மாநிலங்களவை:100 கோடீஸ்வர எம்பிக்கள்

**சிவா** · **சிவா** Mon Apr 12, 2010 2:19 am

ஒரு தனியார் தொண்டு நிறுவனம் மாநிலங்களவை எம்பிக்களின் சொத்துக்கணக்கு விபரங்களை எடுத்தது. இதில் சுமார் 100 பேர் தங்களுக்கு 1 கோடிக்கு மேல் சொத்துக்கள் இருப்பதாகத் தெரிவித்துள்ளனர்.

பிரபல தொழிலதிபரும், சுயேச்சை எம்பியுமான ராகுல் பஜாஜ், தனக்கு அசையும் மற்றும் அசையாச் சொத்துக்களாக 300 கோடிக்கு மேல் இருப்பதாகத் தெரிவித்துள்ளார். இந்த கணக்கெடுப்பின்படி மாநிலங்களவை எம்பிக்களில் அதிக சொத்து உள்ளவர்களில் பஜாஜ் முதலிடத்தைப் பிடித்துள்ளார்.

அவருக்கு அடுத்தபடியாக மதச்சார்பற்ற ஜனதாதள எம்பி எம்ஏஎம்.ராமசாமி தனக்கு ரூ 278 கோடி சொத்து இருப்பதாகவும், காங்கிரஸ் எம்பி சுப்ரமணி ரெட்டி தனக்கு ரூ 272 கோடி சொத்து இருப்பதாகவும் தெரிவித்துள்ளனர்.

உத்தரப்பிரதேசத்தைச் சேர்ந்த சமாஜவாதி எம்பி ஜெயா பச்சனுக்கு ரூ 215 கோடி மதிப்பிலும், சமாஜவாதிக் கட்சியிலிருந்து வெளியேற்றப்பட்ட அமர்சிங் எம்பிக்கு ரூ 79 கோடியும் சொத்துக்கள் இருப்பதாக தனியார் தொண்டு நிறுவனத்தின் புள்ளிவிவரக் கணக்குகள் தெரிவித்தன.

அப்புகுட்டி · அப்புகுட்டி Mon Apr 12, 2010 4:17 am

இப்படி இருந்துமா இந்தியா இப்படி..........
இதுக்குத்தான் தான தர்மம் செய்யணும் என்றது...
தான் மட்டும் நல்லா இருக்கணும் என்று நினைத்தால்...
இந்தியா ஏழை நாடுதான் இருப்பவர் இல்லாதவருக்கு கொடுத்தால்
இன்னும் எவ்வளவு நல்லா இருக்கும் ..........
இந்தியா மட்டும் இல்லை முழு உலகமும் இப்படிதான் இருக்கு
தான் மட்டும் நல்லா இருந்தால் போதும் என்று வாழ்வது.

தகவலுக்கு நன்றி அண்ணா...