குழந்தையின் கல்விக்குத் தடையாய் இருப்பவை

எஸ்.அஸ்லி · எஸ்.அஸ்லி Sun 4 Apr 2010 - 22:54

குழந்தையின் கல்வியை பாதிப்பை அல்லது பின்னடைவுகளையும் ஏற்படுத்துகின்ற காரணிகளை தெரிந்து கொள்வது மிகவும் அவசியம். பல்வேறுபட்ட காரணங்களால் கற்றுக் கொள்வதில் சிரமப்படுகின்ற குழந்தைகள் உள்ளன. கேட்டல், குறைபாடு, பார்வைக் குறைபாடு, கவனித்தலில் குறைபாடு, தேவைக்கதிகமான செயல்பாடு, கல்வியைப் பாதிக்கின்ற நிரந்தர உடல் நோய்கள், சில மருந்து வகைகளை தொடர்ந்து பயன்படுத்துதல், மனத் தாக்கங்கள் பிடித்திருத்தல், வளர்ச்சிக் குறைபாடு காரணமாக பேசுவதற்கு மொழியைக் கையாள்வதற்கும் தாமதம் காட்டுதல் மேலே குறிப்பிட்ட காரணங்களில் ஏதாவது உங்கள் குழந்தைகளிடம் இருக்குமாயின் கீழுள்ள விடயங்கள் பற்றி நீங்கள் மிகவும் கவனமாக இருக்க வேண்டும்.

எஸ்.அஸ்லி · எஸ்.அஸ்லி Sun 4 Apr 2010 - 22:54

குழந்தை படிப்பு விசயத்தில் காட்டும் பலஹீனம் பற்றி நம்மில் அநேகம் பேர் தவறாக கருத்தோட்டம் உடையவர்களாக இருக்கின்றார்கள். படிப்பு விசயத்தில் பலஹீனமாக உள்ள எல்லாக் குழந்தைகளும் மந்த புத்தி உள்ளவையாக இல்லை என்பதைக் கருத்தில் கொள்ள வேண்டும். போதியளவு அறிவும், கவனிப்பும் உள்ள சில குழந்தைகள் வாசிப்பதிலும் எழுதுவதிலும் அதிருப்தி காட்டுவார்கள். அநேகமான பெற்றோர்கள் தம் குழந்தைகளின் கல்வியிலிருந்து பெரும் திறமைகள் வெளிப்பட வேண்டும் என்று எதிர்பார்க்கின்றார்கள். சாதாரண அறிவும் திறமையும் உள்ள குழந்தைக்கு கற்றுக் கொள்ள முடியாது என்று கற்றுக் கொள்வதில் பலஹீனமாக இருக்கிறது என்று தவறாகப் புரிந்து கொள்ளக் கூடிய நிலை உங்களுக்கு ஏற்பட முடியும். கற்றுக் கொள்வதில் திறமை குறைந்த குழந்தைகள் சோம்பலானவையாகவும் உற்சாகமானவையாகவும் காணப்படுகின்றன என நம்மில் அநேகமானோர் தவறாகப் புரிந்து கொள்கிறார்கள்.

எஸ்.அஸ்லி · எஸ்.அஸ்லி Sun 4 Apr 2010 - 22:55

வற்புறுத்திக் கற்பித்தல் :

குழந்தைகளுக்கு வற்புறுத்திக் கற்றுக் கொடுப்பதைத் தவிர்த்துக் கொள்ள வேண்டும். வற்புறுத்தலால் எதிர்பார்க்கின்ற பிரதிபலனைப் பெற்றுக் கொள்ள முடியாது என்பதை விளங்கிக் கொள்ள வேண்டும். கற்றுக் கொள்வதில் பலஹீனமாக இருக்கும் குழந்தைகளைக் கட்டாயப்படுத்தி கற்க வைப்பதன் காரணமாக, அக் குழந்தைகள் முரட்டு சுபாவம் கொண்டவையாகவும் மன அமைதியற்ற தன்மையுடையவையாகவும் மாறும் நிலை உங்களாலேயே நிகழலாம்.

எஸ்.அஸ்லி · எஸ்.அஸ்லி Sun 4 Apr 2010 - 22:55

பலஹீனமாக குழந்தைகளை இனங்காணல் :

குழந்தைகளின் கற்றல் பின்னடைவுகளை அல்லது பலஹீனங்களை அறிந்து கொள்ள பாடசாலை பருவம் ஆரம்பமாகும் வரை காத்திருக்கக் கூடாது. பலர் பாடசாலைக்குச் செல்லும் சந்தர்ப்பத்தில் அல்லது அதற்கு முன்னுள்ள காலப்பகுதியில் குழந்தைகளின் சரியான நிலையை அறிந்து கொள்வதில் அவதானமாக இருக்க வேண்டும். உதாரணமாக, குழந்தைகளின் உள அல்லது உடல்நிலைகளின் அதிக கவனம் செலுத்த வேண்டிய தேவை ஏற்பட்டால் எவ்வித காலதாமதமின்றி, அதுபற்றி ஒரு வைத்தியர் மனநோய் நிபுணர், ஆலோசனை வழங்குபவர்கள் (ஊழுருNளுநுடுடுநுசு) போன்றோரின் உதவியைத் தேவைக்கேற்பப் பெற்றுக் கொள்ள வேண்டும்.

எஸ்.அஸ்லி · எஸ்.அஸ்லி Sun 4 Apr 2010 - 22:55

குழந்தைகள் வளரும் விதம், அவற்றின் சிந்தனை செயல்பாடுகள் கற்கும் முறை முதலியவற்றை ஆழமாக விளங்கிக் கொள்ளக் கூடிய திறன், குறிப்பாக ஆசிரியர்களிடமும் பெற்றோர்களிடமும் இருக்க வேண்டும். கூச்ச உணர்வு கொண்ட பயந்த சுபாவம் உள்ள அடிக்கடி தொந்திரவு செய்கின்ற, அடிக்கடி சண்டை பிடிக்கின்ற, உடல் வளர்ச்சி குன்றிய, அல்லது போசாக்கற்ற சமூக நடைமுறைக்கு மாற்றமாக செயல்படுகின்ற குழந்தைகளை இனங்கண்டு, அவர்களது விசயத்தில் பொருத்தமானவர்களை நாடி ஆலோசனைகளைப் பெற்றுக் கொள்ள வேண்டும்.

சபீர் · சபீர் Sat 19 Jun 2010 - 19:07

நல்லதொரு விளக்கம் நன்றி அஸ்லி

மஞ்சுபாஷிணி · மஞ்சுபாஷிணி Sat 19 Jun 2010 - 20:06

அருமையான பகிர்வு அஸ்லி....

உண்மையேப்பா..... ஒரு வகுப்பில் இருபது பிள்ளைக படிக்குதுன்னா இருபதும் ஒரே போல யோசிக்காது பேசாது நடக்காது.... நாம தான் ஒவ்வொரு பிள்ளைக அது வழில போய் அழகாய் சக்ஸஸ்ஃபுல்லா வரமாதிரி செய்யனும்... அதுக்கு பொறுமையும் ஈடுபாடும் விடாமுயற்சியும் துளி அன்பும் முக்கியமா வேணும்...

அன்பு நன்றிகள் அஸ்லி...