்புகுட்டி · அப்புகுட்டி Sat May 01, 2010 1:53 am

இதைக் கேட்ட சிங்கம் சிந்தனையில் ஆழ்ந்தது. கவலை எல்லா உயிர்களுக்கும் உள்ளது. நம் வலிமையான நிலைமையை நினைத்து மகிழ்ச்சி அடைய வேண்டுமே தவிர கவலை கொள்ள கூடாது. என்று நினைத்தது.

பெருமிதத்துடன் எழுந்த அது காடே நடுங்கும் படி கர்ச்சனை செய்தது.
மகிழ்ச்சி

Sponsored content · Sponsored content

கவலை எல்லோருக்கும் பொது.

கவலை எல்லோருக்கும் பொது.

Re: கவலை எல்லோருக்கும் பொது.

Re: கவலை எல்லோருக்கும் பொது.

Re: கவலை எல்லோருக்கும் பொது.

Re: கவலை எல்லோருக்கும் பொது.

Re: கவலை எல்லோருக்கும் பொது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக