வழிபடு தலங்கள்

**சிவா** · **சிவா** Fri 16 Apr 2010 - 14:18

போர்தனைக் கண்டு புலியெனப் பாய்ந்து
புதுப்புது வெற்றிகள் குவித்தார்
மார்பினில் குண்டை மகிழ்வொடு சுமந்து
மரணித்த மாணிக்கக் கற்கள்
சேர்புகழ் கொண்ட செருக்களம் நூறு
சென்றிவர் வெற்றிகள் தந்தார்
ஊர்பல கூடி அழுதது வாடி
ஒழுகவே கண்களில் கண்ணீர்.

வாலிபக் கோலம் வாழ்ந்திடும் காலம்
வாழ்வினைத் தமிழுக்கே தந்து
வேலியாய் நின்று வேள்விகள் செய்த
வீரரே தீரரே, இன்று
நிலமகள் மடியில் உறக்கம் கொண்டீர்
நெஞ்செலாம் உம்மை சுமந்தே
மலரொடு விளக்கும் சுமந்துநாம் வந்து
வணங்கியே நிற்கிறோம் பாரீர்.

தலைவனின் கொள்கை தட்டாதி ருப்பார்
தமக்கென எதையுமே கொள்ளார்
கலையெனப் போரை கற்றிவர் தேர்ந்து
களத்தினில் நின்றபெரும் வீரர்
அலையெனப் படைகள் அணிவகுத்து வரினும்
அதுகண்டு அஞ்சாத புலியாய்
தலைபல கொய்து தமிழரைக் காத்து
தரணியில் உயரிடம் அளித்தார்.

கொற்றமும் குடையும் கொண்டமேல் வாழ்வும்
குறையிலா வளமும் கொண்டே
கற்றவர் தமிழைக் கண்ணெனக் காக்கும்
காட்சியே நெஞ்சுனுள் விரிய
உற்றதோர் அகவை யோடியே சென்று
உலகமே வியந்திடும் போரில்
வெற்றிகள் குவித்து வீழ்ந்திட்ட மறவர்
விதைகுழிகள் வழிபடு தலமே.

வ.க.பரமநாதன்

வழிப்போக்கன் · 18/02/2010

கவிதை வாசிக்கும் போதே மனம் கனக்கச் செய்தது, அவ்வழிபடு கோவில்களை இன்று இல்லாமல் செய்யும் நிலையைக் காணும்போது கையறு நிலையில் கவலைதான் வருகின்றது, அவர்களிற்கான மக்கள் மனங்களில் கட்டிய கோவில்களை எவராலும் இடித்திட முடியாது, பகிர்விற்கு நன்றிகள் நண்பரே!

வழிபடு தலங்கள்

வழிபடு தலங்கள்

Re: வழிபடு தலங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக