முல்லையில் விழுந்த முள்!

04/04/2010

ஆன்மீகத்தின் அடித்தளத்தில்
விசக்கிருமிகள்
வேரூன்றியதால்...
நுனிக் குருத்திலும்
நெரிக்கப் படுகின்றன
நீசச் சிலந்திகளின்
வலை..!

செழித்து வளர்ந்த
பாரதச்சோலையில்..
இன்று,
குருத்துப் புழுக்களின்
கூட்டமைப்பு..!

மீறி அரும்பும்
மொட்டுக்களை அகற்ற..
வெட்டுக் கிளிகளின்
சுற்றுப் பயணம்..!

தேச வனத்தில் பாயும்
கலாசார நீரோடையில்..
மதத்தின் பெயரால்
மையம் கொண்ட
வன்முறைக் கழிவுகள்..!

நீதி மலர்ந்த
வேதப் பயிரில்..
விசிறப்பட்ட
விச விதைகள்
வேர் பிடித்தபோது,
நச்சுப் பயிரின்
ஆக்ரமத்தில்..
நசுக்கப் படுகிறது
மனிதமும் நேயமும்..!

மோகங்களின் பிரதியாய்
யாகங்களும் தியாணங்களுமானதால்..
இன்று,
ஆலயங்களும் மடங்களும் கூட
அறுமுகமாக்கப் படுகிறது
ஆயுதக் கிடங்குகளாய்..!

போற்றத்தக்க
மார்கங்களே..
மதமாய் மாறியதாலே,
மானுடம்
மதத்தை வாங்கிட
மதியை விற்றபோது...
“மலிவானது உயிரின் விலை..!”

முடிவுறாத வார்த்தையின்
நடுவே... முடமாய் விழுந்த
முற்றுப் புள்ளிகளாய்..
இன்னும்,
முன்னுரையே முழுமையாகாத
நிலையில்,
சில முகமற்றவர்களால்
எழுதப் படுகிறது..
என் தேசச் சரிதத்தின்
முடிவுரைகள்..!

எண்ணத்தோன்றுகிறது!
ஆம்..
எண்ணத்தான் தோன்றுகிறது...

முகவரியில்லாத
சில..
முதுகெலும்பற்றவர்களுக்கு
முட்டுக் கொம்பாய்தானோ..
என் பாரதமென்று..!

அப்புகுட்டி · அப்புகுட்டி Thu Apr 22, 2010 1:07 am

மண் வாசனை அப்படியே பிரதிபலித்துள்ளது நன்றி.நன்றி. மகிழ்ச்சி

கலைவேந்தன் · கலைவேந்தன் Thu Apr 22, 2010 2:04 am

அருமை அருமை... நண்பரே,,,,! முல்லையில் விழுந்த முள்! 677196

பாரதிப்பிரியன் · 08/04/2010

இது கலியுகம் நண்பா...இப்படித்தான் இருக்கும் இதை மாற்றவேண்டுமெனில்...எம்மால் முடியாது...இதற்கு இவைகள் அழிந்து ஒரு புது சரித்திரம் தொடங்கவேண்டும்...இதை விட இன்னும் பல அநீதிகளும் அக்கிரமங்களும் கூடிக்கொண்டே செல்லும்...ஆனால் ஒருநாள் அவை மறைந்து நன்மையையும் நீதியும் உலகில் தளைத்தோங்கும்...மீண்டும் தீமையின் வாசம்...மீண்டும் அழிவு...இப்படியே...ஒரு சக்கரமாக உலகம் சுழல்கின்றது....

நிலாசகி · நிலாசகி Thu Apr 22, 2010 1:24 pm

மிகவும் அருமை!

**கா.ந.கல்யாணசுந்தரம்** · 28/02/2009

பாரதம் ஒரு வசந்த வாயிலை நோக்கித்தான் காத்திருக்கிறது.
நிச்சயம் மலரும் இளைய தலைமுறை நினைத்தால்.

கா.ந.கல்யாணசுந்தரம்.

kalaimoon70 · kalaimoon70 Thu Apr 22, 2010 2:49 pm

இங்கு உண்மைகள் உரித்துக்காட்டப்படுகிறது அருமை நன்றி தோழரே .தொடருங்கள் .

**Aathira** · **Aathira** Thu Apr 22, 2010 3:00 pm

பாரதிப்பிரியன் wrote:இது கலியுகம் நண்பா...இப்படித்தான் இருக்கும் இதை மாற்றவேண்டுமெனில்...எம்மால் முடியாது...இதற்கு இவைகள் அழிந்து ஒரு புது சரித்திரம் தொடங்கவேண்டும்...இதை விட இன்னும் பல அநீதிகளும் அக்கிரமங்களும் கூடிக்கொண்டே செல்லும்...ஆனால் ஒருநாள் அவை மறைந்து நன்மையையும் நீதியும் உலகில் தளைத்தோங்கும்...மீண்டும் தீமையின் வாசம்...மீண்டும் அழிவு...இப்படியே...ஒரு சக்கரமாக உலகம் சுழல்கின்றது....

கவிதையும் அருமையான ததுவம்.. விமர்சனமும் அருமையான ததுவமாக உள்ளது.. நன்றி.. வாழ்த்துக்கள்... முல்லையில் விழுந்த முள்! 678642