அச்சமில்லை! துயரமில்லை!

சம்சுதீன் · சம்சுதீன் Mon Apr 12, 2010 1:28 am

இறைவன் கூறுகின்றான்...

* உங்களுக்கு என்னிடமிருந்து நேர்வழி கிடைக்கும்போது யார் எனது நேர் வழியைப் பின்பற்றுகிறார்களோ, அவர் களுக்கு எவ்வித அச்சமும் இல்லை. அவர்கள் துயரப்படவும் மாட்டார்கள்.

* எவர் தம்மை இறைவனிடம் முழுமை யாக ஒப்படைத்து, செயல் அளவிலும் நன்னடத்தையை மேற்கொள்பவராய் இருக்கிறாரோ அவருக்குரிய நற்கூலி இறைவனிடம் உண்டு. மேலும், அத்தகையவர்களுக்கு எவ்வித அச்சமும் இல்லை. அவர்கள் துயரப்படவும் மாட்டார்கள்.

* எவர்கள் இறைவனுடைய வழியில் தங்கள் பொருள் களைச் செலவு செய்த பின்னர் அதைத் தொடர்ந்து தாங்கள் செலவு செய்வதைச் சுட்டிக் காட்டிப் பேசாமலும் (மனம்) புண்படச் செய்யாமலும் இருக்கின்றார்களோ அவர்களுக்குரிய நற்கூலி அவர்களின் அதிபதியிடம் இருக்கின்றது. மேலும் அவர்கள் துயரப்படவும் மாட்டார்கள்.

* தெரிந்து கொள்ளுங்கள்! திண்ணமாக இறைவனின் நேசர்களுக்கு எத்தகைய அச்சமும் இல்லை. அவர்கள் துயரப்படவும் மாட்டார்கள். அவர்களோ நம்பிக்கை கொண்டு இறையச்சமுள்ள போக்கினை மேற்கொண்டி ருந்தார்கள். இவ்வுலக வாழ்க்கையிலும், மறுமையிலும் அவர்களுக்கு நற்பேறுகள் இருக்கின்றன.