பனிக்கட்டியை எரிபொருளாக்கலாம்!

**சிவா** · **சிவா** Wed Apr 21, 2010 12:38 pm

பச்சைத் தண்ணீரில் விளக்கு எரியுமா? எரிந்தால் அதிசயம் என்பார்கள். ஆனால் பனிக்கட்டியை எரித்து எரிபொருளாக பயன்படுத்த முடியும் என்று வியக்க வைக்கிறார்கள் சீன விஞ்ஞானிகள். அமெரிக்கா, ஜப்பான் மற்றும் கொரியாவுடன் கூட்டுச் சேர்ந்து சீன ஆய்வாளர்கள் இது தொடர்பான ஆய்வில் ஈடுபட்டு வந்தனர்.

உறைந்திருக்கும் பனிக்கட்டியில் மீத்தேன் ஹைட்ரேட் என்னும் வாயு சேர்ந்துள்ளது. இது எரியும் தன்மை உடையது. எனவே அதிகமான அழுத்தத்தில் பனிக்கட்டிகளை உருகச் செய்யும்போது பனிக்கட்டி எரியத் தொடங்குகிறது. இந்த வகையில் பனிக்கட்டியை ஒரு மாற்று எரிபொருளாக பயன்படுத்த முடியும் என்பது விஞ்ஞானிகளின் கண்டுபிடிப்பாகும்.

வடஅமெரிக்காவின் அலாஸ்கா மாகாணத்தில் 10 ஆண்டுகளுக்கு தேவையான எரிபொருளை வழங்கும் அளவுக்கு மீத்தேன் ஹைட்ரேட் இருப்பதாக கணக்கிடப்பட்டு உள்ளது. அதேபோல் சீனாவில் 35 பில்லியன் டன் எரிபொருக்கு ஈடான மீத்தேன் ஹைட்ரேட் வாயு இருக்கிறதாம். இது சீனாவுக்கு 90 ஆண்டுகளுக்கு போதுமானது.