கல்விச்சாலை நினைவுகள்........

ஹனி · ஹனி Tue Apr 06, 2010 8:06 pm

அன்றொரு நாள் வானத்தை
அன்னார்ந்து பார்க்கையிலே
என் உள்மனதில்
சில உண்மைகள் - என்னை
அறியாமலே எழுந்தன
கடந்த கல்விக் கூட
நினைவலைகள் என்னைச் சேர்ந்தன.

ஈரைந்து மாதமதில்
தரித்து நான்
ஓரைந்து வயதில் - என்னை
கல்விக்கூடம்
கூட்டிச் சென்று
கால் பதித்து விட்டார்
அன்னையர்.

புரியாத வயதில்
அறியாத நண்பர்கள்
குருவி கூடுவது போல்
ஓர் இன்பச் சேர்க்கை
விளையாட்டில் மிதப்பதும்
எழுத்தாற்றலில் சிறப்பதும்
இப்பருவ நினைவலைகள்

ஐந்து வருடம் சுழன்று
தரம் ஐந்தை அடைந்தேன்
ஓயாத வகுப்பு
ஒவ்வொரு நாளும் படிப்பு
இதுவே அதன் சிறப்பு
சிலர் சித்தியும்
பலர் அசித்தியும் அடைந்தனர்.

கருக்கொண்ட - கல்வியில் நானும்
குடிகொண்டு விட்டேன்
நட்ப்புக்குள் ஓராயிரம்
எனை அடைந்தன
அதில் இரகசிய குழு
சினேகம் ஒரு பக்கம்
மற்றொன்று வேறொரு பக்கம்
பரவிக் கிடந்தன.

காலங்கள் கடந்தேர
பல நினைவுகளும் என்னில்
புதுமையைத் தந்தன
நட்புக்களும் விரோதங்களும்
நிறையவே விளைந்தன.

ஓடிப் பிடித்து
துரும்புடன் பிணைத்து
விருப்புடன் பம்பரமாய்
ஆட விட்ட - அந்த
பாவமறியா நாட்கள் ..............

பற்றைக் காடுகளில்
பக்குவமாய் பதுங்கி
குருவிக் கூடுகளுக்குள்
கை விட்டு
குட்டிப் பாம்பில்
விரல் பட்டு
வீரீட்டுக் கத்தியோடிய
பயங்கர நாட்கள்.......

ஸ்ரீ கிருஷ்ணன் · 13/11/2009

ஹனி wrote:
பற்றைக் காடுகளில்
பக்குவமாய் பதுங்கி
குருவிக் கூடுகளுக்குள்
கை விட்டு
குட்டிப் பாம்பில்
விரல் பட்டு
வீரீட்டுக் கத்தியோடிய
பயங்கர நாட்கள்.......

உண்மை

ஹனி · ஹனி Tue Apr 06, 2010 8:41 pm

பள்ளிக்கூட
மாமரத்தோப்பில்
கள்ளத்தனமாய்
காய்கள் பறித்து
கையும் மெய்யுமாய்
மாட்டிக் கொண்டு
மெய் வருந்த கூலியாய்
பிரம்படி பட்ட
அந்த சோக நாட்களும்
சுவையாய் இருக்கிறதே இன்று.

பாட நேரத்தில்
பாடம் நடக்காவிடில்
கூடிச் சேர்ந்து
கும்மாளம் அடித்த நாள்
இன்னும் வராதா..........?

மாணவ மன்றம் என்றால்
முன்னின்று நிகழ்ச்சிகள்
முழுமையாய் செய்து
பாடல், ஆடல், கூத்து என்று
பழகிய அந்நினைவுகள்
இன்னும் என்னை
ஆழ்த்துகின்றன.......

சின்னச் சின்ன சண்டைகள்
சிறப்பான சில ஊடல்கள்
எடுத்ததற்க்கெல்லாம் கோபம் - என்று
பட்ட நினைவுகள் இன்னும்
நெஞ்சில் நீந்துகின்றன.......

ஆசான் அடிப்பாரென
ஐயம் கொண்டு
தந்த வினாக்களை
செவ்வனே செய்து
சித்தி பெற்ற நாட்கள்
இன்னும் உள் மனதில்
உறங்குகின்றன இன்று........

ஒவ்வொரு மணியோசையும்
விரைவாக ஒலிக்கனும் - என
நினைத்து
கலையுமுன்
புத்தக பையை தூக்கி
வரிசையில் நிக்கும் நாள்
இன்னும் நினைவில் இருக்கின்றன.........

இடைவேளை வருமுன்
இடையிலே புசித்து
நண்பர்களுடன் ரசித்து
ஒஃபிஸ்லே அதிபர் அடித்து
இன்ப நினைவலைகள்
மறக்கவே முடிய வில்லை......

போட்டிக்காய் படித்து
முதலிடத்தைப் பெற்று
பாராட்டை பெற்று
அனைவரையும் கவர்ந்த
கலைக் கூட காலம்
இன்னும் வராதா......?

சாதாரண தரத்தில்
சரித்திரம் பெற பெறுபேறுகள்
சாதனையாய் சாதித்து
பெற்றோரினதும் மற்றோரினதும்
மாண்புகழ் பெற்ற
மகத்தான நினைவுகள்
இன்னும் தொடராதா....................?

உயர்தர கல்வியில்
உன்னத நிலை கான
கண்ணயர்ந்து கற்ற
காலமெல்லாம் கழிப்பாகி
காவியத்து நாயகனாய்
கரையேர நாம் கற்ற நாள்
கண்ணெதிரே தோன்றாதா.........

விடுகை விழாவில்
கூடிலந்த குருவிகளாய்
சிதறுண்டு பதறுண்டு
கல்விக் காலத்தைக் கடத்தி விட்டு
வாழ்க்கைப் பாடத்தின்
அத்திவாரம் போட்ட
அந்த நாள் அருகில் வராதா........?

கல்விக் கூட நினைவலைகள்
நேற்று நடந்தது போல்
என் நினைவூற்றில்
இன்னமும் நீந்துகிறது........................
.
F. அஸ்லினா
addalai chenai

ஹனி · ஹனி Tue Apr 06, 2010 8:44 pm

ஸ்ரீ கிருஷ்ணன் wrote:
ஹனி wrote:
பற்றைக் காடுகளில்
பக்குவமாய் பதுங்கி
குருவிக் கூடுகளுக்குள்
கை விட்டு
குட்டிப் பாம்பில்
விரல் பட்டு
வீரீட்டுக் கத்தியோடிய
பயங்கர நாட்கள்.......
உண்மை