இணையத்தில் கிடைத்த அற்புத கவிதைகள்

அன்பு தளபதி · அன்பு தளபதி Wed Apr 21, 2010 2:09 pm

First topic message reminder :

இணையத்தை நோண்டி கொண்டிருந்தேன் பழைய வலிகளை நினைத்தவாறு அப்போது கண்ணில் பட்டவை இந்த அற்புத கவிதைகள் காயத்ரி சித்தார்த் என்ற
கவிதாயினி எழுதிருக்கிறார் வார்த்தைகள் விளையாடுகின்றன படித்து முடிக்கையில் நம்மை கண்முன் நிறுத்துகிறார் உங்களுக்கும் பிடிக்கும் என்ற நம்பிக்கையில் பதிகிறேன்

குழந்தையின் சுவர்க்கிறுக்கல்களைப்
போலிருந்தது உன் கோபம்....
எரிநட்சத்திரங்களென்றும்...
ஈரம் பொசிந்த
மழைக்காளான்களென்றும்...
காற்றசைத்த அதிர்வில்
கிளைகள் தவறவிட்ட
மலர்களென்றும் கூட
முன்னொரு முறை
நினைத்துக் கொண்டிருக்கிறேன்.
நீ கோபிக்கிறாய்..
நீளத்துவங்குகிறது என்
ஆச்சரியங்களின் பட்டியல்!

யார் யாரிடமோ
உன் சாயல்களைப் பார்த்தபடி
வீடு வந்து சேர்ந்தேன்..
வீட்டிலிருந்த நீ
யாரோவாகியிருந்தாய்.

உள்ளங்கையின்
மெல்லிய ரேகையில்
தளர்வாய் ஊர்கிறதோர்
சிற்றெறும்பு...

எல்லையற்ற வெளியில்
வழிதவறியலைவதாய்
ஒருவேளை அது
பதறிக்கொண்டிருக்கலாம்.

இருக்கட்டும் அப்படியே...

எல்லோர்க்கும் கையளவே இருக்கிறது
வாழ்க்கையும்

நேற்று நேற்றுடனும்
இன்று இன்றுடனும்
முடிவுற்றால் பரவாயில்லை...
நாளைகளின் விளிம்பில்
எனக்கும் முன்பாய்
காத்திருக்கின்றன
நேற்றும் இன்றும்.

தனிமை,வெறுமை
வெற்றிடம்,மெளனமென
நாள்பட்ட சொற்களின் துணையோடு
எத்தனை கவிதைகள் எழுதியபோதும்
எந்தக் கவிதையும் நிரப்பிவிடவில்லை
எப்போதுமிருக்கும் தனிமையை...

**Aathira** · **Aathira** Thu Apr 22, 2010 8:51 am

தாங்கள் ரசித்ததை எங்களுடன் பகிர்ந்தமைக்கு மிக்க நன்றி அஜித்... நானும் ரசித்தேன்.. இணையத்தில் கிடைத்த அற்புத கவிதைகள் - Page 2 678642

இணையத்தில் கிடைத்த அற்புத கவிதைகள் - Page 2 154550

இணையத்தில் கிடைத்த அற்புத கவிதைகள்

இணையத்தில் கிடைத்த அற்புத கவிதைகள்

Re: இணையத்தில் கிடைத்த அற்புத கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக