மூன்று சிறுமிகளிடம் சில்மிஷம்; புதுச்சேரி 'செக்ஸ் தாத்தா' வண்ணாரபேட்டையில் கைது

First topic message reminder :

சென்னை : மூன்று சிறுமிகளுடன் செக்ஸ் சில்மிஷத்தில் ஈடுபட்ட புதுச்சேரியைச் சேர்ந்த செக்ஸ் தாத்தா ஒருவரை, வண்ணாரபேட்டை போலீசார் நேற்று கைது செய்தனர். அவர், ஒரு இளம் பெண்ணுடன் சல்லாபத்தில் ஈடுபட்டு வந்ததும் விசாரணையில் தெரிந்தது.

புதுச்சேரியைச் சேர்ந்தவர் சோமசுந்தரம் என்ற கனகராஜ்(70); டெய்லர். சென்னை வண்ணாரபேட்டை, போஜராஜன் நகரில் வாடகை வீட்டில் தங்கி, மண்ணடியில் உள்ள லுங்கி கடையில் வேலை பார்த்து வந்தார். இவரது குடும்பத்தினர் புதுச்சேரியில் வசித்து வருகின்றனர். வீட்டில் தனிமையில் இருந்த கனகராஜ், பக்கத்து வீடுகளில் வசிக்கும் சிறுமிகளிடம் 'பாசம்' காட்டி வந்தார். உறவினர் இல்லாத ஏக்கத்தால் குழந்தைகளுடன் முதியவர் கனகராஜ் பாசமாக இருப்பதாக, பக்கத்து வீடுகளில் வசித்தவர்கள் கருதினர். ஆனால், இந்த சந்தர்ப்பத்தை பயன்படுத்திக் கொண்ட கனகராஜ், யாரும் இல்லாத நேரத்தில் சிறுமிகளை வீட்டிற்குள் அழைத்து, அவர்களிடம் செக்ஸ் சில்மிஷத்தில் ஈடுபட்டுள்ளார். பல நாட்களாக நடந்து வந்த இச்சம்பவம் வெளியில் தெரியாமல் இருந்தது.

கனகராஜ் வீட்டு அருகில் வசிக்கும் பிரியாணி கடைக்காரர் மகள் திவ்யா (பெயர் மாற்றப்பட்டுள்ளது). அதே பகுதியில் உள்ள மாநகராட்சி பள்ளியில் ஆறாம் வகுப்பு மாணவி. இவரை அழைத்து, கடந்த ஒரு வாரமாக கனகராஜ் செக்ஸ் சில்மிஷத்தில் ஈடுபட்டுள்ளார். திவ்யா கை, கால்களை கட்டி அவர் பல்வேறு சேட்டைகளை செய்துள்ளார். அதன் பிறகு தின்பண்டங்கள் கொடுத்து, நடந்தவற்றை யாரிடமும் சொல்லக்கூடாது; இந்நிலையில் திவ்யாவை குளிக்க வைத்த போது, அவரது தாய்க்கு சந்தேகம் ஏற்பட்டது. அதிர்ச்சி அடைந்த அவர், தனது கணவரிடம் விவரத்தை கூறியுள்ளார். இதையடுத்து, ரகசியமாக திவ்யாவை கண்காணித்தனர். அப்போது கனகராஜ், சிறுமி திவ்யாவை அழைத்து செக்ஸ் சில்மிஷத்தில் ஈடுபட்டதை பார்த்து அதிர்ச்சியடைந்தனர். இது குறித்து வண்ணாரபேட்டை போலீசில் புகார் செய்யப்பட்டது. இது தொடர்பாக நடந்த விசாரணையில் மேலும் இரண்டு சிறுமிகளிடம் கனகராஜ் செக்ஸ் சில்மிஷத்தில் ஈடுபட்டதும்; அதே பகுதியைச் சேர்ந்த 30 வயது மதிக்கத்தக்க இளம்பெண்ணிடமும் தொடர்பு வைத்திருந்ததும் தெரிய வந்தது.

இதையடுத்து, கனகராஜை போலீசார் தேடினர். போலீசார் தன்னை தேடுவதை அறிந்த அவர், புதுச்சேரிக்கு தப்பிச் சென்றார். வண்ணாரபேட்டை இன்ஸ்பெக்டர் கோபாலகுரு மற்றும் போலீசார், புதுச்சேரி விரைந்து கனகராஜை கைது செய்து, நேற்று சென்னை அழைத்து வந்தனர். வண்ணாரபேட்டை போலீஸ் நிலையத்தில் கனகராஜிடம் விசாரித்த போது, பல ஆண்டுகளாகவே சிறுமிகளிடம் தகாத முறையில் நடந்து வந்ததை அவர் ஒப்புக்கொண்டார். கனகராஜை நேற்று மாலை ஜார்ஜ் டவுன் கோர்ட்டில் ஆஜர்படுத்திய போலீசார், புழல் சிறையில் அடைத்தனர்.