ரமழான் மாதத்தின் சிறப்புக்கள்.

அரபி மாதங்கள் என அழைக்கப் படும் சந்திர மாதங்களின் ஒன்பதாவது மாதம் றமழான் மாதமாகும். இந்த றமழான் மாதத்துக்கு என்று சிறப்புக்கள் உள்ளன. ஒவ்வொறு முஸ்லிமும் அம்மாதத்தின் முழுமையான பயனை அடைந்து கொள்வது அவசியமாகும்.

திருக் குர் ஆன் அருளப்பட்ட மாதம்.

றமழான் மாதம் மற்ற மாதங்களைப் போன்று ஒரு மாதமானாலும் அம்மாதத்தில் தான் திருக் குர் ஆன் இறக்கப் பட்டது என்ற சிறப்பைப் பெருகிறது. என்று அல்லாஹ் திருமறையில் சொல்லுகிறான்.

றமழான் மாதம் எத்தகையது என்றால் அதில்தான் மனிதர்களுக்கான ( முழுமையான ) வழிகாட்டியாகவும், தெளிவான சான்றுகளைக் கொண்டதாகவும், நன்மை, தீமைகளை பிரித்தறிவிப்பதுவுமான அல் குர் ஆன் அருளப் பெற்றது. ( 2 : 185 )

நோன்பிற்குரிய மாதம்.

உலக மகா அற்புதமான அல் குர் ஆன் றமழான் மாதத்தில் இறக்கப் பட்ட காரணத்திற்க்காக அந்த றமழான் மாதத்தில் நோன்பு வைக்க வேண்டும் என்பது அல்லாஹ்வின் கட்டளை இது அம்மாதத்திற்க்குரிய மற்றுமொறு சிறப்பாகும்.

ஆகவே எவர் அம்மாதத்தை அடைந்து கொள்கின்றாரோ அவர் அம்மாதம் முழுவதும் நோன்பு நோற்க்கட்டும். ( 2 : 185 )

சுவர்க்கத்தின் வாயில் திறக்கப் படும் மாதம்.

றமழான் மாதம் வந்து விட்டால் சுவர்க்கத்தின் வாயில்கள் திறக்கப் படுகின்றன. ( நபி மொழி ) மற்றுமொரு அறிவிப்பு இவற்றின் எந்த வாயிலும் மூடப் படுவதில்லை. நபி மொழி

வானத்தின் வாயில்கள் திறக்கப் படும் மாதம்.

றமழான் மாதம் வந்து விட்டால் வானத்தின் வாயில்கள் திறக்கப் படுகின்றன. ( நபி மொழி புகாரி 1899 ) வானத்தின் வாயில் இரண்டு சமயத்தில் தான் திறக்கப் படுகின்றன. ஒன்று றமழான் மாத்தில் மற்றொன்று கியாமத்து நாள் எனவும் அல்லாஹ் கூறுகின்றான். வானம் திறக்கப் பட்டு பல வாசல்கள் ஆகும்.

இன்னும் பல சிறப்புக்கள்.
* றமழான் மாதம் வந்து விட்டால் அருளின் வாயில்கள் திறக்கப் படுகின்றன.
* நரகத்தின் வாயில்கள் அடைக்கப் படுகின்றன.
* சைத்தான் சங்கிலியால் விலங்கிடப் படுகினறான்.
* நல்லதைத் தேடுபவனோ முன்னேறிய தீமையைத் தேடுபவனோ தீமையை குறைத்துக் கொள் என்று அழைக்கப் படுகிறார்.
*நரகத்தில் இருந்து விடுவிப்பது ஒவ்வொரு இரவிலுமாகும்.

லைலத்துல் கத்ர் இரவைக் கொண்ட மாதம்.

ஆயிரம் மாதங்களை விட சிறந்த லைலத்துல் கத்ர் என்னும் இரவு றமழான் மாதத்தில் தான் இருக்கிறது. றமழன் கடைசிப் பத்து நாட்களில் லைலத்துல் கத்ரை தேடுங்கள் என்று நபி ( ஸல் ) அவர்கள் கூறினார்கள். என்று ஆயிக்ஷா ( ரலி ) அவர்கள் அறிவிக்கின்றார்கள். ( புகாரி முஸ்லிம் திர்மிதி )

நம்பிக்கையுடன் நன்மையை எதிர் பார்த்து யார் றமழான் மாதத்தில் நோன்பு நோற்று வருகின்றாரோ அவரது முன் பாவங்கள் மன்னிக்கப் படுகின்றது. ( நபி மொழி)
தக்வா எனும் இறையச்சத்தைப் பெறுவதற்க்கு சிறந்த பயிற்ச்சி அளிக்கும் மாதம். ஈமான் கொண்டவர்களே உங்களுக்கு முன்பு இருந்தவர்கள் மீது நோன்பு கடைமையாக்கப் பட்டது போன்றே உங்கள் மீதும் நோன்பு கடமையாக்கப் பட்டுள்ளது. அதன் மூலம் நீங்கள் உடையோர் ஆகலாம். ( அல் குர் அன் )

அருள் செய்யப் பட்ட மாதம் உங்களிடம் வந்து விட்டது. என்று நபியவர்கள் கூறினார்கள். ( நபி மொழி )

மறுமையில் நிரந்தர சொர்க்கத்தை அடைய அல்லாஹ்வின் அருள் நிறைந்த றமழான் மாதத்தை நல்ல விதத்தில் பயன் படுத்தி கொள்ள வேண்டும் என்பதை நாம் விளங்கிக் கொள்வோமாக.

ரொம்ப அழகான விரிவான விளக்கம் நன்றி ஹனி தொடருங்கள்

சபீர் wrote:ரொம்ப அழகான விரிவான விளக்கம் நன்றி ஹனி தொடருங்கள்